ນະຄອນຫລວງກຽມປິດຮ້ານບັນເທິງດາວຄໍາຕາມຄໍາສັ່ງເຈົ້າຄອງ

- WhatsApp Image 2017 07 12 at 9 - ນະຄອນຫລວງກຽມປິດຮ້ານບັນເທິງດາວຄໍາຕາມຄໍາສັ່ງເຈົ້າຄອງ

ພະແນກຖະແຫລງຂ່າວ, ວັດທະນາທໍາ ແລະ ທ່ອງທ່ຽວ ນະຄອນຫລວງວຽງຈັນ ກຽມສັ່ງປິດຮ້ານບັນເທິງດາວຄໍາ, ຢູ່ບ້ານນາຄໍາເມືອງສີໂຄດຕະບອງນະຄອນຫລວງວຽງຈັນ ຕາມຄໍາສັ່ງຂອງເຈົ້າຄອງນະຄອນຫລວງວຽງຈັນ, ພາຍຫລັງມີສະພາບຄວາມບໍ່ສະຫງົບເກີດຂຶ້ນຫລາຍຄັ້ງ ແລະ ບໍ່ປະຕິບັດຕາມລະບຽບຄໍາສັ່ງຂອງຂັ້ນເທິງ ຄື: ໄລຍະຜ່ານມາ, ການເຄື່ອນໄຫວດໍາເນີນທຸລະກິດຂອງຮ້ານບັນເທິງດາວຄໍາແມ່ນມີເຫດການກໍ່ຄວາມບໍ່ສະຫງົບອາລະວາດຕີກັນ, ດັ່ງນັ້ນ, ພະແນກຖະແຫລງຂ່າວ, ວັດທະນາທາ ແລະ ທ່ອງທ່ຽວນະຄອນຫລວງວຽງຈັນ ກໍໄດ້ຕັກເຕືອນຫລາຍຄັ້ງຄື: ຄັ້ງທີ 1 ໄດ້ອອກແຈ້ງການສະບັບເລກທີ 0878/ຖວທ.ນວ ລົງວັນທີ 30/4/2015 ໃຫ້ຢຸດຕິກິດຈະການຫ້ອງບັນເທິງ-ຄາລາໂອເກະຊົ່ວຄາວ, ຄັ້ງທີ 2 ໄດ້ມີແຈ້ງການສະບັບເລກທີ 1043/ ຖວທ.ນວ ລົງວັນທີ 12/6/2016 ວ່າດ້ວຍການຖອນໃບອະນຸຍາດດໍາເນີນທຸລະກິດຫ້ອງບັນເທິງ-ຄາລາໂອເກະ ແລະ ຄັ້ງທີ 3 ໄດ້ມີແຈ້ງການສະບັບເລກທີ 0435/ ຖວທ.ນວ ລົງວັນທີ 6/1/2016 ໃຫ້ຢຸດຕິການຕໍ່ອະນຸຍາດດໍາເນີນທຸລະກິດຫ້ອງບັນເທິງດາວຄໍາປະຈໍາປີ 2016 ແລະ ມາໃນວັນທີ 14/2/2017 ເວລາປະມານ 12:15 ໂມງຢູ່ຫ້ອງບັນເທິງດາວຄໍາໄດ້ເກີດເຫດການກໍ່ຄວາມບໍ່ສະຫງົບອີກຄັ້ງ, ໂດຍມີການນໍາໃຊ້ອາວຸດປືນຍິງກັນເຮັດໃຫ້ມີຜູ້ເສຍຊີວິດ 1 ຄົນ ແລະ ບາດເຈັບ 3 ຄົນ ແລະ ມາຮອດວັນທີ 17/4/2017 ຈຶ່ງໄດ້ມີຄໍາສັ່ງເຈົ້າຄອງນະຄອນຫລວງວຽງຈັນ ສະບັບເລກທີ 03/ຈນວ ວ່າດ້ວຍການຢຸດຕິການດໍາເນີນກິດຈະການຫ້ອງບັນເທິງດາວຄໍາ ແລະ ຜ່ານການຕິດຕາມກວດກາຂອງຄະນະກໍາມະການສະເພາະກິດແກ້ໄຂປາກົດການຫຍໍ້ທໍ້ທາງດ້ານວັດທະນາທໍາ-ສັງຄົມເຫັນວ່າກິດຈະການດັ່ງກ່າວຍັງຄົງສືບຕໍ່ດໍາເນີນທຸລະກິດປົກກະຕິ ໂດຍບໍ່ປະຕິບັດຕາມການຊີ້ນໍາ ແລະ ຄໍາສັ່ງຂອງຂັ້ນເທິງໃນການໃຫ້ຢຸດຕິດໍາເນີນທຸລະກິດດັ່ງກ່າວ ແລະ ເມື່ອບໍ່ດົນມານີ້, ພະແນກຖະແຫລງຂ່າວ, ວັດທະນາທໍາ ແລະ ທ່ອງທ່ຽວນະຄອນຫລວງ ກໍໄດ້ຈັດກອງປະຊຸມປຶກສາຫາລືການປະຕິບັດຄໍາສັ່ງເຈົ້າຄອງນະຄອນຫລວງວຽງຈັນໃນບັນຫາດັ່ງກ່າວໃຫ້ເຂັ້ມງວດ.

- lattana 1 - ນະຄອນຫລວງກຽມປິດຮ້ານບັນເທິງດາວຄໍາຕາມຄໍາສັ່ງເຈົ້າຄອງ

+ດີໃຈນຳນະຄອນຫລວງຈະເລັ່ງແກ້ໄຂ ຮ້ານບັນເທີງເຄື່ອນໄຫວຜິດລະບຽບ

+ນະຄອນຫລວງກຽມສັ່ງປິດຮ້ານບັນເທິງທີ່ເຄື່ອນໄຫວຜິດລະບຽບ

 

​​

- dao e1499999169791 - ນະຄອນຫລວງກຽມປິດຮ້ານບັນເທິງດາວຄໍາຕາມຄໍາສັ່ງເຈົ້າຄອງ