ຈະແກ້ໄຂສະພາບການສັນຈອນແອອັດແນວໃດດີ ?

- WhatsApp Image 2017 07 12 at 9 - ຈະແກ້ໄຂສະພາບການສັນຈອນແອອັດແນວໃດດີ ?

- 1929974 10153282815969149 5725105789388346025 n - ຈະແກ້ໄຂສະພາບການສັນຈອນແອອັດແນວໃດດີ ?

- lattana 1 - ຈະແກ້ໄຂສະພາບການສັນຈອນແອອັດແນວໃດດີ ?

ຄືພວກເຮົາຮູ້ນໍາກັນແລ້ວວ່າ, ປັດຈຸບັນສະພາບການສັນຈອນໃນຕົວເມືອງແມ່ນນັບມື້ແອອັດຫລາຍຂຶ້ນ ໂດຍສະເພາະໃນຊົ່ວ ໂມງເລັ່ງດ່ວນເຂົ້າວຽກ-ເລີກວຽກ ປາກົດວ່າຢູ່ເສັ້ນທາງສາຍຫລັກຕ່າງໆ ເປັນຕົ້ນເສັ້ນທາງ​ໄກສອນ ພົມວິຫານ ນັບ​ແຕ່ຫລັກ 6 ​ເຖິງ​ວົງວຽນ 450 ປີຂາ​ເຂົ້າ, ​ເສັ້ນທາງ​ລ້ານ​ຊ້າງນັບ​ແຕ່​ປະຕູ​ໄຊຫາ 4 ​ແຍກ​ໄຟອໍານາດ​ຕະຫລາດ​ເຊົ້າ, ​ຂະນະທີ່ເສັ້ນທາງ 13 ​ເໜືອ ເຫັນວ່າການ​ສັນຈອນ​ແອ​ອັດ​ຢູ່​ຈຸດ​ໜ້າ​ຕະຫລາດ​ສີ​ໄຄ, ​ເສັ້ນທາງ​ອາ​ຊຽນແຕ່ຈຸດ​ໄຟ​ອໍານາດ​ໜອງ​ດ້ວງ​ຫາ​ແຍກ​ໄຟອໍານາດ​ໂອ​ດ້ຽນ ​ແລະ ນັບ​ແຕ່​ 4 ແຍກ​ໄຟອໍານາດ​ດົງ​ໝ້ຽງ​ຫາ 4 ​ແຍກ​ໄຟອໍານາດ​ສີດຳ​ດວນ​ເຖິງ​ແຍກ​ໄຟອໍານາດ​ສີ​ບຸນ​ເຮືອງ, ​ໄຟອໍານາດເສັ້ນ ທາງ​ເຈົ້າລາ​ດຊະ​ວົງຫາ​ໂຮງຮຽນ​ຫງວຽນ​ຢູໄປຮອດ 3 ​ແຍກ​ດອນ​​ແດງ​ຫາ​ແຍກ​ໄຟອໍານາດ​ໂຮງ​ກາ​ຍະ​ສິນ, ​​​ເສັ້ນທາງ​ຮ່ອມ​ໜ້າ​ກົມ​ຕຳຫລວດກວດຄົນເຂົ້າ-ອອກເມືອງ (ຕມ) ຕໍ່ໃສ່​ເສັ້ນທາງ​ລ້ານ​ຊ້າງກໍມີຄວາມແອອັດໜັກໜ່ວງສົມຄວນ. ພ້ອມນີ້, ໃນ​ເສັ້ນທາງ​ທາດຫລວງ, ​ໂນນ​ຄໍ້, ​​ໜອງ​ບອນ, ​ໂພນ​ສີນ​ວນ, ​ໂສກ​ປ່າຫລວງ, ໜ້າ​ໂຮງໝໍ 103, ​ດົງ​ປ່າ​ລານ ​ແລະ ​ເສັ້ນທາງ​ຄູ​ວຽງ​ໜ້າ​ຕະຫລາດ​ຂົວ​ດິນ ກໍເຫັນວ່າສະພາບການສັນຈອນມີລັກສະນະເຄື່ອນຕົວໄດ້ຊ້າໃນຊົ່ວໂມງເລັ່ງດ່ວນ​ເຊັ່ນ​ກັນ ​ແລະ ຕໍ່​ບັນຫາ​ນີ້ ຈະ​ແກ້​ໄຂ​ແນວ​ໃດ​ດີ ? ຄືໃນຜ່ານມາ, ການ​ແກ້​ໄຂ​ສະພາບແອອັດນີ້, ພາກສ່ວນກ່ຽວຂ້ອງຕ່າງໆກໍໄດ້ນໍາໃຊ້ຫລາຍວິທີການ ເປັນຕົ້ນແມ່ນການຈັດ ກໍາລັງເຈົ້າໜ້າທີ່ຈະລາຈອນ​ໄດ້ລົງອໍານວຍຄວາມສະດວກຕາມຈຸດ 3 ແຍກ 4 ແຍກ ແລະ ເສັ້ນທາງຕ່າງໆ, ເລິກຮື້ບັນດາສິ່ງກີດ ຂວາງການສັນຈອນ, ແກ້ໄຂສະພາບການຈອດລົດຊະຊາຍໄປຄຽງຄູ່ກັບການໃຊ້ມາດຕະການດ້ານລະບຽບກົດໝາຍຕໍ່ຜູ້ລະເມີດ, ແຕ່ກໍເຫັນວ່າແກ້ໄຂບັນຫາໄດ້ພຽງສ່ວນໜຶ່ງຂອງປາຍເຫດເທົ່ານັ້ນ, ເພາະວ່າອັນຕົ້ນຕໍແມ່ນພາຫະນະມີຈໍານວນເພີ່ມຂຶ້ນນັບມື້, ​ເສັ້ນທາງ​ຍັງ​ຄື​ເກົ່າ ​ແລະ ນອກຈາກນີ້ສໍານັກງານ, ອົງການ ແລະ ສະຖານທີ່ບໍລິການສໍາຄັນຕ່າງໆ ເຊັ່ນ: ໂຮງໝໍ, ໂຮງຮຽນ, ໂຮງຈັກ ໂຮງງານ, ທະນາຄານ, ຕະຫລາດ, ສູນການຄ້າ ແລະ ຫົວໜ່ວຍບໍລິການອື່ນໆເຫັນວ່າຍັງໂຮມຢູ່ແຕ່ໃນເຂດຕົວເມືອງເປັນສ່ວນ ໃຫຍ່ ຈຶ່ງເຮັດໃຫ້ຄົນຫລັ່ງເຂົ້າມາໃນເມືອງຫລາຍກວ່າອອກສູ່ຊານເມືອງ. ສະນັ້ນ ໃນຕໍ່ໜ້ານີ້, ຖ້າຫາກລະບົບພື້ນຖານໂຄງລ່າງ ຍັງຂະຫຍາຍຢູ່ແຕ່ເຂດຕົວເມືອງຫລາຍຂຶ້ນກໍອາດຈະເຮັດໃຫ້ການແກ້ໄຂການສັນຈອນແອອັດຍາກຂຶ້ນຕື່ມນັບ​ມື້.

- dao e1499999169791 - ຈະແກ້ໄຂສະພາບການສັນຈອນແອອັດແນວໃດດີ ?