ກຳປູເຈຍຈະຢຸດການຄົ້ນຫາທະຫານ ອາເມລິກາ ທີ່ສູນຫາຍໃນສົງຄາມຫວຽດນາມ

- WhatsApp Image 2017 07 12 at 9 - ກຳປູເຈຍຈະຢຸດການຄົ້ນຫາທະຫານ ອາເມລິກາ ທີ່ສູນຫາຍໃນສົງຄາມຫວຽດນາມ

ນາຍົກລັດຖະມົນຕີ ຮຸນ​ເຊ​ນ ຂອງ​ກຳປູ​ເຈຍ ກ່າວ​ໃນ​ວັນ​ທີ 15 ກັນຍາ​ວ່າ: ທ່ານ​ຈະ​ຕອບ​ໂຕ້​ອາ​ເມ​ລິ​ກາ​ທີ່​ສັ່ງ​ຢຸດ​ການ​ອອກ​ວີ​ຊາ​ໃຫ້​ເຈົ້າໜ້າ​ທີ່​ລະດັບ​ສູງ​ຂອງ​ກຳປູ​ເຈຍ ​ໂດຍ​ການ​ຢຸດ​ການ​ຮ່ວມ​ມື​ກັບ​ອາ​ເມ​ລິ​ກາ​ໃນ​ພາລະກິດ​ຄົ້ນຫາ​ຮ່າງ​ທະຫານ​ຊາວ​ອາ​ເມ​ລິ​ກາ​ທີ່​ສູນຫາຍ​ລະຫວ່າງ​ປະຕິບັດ​ໜ້າ​ທີ່​ໃນ​ໄລຍະ​ສົງຄາມ​ຫວຽດນາມ.

- lattana 1 - ກຳປູເຈຍຈະຢຸດການຄົ້ນຫາທະຫານ ອາເມລິກາ ທີ່ສູນຫາຍໃນສົງຄາມຫວຽດນາມ

​ເວ​ບ​ໄຊ​ເຟຣດນິວທີ່​ສະ​ໜັບສະ​ໜູນ​ລັດຖະບານ​ກຳປູ​ເຈຍ ລາຍ​ງານ​ໂດຍ​ອ້າງ​ຄຳ​ກ່າວ​ຂອງ​ນາຍົກລັດຖະມົນຕີ ຮຸນ​ເຊ​ນ ລະບຸ​ວ່າ: ຈະ​ຢຸດ​ການ​ຮ່ວມ​ມື​ກັບ​ອາ​ເມ​ລິ​ກາ​ໃນ​ການຄົ້ນຫາ​ຮ່າງ​ຊາວ​ອາ​ເມ​ລິ​ກາ​ອີກ 48 ຄົນ​ທີ່​ຍັງ​ສູນຫາຍ​ຢູ່​ໃນ​ກຳປູ​ເຈຍ ຈົນ​ກວ່າ​ທັງ​ສອງ​ປະ​ເທດ​ຈະ​ສາມາດ​ຫາ​ຂໍ້​ຢຸດຕິ​ບັນຫາ​ຕ່າງໆ ​ໂດຍ​ສະ​ເພາະ​ເລື່ອງ​ການ​ຫ້າມ​ອອກ​ວີ​ຊາ​ໃຫ້​ຊາວ​ກຳປູ​ເຈຍ​ໄດ້. ສະຖານທູດ​ອາ​ເມ​ລິ​ກາ​ຢຸດ​ການ​ອອກ​ວີ​ຊາ​ໃນ​ວັນ​ທີ 13 ກັນຍາ ​ໂດຍ​ໃຫ້​ເຫດຜົນ​ວ່າ: ກຳປູ​ເຈຍ​ປະຕິ​ເສດ ​ແລະ ດຶງ​ເວລາ​ໃນ​ການ​ຮັບ​ຊາວ​ກຳປູ​ເຈຍ​ທີ່​ກະທຳ​ຄວາມ​ຜິດ​ໃນ​ຄະດີ​ອາຍາ​ກັບປະ​ເທດ. ນອກຈາກ​ກຳປູ​ເຈຍ​ແລ້ວ, ອາ​ເມ​ລິ​ກາ​ໄດ້​ໃຊ້​ມາດ​ຕະການ​ດຽວ​ກັນ​ກັບປະ​ເທດ​ໃນ​ເຂດ​ອາ​ຟຣິກາ ປະກອບ​ມີ ​ເອຣິ​ເຕຣຍ, ​ເຊຍຣາ​ເລ​ອອນ ​ແລະ ກິ​ເນ.

​ເຖິງ​ຢ່າງ​ໃດ​ກໍ​ດີ, ກະຊວງ​ການ​ຕ່າງປະ​ເທດ​ກຳປູ​ເຈຍ​ປະຕິ​ເສດ​ວ່າ: ບໍ່​ໄດ້​ຢຸດ ຫຼື ດຶງ​ເວລາ​ໃນ​ການ​ຮັບ​ຜູ້​ຖືກ​ເນລະ​ເທດ, ​ແຕ່​ກຳລັງ​ມີ​ການ​ແກ້​ໄຂ​ຂໍ້​ຕົກລົງ​ທີ່​ເຮັດ​ຂຶ້ນ​ໃນ​ປີ 2002 ​ເພື່ອ​ຜົນ​ປະ​ໂຫຍ​ດຂອງ​ປະ​ເທດ. ຂະນະ​ທີ່​ນາຍົກລັດຖະມົນຕີ ຮຸນ​ເຊ​ນ ​ໃຫ້​ສຳພາດ​ກັບ​ເຟຣດນິວວ່າ: ກະຊວງ​ຈະ​ແຈ້ງ​ອາ​ເມ​ລິ​ກາ​ກ່ຽວ​ກັບ​ການ​ຢຸດ​ພາລະກິດ​ຄົ້ນຫາ​ຜູ້​ສູນຫາຍ​ໃນ​ອະນາຄົດ​ອັນ​ໃກ້ ​ແລະ ກ່າວ​ວ່າ: ການ​ສົ່ງ​ຜູ້​ກະທຳ​ຄວາມ​ຜິດ​ກັບ​ມາ​ເປັນ​ການ​ທຳລາຍ​ການ​ພົວພັນ ​ແລະ ​ໄຮ້​ເຊິ່ງມະນຸດສະທຳ. ທ່ານ​ກ່າວ​ວ່າ: ຊາວ​ກຳປູ​ເຈຍ​ທີ່​ຖືກ​ສົ່ງ​ກັບ​ມາ​ບາງ​ຄົນ​ເຖິງ​ຂະໜາດ​ຕັດສິນ​ໃຈ​ຂ້າ​ຕົວ​ຕາຍ. ສ່ວນ​ກຸ່ມ​ນັກ​ເຄື່ອນ​ໄຫວ​ປົກ​ປ້ອງ​ສິດທິ​ມະນຸດ​ບາງ​ກຸ່ມ​ເຫັນ​ພ້ອມ ​ແລະ ກ່າວ​ວ່າ: ຜູ້​ກະທຳ​ຄວາມ​ຜິດ​ບາງ​ຄົນ​ເກືອບ​ບໍ່​ໄດ້​ໃຊ້​ຊີວິດ​ຢູ່​ໃນ​ກຳປູ​ເຈຍ ​ແລະ ຍ້າຍ​ຖິ່ນ​ຖານ​ໄປ​ຢູ່​ອາ​ເມ​ລິ​ກາ​ແຕ່​ຍັງ​ນ້ອຍ.

- dao e1499999169791 - ກຳປູເຈຍຈະຢຸດການຄົ້ນຫາທະຫານ ອາເມລິກາ ທີ່ສູນຫາຍໃນສົງຄາມຫວຽດນາມ