ປະເທດອາຊຽນເຝົ້າລະວັງ ບັນຫາໝອກຄວັນ

- WhatsApp Image 2017 07 12 at 9 - ປະເທດອາຊຽນເຝົ້າລະວັງ ບັນຫາໝອກຄວັນ

ບັນດາ​ລັດຖະມົນຕີ​ວ່າການ​ກະຊວງ​ສິ່ງ​ແວດ​ລ້ອມ​ຂອງ​ປະ​ເທດ​ອາ​ຊຽນ​ເຕືອນ​ໃຫ້​ປະ​ເທດ​ສະມາຊິກ​​ເຝົ້າລະວັງ​ບັນຫາ​ໝອກ​ຄວັນ​ຈາກ​ໄຟ​ໄໝ້​ປ່າ ​ແລະ ການ​ຈູດ​ປ່າ, ​ເຖິງ​ວ່າ​ຈະ​ຍັງ​ບໍ່​ພົບ​ສະຖານະ​ການ​ທີ່​ເປັນ​ຫ່ວງ​ໃນ​ປີ​ນີ້.

- lattana 1 - ປະເທດອາຊຽນເຝົ້າລະວັງ ບັນຫາໝອກຄວັນ

ຖະ​ແຫລ​ງການ​ສະຫຼຸບ​ຜົນ​ກອງ​ປະຊຸມ​ລັດຖະມົນຕີ​ສິ່ງ​ແວດ​ລ້ອມ​ອາ​ຊຽນ ຄັ້ງທີ 14 ​ແລະ ກອງ​ປະຊຸມ​ພາຄີ​ຂໍ້​ຕົກລົງ​ອາ​ຊຽນວ່າ​ດ້ວຍ​ບັນຫາ​ມົນ​ລະ​ພິດ​ໝອກ​ຄວັນ​ຂ້າມ​ຊາຍ​ແດນ​ຄັ້ງທີ 13 ລະບຸ​ວ່າ: ບັນດາ​ລັດຖະມົນຕີ​ຂໍ​ໃຫ້​ປະ​ເທດ​ສະມາຊິກ​ອາ​ຊຽນ​ເຝົ້າລະວັງ, ຕິດຕາມ ​ແລະ ຍົກ​ລະດັບ​ມາດ​ຕະການ​ປ້ອງ​ກັນ ​ເພື່ອ​ຫຼຸດ​ໂອກາດ​ເກີດ​ບັນຫາ​ໝອກ​ຄວັນ​ຈາກ​ໄຟ​ໄໝ້​ປ່າ ​ແລະ ການ​ຈູດ​ປ່າ​ໃນ​ໄລຍະ​ທີ່​ມີ​ສະພາບ​ອາກາດ​ແຫ້ງ. ນອກຈາກ​ນີ້ ຍັງ​ໄດ້​ເນັ້ນການ​ຮ່ວມ​ມື​ໃນ​ການ​ເຮັດ​ຂໍ້​ຕົກລົງ​ອາ​ຊຽນວ່າ​ດ້ວຍ​ບັນຫາ​ມົນ​ລະ​ພິດ​ໝອກ​ຄວັນ​ຂ້າມ​ຊາຍ​ແດນ (AATFP) ​ແລະ ສ້າງ​ແຜນການ​ຮ່ວມ​ມື​ຄວບ​ຄຸມ​ມົນ​ລະ​ພິດ​ໝອກ​ຄວັນ​ສູ່​ການ​ເປັນ​ພາກພື້ນ​ໄຮ້​ໝອກ​ຄວັນ​ພາຍ​ໃນ​ປີ 2020.

ທ່ານ ຮາ​ຈິ ບາຣິນ ລັດຖະມົນຕີ​ກະຊວງ​ການ​ພັດທະນາ​ບຣູ​ໄນ ກ່າວ​ວ່າ: ບັນດາ​ລັດຖະມົນຕີ​ເຫັນ​ພ້ອມ​ໃຫ້​ແຕ່ລະ​ປະ​ເທດ​ເດີນ​ໜ້າ​ແກ້​ໄຂ​ບັນຫາ​ໄຟ​ໄໝ້​ປ່າ ​ແລະ ຈູດ​ປ່າ ​ເພື່ອ​ເດີນ​ໜ້າ​ສູ່​ການ​ເປັນ​ພາກພື້ນ​ໄຮ້​ໝອກ​ຄວັນ​ພາຍ​ໃນ​ປີ 2020. ທ່ານ​ເຊື່ອ​ໝັ້ນວ່າ: ຖ້າ​ທຸກ​ປະ​ເທດ​ຮ່ວມ​ແຮງ​ຮ່ວມ​ໃຈ​ກັນ ຈະ​ສາມາດ​ບັນລຸ​ຈຸດປະສົງ​ໄດ້.

- dao e1499999169791 - ປະເທດອາຊຽນເຝົ້າລະວັງ ບັນຫາໝອກຄວັນ