- WhatsApp Image 2017 07 12 at 9 - ພະທາດປຸມປຸກ

ຫລວງນ້ຳທາເປັນແຂວງທີ່ ບໍ່ໃຫຍ່ພໍເທົ່າໃດ, ແຕ່ກໍເຕັມໄປ ດ້ວຍຄວາມອຸດົມສົມບູນທາງ ດ້ານທິວທັດທຳມະຊາດທີ່ມີ ຄວາມສວຍສົດງົດງາມ ແລະ ວັດວາອາມ, ກໍຄືສະຖານທີ່ເກົ່າ ແກ່ຕ່າງໆກໍບໍ່ໄດ້ນ້ອຍໜ້າກັບ ແຂວງອື່ນໆ ເປັນຕົ້ນແມ່ນພະ ທາດປຸມປຸກທີ່ເປັນສະຖານທີ່ ເກົ່າແກ່, ສັກສິດ ແລະ ສັກກະລະ ບູຊາຂອງຊາວແຂວງ ຫລວງ ນ້ຳທາທີ່ໄດ້ສືບທອດ ມາຕັ້ງແຕ່ ບູຮານນະການຈົນເຖິງເທົ່າທຸກ ວັນນີ້ ແລະ ໄດ້ກາຍເປັນສະຖານ ທີ່ທ່ອງທ່ຽວອັນສຳຄັນທາງ ດ້ານວັດທະນະທຳ, ດ້ານປະ ຫວັດສາດບູຮານນະການ.

- lattana 1 - ພະທາດປຸມປຸກ

 

 

- 538713 422156931151367 2074564058 n 225x300 - ພະທາດປຸມປຸກ

 

+ ຊົມປູສະນີຍະຖານພ້ອມກັບກາບໄຫ້ວ “ວັດປ່າຖ້ຳຄອກມ້າ”

+ ກາບໄຫ້ວພະທອງສາມສີຊົມຊາກເຮືອບູຮານທີ່ບ້ານຫລີ່ງຊັນ

 

ເອກະສານໄດ້ບັນທຶກໄວ້ ວ່າ: ພະທາດປຸມປຸກຕັ້ງຢູ່ບ້ານນ້ຳ ແງ້ມ, ທາງທິດຕາເວັນຕົກຂອງ ທົ່ງພຽງຫລວງນ້ຳທາຫ່າງຈາກ ເທດສະບານແຂວງໄປປະມານ 7 ກິໂລແມັດ.

ພະທາດດັ່ງກ່າວ    ສ້າງຂຶ້ນໃນປີ ຄສ 1628 ເພື່ອ ເປັນສັນຍາລັກທີ່ບົ່ງບອກເຖິງມິດ ຕະພາບລະຫວ່າງເມືອງຫົວທາ ແລະ ເມືອງຊຽງແສນ, ເປັນປູ ລິຍະນິສະຖານທີ່ເກ່ົາແກ່ ແລະ ສັກສິດທັງເປັນແຫລ່ງທ່ອງທ່ຽວ ທີ່ສຳຄັນສາມາດດຶງດູດຈິດໃຈ ຂອງນັກທ່ອງທ່ຽວທັງພາຍໃນ ແລະ ຕ່າງປະເທດໄດ້ເຂົ້າມາ ທ່ຽວຊົມເປັນປະຈຳ, ເຖິງແມ່ນ ວ່າພະທາດປຸມປຸກອົງເກົ່າໄດ້ ຖືກທຳລາຍໃນປາງສົງຄາມ ເມື່ອປີ ຄສ 1966, ແຕ່ໃນປັດຈຸ ບັນກໍຍັງຄົງມີຮ່ອງຮອຍຫລົງ ເຫລືອໄວ້ໃຫ້ທ່ານໄດ້ຊົມຢູ່ຂ້າງ ພະທາດໄໝ ທຸກໆປີເມື່ອເຖິງວັນ ເພັງເດືອນສາມລາວ (13-14 ກຸມພາ) ກໍຈະມີການຈັດງານສະ ເຫລີມສະຫລອງພະທາດປຸມ ປຸກຢູ່ສະຖານ ທີ່ແຫ່ງນີ້ໂດຍຈະ ມີ ມວນຊົນຢູ່ທັງພາຍໃນແຂວງ ແລະ ຕ່າງແຂວງເຂົ້າມາບູຊາ ກາບໄຫ້ວ ແລະ ສະເຫລີມ ສະຫລອງຢ່າງມ່ວນຊື່ນຄຶກ ຄື້ນ. ຖ້າທ່ານຫາກໄດ້ໄປແຂວງ ຫລວງນ້ຳທາຢ່າລືມໄປແວ່ ຢ້ຽມ ຢາມພະທາດປຸມປຸກເຂດບ້ານ ນ້ຳແງ້ມເພື່ອຈະໄດ້ສຳພັດກັບ ທຳມະຊາດທີ່ສົດໄສ, ໄປກາບ ໄຫ້ວ ແລະ ທ່ຽວຊົມພະທາດ ປຸມ ປຸກທີ່ເກົ່າແກ່ ແລະ ສັກສິດຈະ ເຮັດໃຫ້ຊີວິດສົດຊື່ນກັບອາກາດ ທີ່ ສົດໃສແຫ່ງນີ້.

 

ດັ່ງກາບກອນທີ່ໄດ້ພັນລະນາໄວ້:

* ຂ້າຂໍກົ້ມກາບໄຫ້ວ                      ພະທາດປຸມປຸກອົງໃຫຍ່
ຂໍອາໄສເພິ່ງພ້ອມ                         ຈອມເຈົ້າຊ່ວຍເບິ່ງແຍງ
ລິດເດດແສງແຮງກ້າ                  ມາຮັກສາປວງຊົນແດ່
ທັງພໍ່ແມ່ພີ່ນ້ອງ                           ທີ່ມາພ້ອມພ່ຳກັນ ແດ່ທອນ
* ພ້ອມພາກັນໄປທ່ຽວຫລິ້ນ        ກິນອາກາດປອດໂປ່ງ
ອົງພະທາດປຸມປຸກສ້າງໄວ້           ເປັນສັນຍາລັກໃຫ້ແກ່ກັນ
ມິດຕະພາບລະຫວ່າງເບື້ອງ         ເມືອງຫົວທາກັບຊຽງແສນເຂດຖິ່ນ
ຢູ່ເຂດດິນດ່ານດ້າວ                      ມາພ້ອມກາບພະນົມ ແທ້ນາ

ໂດຍ: ຊາຍພະເນຈອນ

 

 

 

- dao e1499999169791 - ພະທາດປຸມປຸກ