ຄະນະກຳມະການສິດທິມະນຸດຟີລິບປິນ ຖືກຕັດງົບເຫລືອ 1.000 ເປໂຊ

- WhatsApp Image 2017 07 12 at 9 - ຄະນະກຳມະການສິດທິມະນຸດຟີລິບປິນ ຖືກຕັດງົບເຫລືອ 1.000 ເປໂຊ

- 97780640 9a2c4f6c 4a40 4933 a1e8 84eaf08edbe3 - ຄະນະກຳມະການສິດທິມະນຸດຟີລິບປິນ ຖືກຕັດງົບເຫລືອ 1.000 ເປໂຊ

- lattana 1 - ຄະນະກຳມະການສິດທິມະນຸດຟີລິບປິນ ຖືກຕັດງົບເຫລືອ 1.000 ເປໂຊ

ສະມາຊິກສະພາ​ຜູ້​ແທນ​ລາສະດອນ​ຟີ​ລິບ​ປິນ ລົງ​ຄະ​ແນນ 119 ຕໍ່ 32 ສຽງ ຜ່ານ​ຮ່າງ​ງົບປະມານ​ປະຈຳ​ປີ​ຂອງ​ຄະນະ​ກຳມະການ​ສິດທິ​ມະນຸດ ​ເຊິ່ງ​ເປັນ​ໜ່ວຍ​ງານ​ທີ່​ກຳລັງ​ສືບສວນ​ໂຄງການ​ເຮັດ​ສົງຄາມ​ກັບ​ຢາ​ເສບ​ຕິດ​ຂອງ​ປະ​ເທດ ​ໃຫ້​ເຫລືອ 1.000 ​ເປ​ໂຊ.

ທ່ານ ​ແພນ​ຕາ​ເລ​ອອນ ອັດ​ວາ​ເຣ ປະທານ​ສະພາ​ຜູ້​ແທນ​ລາສະດອນ ຮຽກ​ຄະນະ​ກຳມະການ​ສິດທິ​ມະນຸດ​ວ່າ: “​ໄຮ້​ປະ​ໂຫຍ​ດ”. ຂະນະ​ທີ່​ນັກ​ວິຈານ​ລະບຸ​ວ່າ: ການ​ເຄື່ອນ​ໄຫວ​ດັ່ງກ່າວ​ເປັນ​ການ​ລົງ​ໂທດ​ຄະນະ​ກຳມະການ​ທີ່​ວິຈານ​ນະ​ໂຍບາຍ​ເຮັດ​ສົງຄາມ​ກັບ​ຢາ​ເສບ​ຕິດ​ຂອງ​ປະທານາທິບໍດີ ​ໂຣດຣິ​ໂກ ດູ​ເຕີ​ເຕ ​ເຊິ່ງນັບ​ແຕ່​ເລີ່​ມ​ໂຄງການ​ໃນ​ປີຜ່ານມາ ມີ​ຜູ້​ເສຍ​ຊີວິດ​​ແລ້ວ​ນັບ​ພັນ​ຄົນ.

ຜ່ານ​ມາ, ຄະນະ​ກຳມະການ​ສິດທິ​ມະນຸດ​ຟີ​ລິບ​ປິນ ​ເຊິ່ງກຳລັງ​ສອບ​ສວນ​ກໍລະນີ​ການ​ເສຍ​ຊີວິດ​ເຫລົ່າ​ນີ້ ​ໄດ້​ຍື່ນ​ຂໍ​ງົບປະມານ​ປະຈຳ​ປີ 2018 ​ເປັນ​ເງິນ 1,72 ພັນ​ລ້ານ​ເປ​ໂຊ, ​ແຕ່​ຖືກ​ລັດຖະບານ​ສະ​ເໜີ​ໃຫ້​ຕັດ​ຫລຸດ​ລົງ​ເຄິ່ງໜຶ່ງ ​ແລະ ​ໃນ​ການ​ພິຈາລະນາ​ວາລະ​ທີ​ສອງ, ລັດຖະສະພາ​ໄດ້​ລົງມະຕິ​ໃຫ້​ຕັດ​ງົບ​ເຫລືອ 1.000 ​ເປ​ໂຊ ຈາກ​ທີ່​ໄດ້​ຢູ່ 749 ລ້ານ​ເປ​ໂຊ ​ໃນ​ປີ 2017.

- rtx2lnl7 - ຄະນະກຳມະການສິດທິມະນຸດຟີລິບປິນ ຖືກຕັດງົບເຫລືອ 1.000 ເປໂຊ

ທ່ານ ອັດ​ວາ​ເຣ ກ່າວ​ໃນ​ການ​ໃຫ້​ສຳພາດ​ທາງ​ໂທລະພາບ​ວ່າ: ຖ້າ​ຕ້ອງການ​ປົກ​ປ້ອງ​ສິດ​ຂອງ​ອາ​ຊະ​ຍາກ​ອນ ກໍ​ໃຫ້​ໄປ​ຂໍ​ງົບປະມານ​ຈາກ​ອາ​ຊະ​ຍາກ​ອນ.

ສ່ວນ​ທ່ານ ​ເອັກ​ເຊ​ລ ​ແລກ​​ແມນ ​ເຊິ່ງຕໍ່ຕ້ານ​ການ​ຕັດ​ງົບປະມານ ກ່າວ​ວ່າ: ຜູ້​ທີ່​ສະໜັບສະໜູນ​ປະທານາທິບໍດີ​ໃນ​ລັດຖະສະພາ “ຄື​ກັບ​ໄດ້​ລົງ​ໂທດ​ປະຫານ ຕໍ່​ອົງການ​ທີ່​ສ້າງຕັ້ງຂຶ້ນຕາມ​ລັດຖະທຳ​ມະນູນ ​ແລະ ​ໄດ້​ຮັບ​ມອບ​ໝາຍ​ໃຫ້​ມີ​ອຳນາດ​ອິດ​ສະຫຼະ”.

​ເຖິງ​ວ່າ​ຍັດ​ຕິ​ນີ້​ຍັງ​ຕ້ອງ​ລໍຖ້າ​ການ​ລົງ​ຄະ​ແນນ​ຈາກ​ວຸດ​ທິສະພາ​ຕໍ່​ໄປ, ​ແຕ່​ຜູ້​ທີ່​ຄັດຄ້ານ​ກ່າວ​ວ່າ: ມີ​ທ່າ​ອ່ຽງຈະ​ຜ່ານ ​ເນື່ອງ​ຈາກ​ປະທານາທິບໍດີ ​ດູ​ເຕີ​ເຕ ມີ​ສຽງ​ສ່ວນ​ຫລາຍ​ໃນ​ທັງ​ສອງ​ສະພາ.

- dao e1499999169791 - ຄະນະກຳມະການສິດທິມະນຸດຟີລິບປິນ ຖືກຕັດງົບເຫລືອ 1.000 ເປໂຊ