ບັງກະລາເທດກ່າວຫາມຽນມາ ຝັງລະເບີດຢູ່ຕາມຊາຍແດນ

- WhatsApp Image 2017 07 12 at 9 - ບັງກະລາເທດກ່າວຫາມຽນມາ ຝັງລະເບີດຢູ່ຕາມຊາຍແດນ

- ug207p5q - ບັງກະລາເທດກ່າວຫາມຽນມາ ຝັງລະເບີດຢູ່ຕາມຊາຍແດນ

- lattana 1 - ບັງກະລາເທດກ່າວຫາມຽນມາ ຝັງລະເບີດຢູ່ຕາມຊາຍແດນ

ບັງ​ກະລາ​ເທດ​ກ່າວ​ຫາກ​ອງທັບ​ມຽນມາ​ຝັງ​ລະ​ເບີດ​ຢູ່​ຕາມ​ຊາຍ​ແດນ​ທ່ີ​ຕິດ​ກັນ, ຂະນະ​ທີ່​ລັດຖະບານ​ມຽນມາ​ຜະ​ເຊີນ​ແຮງ​ກົດ​ດັນ​ເພີ່ມ​ຂຶ້ນຢ່າງ​ຕໍ່​ເນື່ອງ​ຈາກ​ສະຖານະ​ການ​ສູ້​ຮົບ​ຮຸນ​ແຮງ​ເທື່ອ​ໃໝ່​ຢູ່​ລັດ​ຍະ​ໄຂ່ ທີ່​ມີ​ຜູ້​ເສຍ​ຊີວິດ​ຫລາຍ​ກວ່າ 400 ຄົນ ​ແລະ ຊາວ​ໂຣຮິນຈາ 1,2 ​ແສນ​ຄົນ​ຕ້ອງ​ລີ້​ໄພ.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ເມືອງ​ຢາງ​ກຸ້ງ ປະ​ເທດ​ມຽນມາ ​ໃນ​ວັນ​ທີ 6 ກັນຍາ ​ໂດຍ​ອ້າງ​ຈາກ​ແຫ​ລ່ງຂ່າວ​ໃນ​ກອງ​ກຳລັງ​ລາດຕະ​ເວນ​ຊາຍ​ແດນ​ຂອງ​ບັງ​ກະລາ​ເທດວ່າ: ​ໃນ​ອາທິດ​ຜ່ານ​ມາ ກອງທັບ​ມຽນມາ​ຝັງ​ລະ​ເບີດ​ຈຳນວນ​ຫລາຍ​ຕາມຊາຍ​ແດນ​ທາງ​ຕາ​ເວັນ​ຕົກ ​ເຊິ່ງຕິດ​ກັບ​ພາກ​ຕາ​ເວັນ​ອອກ​ຂອງ​ບັງ​ກະລາ​ເທດ ​ເຊິ່ງມີ​ໄລຍະ​ທາງ​ປະມານ 217 ກິ​ໂລ​ແມັດ ​ແລະ ມີ​ພຽງ​ຮົ້ວໜາມ​ຂວາງ​ກັ້ນ​ເທົ່າ​ນັ້ນ. ສ່ວນ​​ແຫ​ລ່ງຂ່າວ​ຢູ່​ກະຊວງ​ການ​ຕ່າງປະ​ເທດ​ຂອງ​ບັງ​ກະລາ​ເທດ​ເປີດ​ເຜີຍ​ວ່າ: ຈະ​ມີ​ການ​ຮ້ອງ​ຮຽນ​ຢ່າງ​ເປັນ​ທາງ​ການ​ໄປ​ຫາ​ລັດຖະບານ​ມຽນມາ.

- 1504667187496 960x0 - ບັງກະລາເທດກ່າວຫາມຽນມາ ຝັງລະເບີດຢູ່ຕາມຊາຍແດນ

ຂະນະ​ທີ່​ທ່ານ ຊໍ ​ເຕ ​ໂຄສົກ​ລັດຖະບານ​ມຽນມາ ກ່າວ​ເຖິງ​ຂໍ້​ກ່າວ​ຫາ​ດັ່ງກ່າວ​ຂອງ​ບັງ​ກະລາ​ເທດ​ວ່າ: ຂໍ​ໃຫ້​ມີ​ການ​ລະບຸ​ຈຸດ​ຂອງ​ບໍລິ​ເວນ​ທີ່​ມີ​ການ​ຝັງ​ລະ​ເບີດ​ຢ່າງ​ຈ​ະ​ແຈ້ງ ​ແລະ ມີ​ໃຜ​ແດ່​ສາມາດ​ເຂົ້າ​ເຖິງ​ພື້ນທີ່​ບ່ອນ​ນັ້ນ​ໄດ້ ​ແລະ ສາມາດ​ໝັ້ນ​ໃຈ​ໄດ້​ແນວ​ໃດ​ວ່າ​ຜູ້​ທີ່​ນຳ​ລະ​ເບີດ​ໄປ​ຝັງ​ໄວ້​ບໍ່​ແມ່ນ​ກຸ່ມ​ກໍ່​ການ​ຮ້າຍ ​ໂດຍ​ມີ​ລາ​ຍງານ​ຜູ້​ລີ້​ໄພ​ຊາວ​ໂຣຮິນ​ຈາ​ຢ່າງ​ໜ້ອຍ 2 ຄົນ​ໄດ້​ຮັບ​ບາດ​ເຈັບ​ຈາກ​ການ​ຢຽບ​ລະ​ເບີດ ລະຫວ່າງ​ພະຍາຍາມ​ຂ້າມ​ຊາຍ​ແດນ​ໄປ​ບັງ​ກະລາ​ເທດ ​ເພື່ອ​ຫລົບໜີ​ສະຖານະ​ການ​ສູ້​ຮົບ​ຮຸນ​ແຮງ​ຄັ້ງ​ໃໝ່​ຢູ່​ລັດ​ຍະ​ໄຂ່ ທີ່​ສົ່ງ​ຜົນ​ໃຫ້​ມີ​ຜູ້​ເສຍ​ຊີວິດ​ຫລາຍ​ກວ່າ 400 ຄົນ ນັບ​ແຕ່​ວັນ​ທີ 25 ສິງຫາ​ຜ່ານ​ມາ ​ແລະ ສຳນັກງານ​ຂ້າ​ຫລວງ​ໃຫຍ່​ຜູ້​ລີ້​ໄພ​ແຫ່ງ​ສະຫະ​ປະຊາ​ຊາດ (UNHCR) ຕີ​ລາຄາ​ຈຳນວນ​ຜູ້​ລີ້​ໄພ​ຊາວ​ໂຣຮິນ​ຈາ​ເທື່ອ​ໃໝ່​ເພີ່ມ​ຂຶ້ນຫລາຍ​ກວ່າ 1,2 ​ແສນ​ຄົນ​ແລ້ວ.

- dao e1499999169791 - ບັງກະລາເທດກ່າວຫາມຽນມາ ຝັງລະເບີດຢູ່ຕາມຊາຍແດນ