ກຽມສ້າງຂົວເຊກຸມກາມ ແລະ ຂົວເຊທ່າມວກ ບົນເສັ້ນທາງເລກ 9 ຄືນໃໝ່

- WhatsApp Image 2017 07 12 at 9 - ກຽມສ້າງຂົວເຊກຸມກາມ ແລະ ຂົວເຊທ່າມວກ ບົນເສັ້ນທາງເລກ 9 ຄືນໃໝ່

ປັດຈຸບັນນີ້ບໍລິສັດຣາຊາມາ ອັນໂດ ແລະ ບໍລິສັດ ເຈເອບອີ ເອັນຈີເນຍລິ້ງ (HJJV) ປະເທດ ຍີ່ປຸ່ນໄດ້ເລີ່ມເລີ້ກຮື້ຂົວເຊກຸມກາມ ເຂດບ້ານໂນນສະອາດເມືອງພະ ລານໄຊ ແລະ ຊົວເຊທ່າມວກ ເຂດບ້ານອຸດົມໄຊ ເມືອງພີນທີ່ ນອນຢູ່ໃນເສັ້ນທາງເລກ 9 ເພື່ອ ຈະກໍ່ສ້າງຄື້ນໃໝ່ໂດຍກະຊວງ ໂຍທາ ທິການ ແລະ ຂົນສົ່ງຮ່ວມ ກັບອົງການຮ່ວມມືສາກົນ ໄຈກາ ແລະ ແຂວງສະຫວັນນະເຂດ ໄດ້ຕົກລົງເຫັນດີກໍ່ສ້າງຂົວທັງ ສອງແຫ່ງໃນຕົ້ນເດືອນສິງຫາ ຜ່ານມາ.

- lattana 1 - ກຽມສ້າງຂົວເຊກຸມກາມ ແລະ ຂົວເຊທ່າມວກ ບົນເສັ້ນທາງເລກ 9 ຄືນໃໝ່

 

+ ຂົວຂ້າມນ້ຳຂອງປາກລາຍ-ຊະນະຄາມຈະເປີດນຳໃຊ້​ໃນກາງ​ເດືອນນີ້

+ ຫ້ອງການ​ຄຸ້ມ​ຄອງ ​ແລະ ການ​ບໍລິການ​ດ່ານ​ສາກົນຂົວມິດຕະພາບ​ລາວ-​ໄທ 1 ເປີດ​ບັ້ນດຳເນີນ​ຊີວິດ​ການ​ເມືອງປັບປຸງປົວແປງພັກ

 

ທ່ານ ຄຳໝັ້ນ ແສນພິມ ມະຈັກ ຮອງຫົວໜ້າຄະນະຮັບ ຜິດຊອບໂຄງການກໍ່ສ້າງຂົວເຊ ກຸມກາມ ແລະ ຂົວເຊທ່າມວກ ໃຫ້ຮູ້ວ່າ: ຂົວທັງສອງແຫ່ງນີ້ ແມ່ນໄດ້ຮັບການຊ່ວຍເຫລືອລ້າ ຈາກລັດຖະບານຍີ່ປຸ່ນໃນວົງເງິນ 2,528 ລ້ານເຢັນ ແລະ ທຶນສົມ ທົບຂອງລັດຖະບານລາວຫລາຍ ກວ່າ 10 ຕື້ກີບເພື່ອສ້າງເປັນຂົວ ເບຕົງເສີມເຫລັກ, ໃນນີ້ຂົວເຊກຸມ ກາມມີຄວາມຍາວ 90 ແມັດ, ກວ້າງ 10,30 ແມັດ. ສ່ວນຂົວ ເຊທ່າມວກ ມີຄວາມຍາວ 160 ແມັດ, ກວ້າງ 11,80 ແມັດ.

ທ່ານ ທາເຄຊີ ຮິຄິຮາຣະ ທູດຍີ່ປຸ່ນປະຈຳລາວ ໃຫ້ສຳພາດ ວ່າ: ການປັບປຸງທາງເລກ 9 ທີ່ ເປັນແລວເສດຖະກິດຕາເວັນ ອອກ-ຕາເວັນຕົກ. ເຂດເສດຖະ ກິດພິເສດ ສະຫວັນ-ເຊໂນກໍໄດ້ ຮັບການພັດທະນາ ແລະ ໄດ້ ຊ່ວຍໃຫ້ບໍລິສັດຕ່າງໆພາຍໃນ ແລະ ຕ່າງປະເທດໄດ້ມາຕັ້ງບໍລິ ສັດຂຶ້ນ ເຊິ່ງລວມໄປເຖິງ ບໍລິສັດ ຍີ່ປຸ່ນມີຢູ່ 21 ບໍລິສັດ. ເຊິ່ງບໍລິສັດ ເຫລົ່ານັ້ນແມ່ນຈະຊ່ວຍວຽກ ເຮັດງານທຳໃນທ້ອງຖິ່ນ ແລະ ປະກອບສ່ວນເຂົ້າໃນການພັດ ທະນາເສດຖະກິດຂອງລາວ ດີຂຶ້ນ. ສປປ ລາວ ໄດ້ວາງເປົ້າ ໝາຍແຫ່ງຊາດກໍຄືການຫລຸດ ພົ້ນອອກຈາກປະເທດດ້ອຍພັດ ທະນາໃນປີ 2020 ເຊິ່ງມັນເປັນ ກຸນແຈທີ່ສຳຄັນຈຳຄືການເຊື່ອມ ຕໍ່ ສປປ ລາວ ມີທີ່ຕັ້ງຢູ່ໃຈກາງ ຂອງອາຊຽນ, ດັ່ງນັ້ນການພັດ ທະນາປະເທດໃຫ້ກາຍເປັນສູນ ກາງການຂົນ ສົ່ງໃນພາກພື້ນ ຈຶ່ງ ມີຄວາມຈຳເປັນຫລາຍ ແລະ ໃນ ແຜນການພັດທະນາເສດຖະກິດ ແຫ່ງຊາດຄັ້ງ ທີ 8 ກໍເຊັ່ນດຽວ ກັນ, ເພື່ອເຮັດໃຫ້ການເຊື່ອມ ຈອດຂອງປະຊາຄົມເສດຖະກິດ ອາຊຽນເປັນຈິງ.

- dao e1499999169791 - ກຽມສ້າງຂົວເຊກຸມກາມ ແລະ ຂົວເຊທ່າມວກ ບົນເສັ້ນທາງເລກ 9 ຄືນໃໝ່