ກໍາມະບານເອົາໃຈໃສ່ປົກປ້ອງສິດຜົນປະໂຫຍຂອງກໍາມະກອນ

- WhatsApp Image 2017 07 12 at 9 - ກໍາມະບານເອົາໃຈໃສ່ປົກປ້ອງສິດຜົນປະໂຫຍຂອງກໍາມະກອນ

ປະທານສູນກາງສະຫະພັນກໍາມະບານລາວ ທ່ານ ປ້ານ ນ້ອຍມະນີ ໃຫ້ຮູ້ວ່າ: ໃນໄລຍະຜ່ານມາສະຫະພັນກໍາມະບານລາວແຕ່ລະຂັ້ນໄດ້ເອົາໃຈໃສ່ເກັບກໍາຂໍ້ມູນຄວາມສຸກທຸກຂອງກໍາມະກອນ, ແກ້ໄຂບັນດາຂໍ້ຂັດແຍ່ງດ້ານແຮງງານ, ເປັນເຈົ້າການສະເໜີປັບປຸງລະດັບເງິນເດືອນຂັ້ນຕໍ່າສຸດຂອງກໍາມະກອນໃຫ້ແທດເໝາະກັບການຂະຫຍາຍຕົວຂອງເສດຖະກິດ-ສັງຄົມໃນແຕ່ລະໄລຍະ, ປົກປ້ອງ ແລະ ແກ້ໄຂຄວາມເດືອດຮ້ອນຂອງກໍາມະກອນ ແລະ ຊາວຜູ້ອອກແຮງງານ ເພື່ອເປັນການຍົກສູງຊີວິດການເປັນຢູ່ຂອງເຂົາເຈົ້າໃຫ້ດີຂຶ້ນ.

- lattana 1 - ກໍາມະບານເອົາໃຈໃສ່ປົກປ້ອງສິດຜົນປະໂຫຍຂອງກໍາມະກອນ

ທ່ານປະທານສູນກາງສະຫະພັນດັ່ງກ່າວ ໃຫ້ຮູ້ວ່າ: ປັດຈຸບັນຢູ່ປະເທດເຮົາມີ ຫົວໜ່ວຍແຮງງານພາກວິສາຫະກິດທັງໝົດ 124.987 ແຫ່ງ, ມີຜູ້ອອກແຮງານປະມານ 576.793 ຄົນ, ໃນນີ້ເປັນສະມາຊິກກໍາມະບານ 274.491 ຄົນ ແລະ ສາມາດສ້າງແຮງງານລວມໝູ່ໄດ້ 497 ແຫ່ງໃນທົ່ວປະເທດ ແລະ ໄດ້ເອົາໃຈໃສ່ໃຫ້ຄໍາປຶກສາດ້ານລະບຽບກົດໝາຍແກ່ຜູ້ອອກແຮງງານ, ສາມາດໄກ່ເກ່ຍຂໍ້ຂັດແຍ່ງແຮງງານເພື່ອທວງເງິນຄືນໃຫ້ພະນັກງານ, ກໍາມະກອນໄດ້ຫລາຍກວ່າ 1,2 ຕື້ກີບ ແລະ ໄດ້ຂຶ້ນທະບຽນກໍາມະກອນແລ້ວຈໍານວນ 68.500 ກວ່າຄົນ, ໄປຄຽງຄູ່ກັບການເອົາໃຈໃສ່ຕິດຕາມເງື່ອນໄຂການອອກແຮງງານຢູ່ຫົວໜ່ວຍການຜະລິດຕ່າງໆ, ພ້ອມອອກແຮງເຄື່ອນໄຫວໂຄສະນາກ່ຽວກັບຄວາມປອດໄພແຮງງານ ແລະ ສຸຂະອານາໄມ, ເຜີຍແຜ່ຜົນຮ້າຍໃນການໃຊ້ສານຜິດ, ສານເຄມີຕ່າງໆເຂົ້າໃນການຜະລິດ, ພ້ອມທັງໄດ້ຊຸກຍູ້ກວດສຸຂະພາບໃຫ້ພະນັກງານ, ກໍາມະກອນ ເພື່ອປົກປ້ອງສຸຂະພາບ ແລະ ພະຍາດອາຊີບ, ອັນພົ້ນເດັ່ນແມ່ນໄດ້ເປັນເຈົ້າການສະເໜີຂຶ້ນຄ່າແຮງງານຂັ້ນຕໍ່າໃຫ້ແກ່ຜູ້ອອກແຮງງານໄດ້ 3 ຄັ້ງ, ນອກນີ້ຍັງມີຫ້ອງການໃຫ້ຄໍາປຶກສາທາງດ້ານກົດໝາຍຢູ່ 9 ແຂວງເປົ້າໝາຍ, ພ້ອມທັງມີສູນໃຫ້ຄໍາປຶກສາກ່ຽວກັບແຮງງານເຄື່ອນຍ້າຍຢູ່ແຂວງສະຫວັນນະເຂດ, ຈໍາປາສັກນໍາດ້ວຍ ແລະ ເມື່ອບໍ່ດົນມານີ້ກໍໄດ້ເປີດສາຍດ່ວນ 1512 ຂອງສູນກາງສະຫະພັນກໍາມະບານລາວ ເພື່ອໃຫ້ຄໍາປຶກສາກ່ຽວກັບວຽກງານກໍາມະບານ, ການປົກປ້ອງສິດຜົນປະໂຫຍດຂອງຜູ້ອອກແຮງງານ ແລະ ຜູ້ໃຊ້ແຮງງານໃຫ້ມີຄວາມຍຸຕິທໍາ.

- dao e1499999169791 - ກໍາມະບານເອົາໃຈໃສ່ປົກປ້ອງສິດຜົນປະໂຫຍຂອງກໍາມະກອນ