ປະທານ ໂຮ່ຈີມິງ ແລະ ປະທານ ໄກສອນ ພົມວິຫານ ຜູ້ປູພື້ນຖານໃຫ້ແກ່ການພົວພັນຮ່ວມມືແບບພິເສດ ລາວ-ຫວຽດນາມ

- WhatsApp Image 2017 07 12 at 9 - ປະທານ ໂຮ່ຈີມິງ ແລະ ປະທານ ໄກສອນ ພົມວິຫານ ຜູ້ປູພື້ນຖານໃຫ້ແກ່ການພົວພັນຮ່ວມມືແບບພິເສດ  ລາວ-ຫວຽດນາມ

 

- lattana 1 - ປະທານ ໂຮ່ຈີມິງ ແລະ ປະທານ ໄກສອນ ພົມວິຫານ ຜູ້ປູພື້ນຖານໃຫ້ແກ່ການພົວພັນຮ່ວມມືແບບພິເສດ  ລາວ-ຫວຽດນາມ

(ເນື່ອໃນໂອກາດວັນສ້າງຕັ້ງສາຍພົວພັນການທູດ ລາວ-ຫວຽດນາມ ຄົບຮອບ 55 ປີ)

ອາດເວົ້າໄດ້ວ່າ: ບໍ່ມີແຫ່ງໃດ ແລະ ຍຸກສະໄໝໃດຈະມີການພົວພັນຮ່ວມມືທີ່ໜັກແໜ້ນ, ຄວາມ ສາມັກຄີອັນດູດດື່ມ ແລະ ສັດຊື່ບໍລິສຸດ ຄືດັ່ງສາຍພົວພັນຍຸດທະສາດ ລາວ-ຫວຽດນາມ ທີ່ໄດ້ເຕີບໃຫຍ່ ຂະຫຍາຍຕົວໄປຕາມການເວລາຢ່າງບໍ່ມີວັນເຫືອດແຫ້ງ ແລະ ການພົວພັນດັ່ງກ່າວນັບມື້ໄດ້ຮັບການພັດ ທະນາ ແລະ ເພີ່ມພູນຄູນສ້າງຈາກປະຊາຊົນສອງປະເທດຢ່າງບໍ່ຢຸດຢັ້ງ ແລະ ການພນົວພັນຖານບ້ານ ໃກ້ເຮືອນຄຽງທີ່ໃກ້ຊິດສະໜິດສະໜົມນີ້ ມັນໄດ້ເລີ່ມມີຂຶ້ນນັບແຕ່ສະໄໝສັກດີນາກ້າວເຂົ້າສູ່ການພົວພັນ ຢ່າງໃກ້ຊິດເກີດຂຶ້ນເອງໃນຕົວຂອງມັນ, ເມື່ອສອງປະເທດລ້ວນແຕ່ຖືກພວກຈັກກະພັດລ່າເມືອງຂຶ້ນເຂົ້າມາ ປົກຄອງກົດຂີ່ຂູດຮີດ, ພິເສດແມ່ນນັບແຕ່ພັກກອມມູນິດອິນດູຈີນໄດ້ຮັບການສ້າງຕັ້ງຂຶ້ນ ເພື່ອຮັບພາລະກຳ ປະຫວັດສາດນຳພາຂະບວນການປະຕິວັດຢູ່ 3 ປະເທດອິນດູຈີນຄື: ຫວຽດນາມ, ລາວ ແລະ ກໍາປູເຈຍ ແລະ ໃນຂະນະນັ້ນ ການພົວພັນ ລາວ-ຫວຽດນາມ ໄດ້ມີການຫັນປ່ຽນດ້ານທາດແທ້, ກາຍເປັນການພົວ ພັນແບບໃໝ່ທີ່ສະໝັກໃຈຂອງລັດທິກຳມະຊີບສາກົນໃນການຕໍ່ສູ້ຕ້ານພວກລ່າເມືອງຂຶ້ນຝຣັ່ງ ແລະ ຈັກກະ ພັດອາເມລິກາ ແລະ ຈາກນັ້ນການພົວພັນສາມັກຄີຮ່ວມສຳພັນສູ້ຮົບ ລາວ-ຫວຽດນາມ ໄດ້ຮັບການປັບປຸງ ກາຍເປັນກົດເກນຄົງຕົວ ແລະ ຂະຫຍາຍຕົວ, ເປັນປັດໄຈພື້ນຖານຮັບປະກັນໄຊຊະນະຂອງການປະຕິວັດ ແຕ່ລະປະເທດ ເຊິ່ງການກຳນົດລັກສະນະ ແລະ ເນື້ອໃນໃຫ້ສາຍພົວພັນນີ້, ປະທານ ໄກສອນ ພົມວິຫານ ເຄີຍເວົ້າວ່າ: ຂ້າພະເຈົ້າຍັງຈື່ຈຳໄດ້ດີໃນການເຮັດວຽກຕອນໜຶ່ງຢູ່ທີ່ເຮືອນລຸງໂຮ່ ເພື່ອປຶກສາຫາລືກ່ຽວກັບ ສາຍພົວພັນລະຫວ່າງສອງພັກ, ສອງລັດ ແລະ ປະຊາຊົນສອງຊາດທີ່ໄດ້ດຳເນີນໄປດ້ວຍບັນຍາກາດອັນ ອົບອຸ່ນ ແລະ ສະໜິດສະໜົມນັ້ນ, ລຸງໂຮ່ ແລະ ພວກຂ້າພະເຈົ້າລ້ວນແຕ່ເຫັນວ່າ: ນອກຈາກສາຍພົວພັນ ລະຫວ່າງສອງພັກທີ່ຮ່ວມອຸດົມຄະຕິກອມມູນິດ, ສັງຄົມນິຍົມ ແລະ ແບບບ້ານໃກ້ເຮືອນຄຽງແລ້ວ, ສາຍ ພົວພັນລະຫວ່າງສອງພັກ ແລະ ປະຊາຊົນສອງປະເທດພວກເຮົາຍັງມີຄວາມສະໜິດຕິດພັນທີ່ບໍ່ຄືກັບປະ ເທດໃດ… ເວລານັ້ນລຸງໂຮ່ເອົາມືລູບໜ້າຜາກແລ້ວເວົ້າວ່າ: “ພວກເຮົາຕ້ອງເອີ້ນວ່າສາຍພົວພັນພິເສດ”.

ພາຍຫລັງການປະຕິວັດເດືອນສິງຫາສຳເລັດຜົນ ນັບແຕ່ມື້ຕົ້ນເດືອນກັນຍາ 1945, ປະທານ ໂຮ່ຈີມິງ ໄດ້ເຊື້ອເຊີນສະເດັດເຈົ້າສຸພານຸວົງ ມາຮ່າໂນ້ຍ ເພື່ອພົບປະແລກປ່ຽນບັນດາບັນຫາຕ່າງໆທີ່ກ່ຽວ ຂ້ອງເຖິງສອງປະເທດ ແລະ ພາກພື້ນ. ເປັນອັນວ່າ: ຖ້າຢາກກູ້ຊາດກໍຈະບໍ່ມີເສັ້ນທາງອື່ນໃດນອກຈາກ ຕ້ອງເຮັດການປະຕິວັດກຳມະຊີບ ເພື່ອກຳນົດເສັ້ນທາງເດີນໃຫ້ແກ່ຊາດຕົນເອງ ແລ້ວປະທານໂຮ່ຈີມິງ ຍັງ ເຫັນວ່າ: ໃນພາລະກິດປົດປ່ອຍຊາດຕ້ອງມີບັນດາຊາດຮ່ວມສຳພັນ, ກ່ອນອື່ນໝົດນັ້ນກໍແມ່ນສອງປະເທດ ບ້ານໃກ້ເຮືອນຄຽງລາວ ແລະ ກຳປູເຈຍ ແລະ ຍ້ອນເຫດນັ້ນປະທານໂຮ່ຈີມິງ ຈຶ່ງໄດ້ເພີ່ມພູນຄູນສ້າງ ສາຍພົວພັນນີ້ໃຫ້ກາຍເປັນສາຍພົວພັນທີ່ສັດຊື່ບໍລິສຸດ ແລະ ເປັນແບບຢ່າງທີ່ດີຈົນເຖິງວັນນີ້ ແລະ ກ່ອນ ເພິ່ນຈະຈາກພວກເຮົາໄປ, ປະທານໂຮ່ຈີມິງ ຍັງມີຄວາມປາຖະໜາວ່າ: ເມື່ອໃດການປະຕິວັດປະສົບຜົນສ ຳເລັດແລ້ວຈະໄປຢ້ຽມຢາມປະເທດຕ່າງໆ ເພື່ອສະແດງຄວາມຂອບອົກຂອບໃຈຂອງບັນດາປະເທດ ເພື່ອນມິດໃນ 5 ທະວີບຂອງໂລກ.

 

(ຄັດຈາກວາລະສານ ສາຍພົວພັນພິເສດ ລາວ-ຫວຽດນາມ)

- dao e1499999169791 - ປະທານ ໂຮ່ຈີມິງ ແລະ ປະທານ ໄກສອນ ພົມວິຫານ ຜູ້ປູພື້ນຖານໃຫ້ແກ່ການພົວພັນຮ່ວມມືແບບພິເສດ  ລາວ-ຫວຽດນາມ