ຣັດເຊຍຈະຕອບໂຕ້ແບບສະຫງົບ ຫລັງຖືກອາເມລິກາປິດສະຖານກົງສຸນ

- WhatsApp Image 2017 07 12 at 9 - ຣັດເຊຍຈະຕອບໂຕ້ແບບສະຫງົບ ຫລັງຖືກອາເມລິກາປິດສະຖານກົງສຸນ

- x6qoq7vh - ຣັດເຊຍຈະຕອບໂຕ້ແບບສະຫງົບ ຫລັງຖືກອາເມລິກາປິດສະຖານກົງສຸນ

- lattana 1 - ຣັດເຊຍຈະຕອບໂຕ້ແບບສະຫງົບ ຫລັງຖືກອາເມລິກາປິດສະຖານກົງສຸນ

ລັດຖະບານ​ມົດ​ສະ​ກູ​ຈະ​ບໍ່​ແຕກ​ຕື່ນຕໍ່​ກໍລະນີ​ທີ່​ອາ​ເມ​ລິ​ກາ​ສັ່ງ​ປິດ​ສະຖານ​ກົງສຸນຣັດ​ເຊຍ​ປະຈຳ​ເມືອງ​ຊານ​ຟຣານຊິ​ສ​ໂກ, ​ແຕ່​ກຽມ​ການ​ຕອບ​ໂຕ້​​ແບບ​ສະຫງົບ ​ແລະ ​ເປັນ​ມື​ອາຊີບ.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫລວງ​ມົດ​ສະ​ກູ ປະ​ເທດຣັດ​ເຊຍ ​ໃນ​ວັນ​ທີ 1 ກັນຍາ​ວ່າ: ທ່ານ ​ເຊີ​ເກ ລາບຣອບ ລັດຖະມົນຕີ​ກະຊວງ​ການ​ຕ່າງປະ​ເທດຣັດ​ເຊຍ ກ່າວ​ໃນ​ວັນ​ທີ 31 ສິງຫາ ​ເຖິງ​ກໍລະນີ​ທີ່​ລັດຖະບານ​ວໍ​ຊິງ​ຕັນ​ສັ່ງ​ປິດ​ສະຖານ​ກົງສຸນຣັດ​ເຊຍ​ປະຈຳ​ເມືອງ​ຊານ​ຟຣານຊິ​ສ​ໂກ ​ແລະ ອາຄານ​ເສີມ​ອີກ 2 ​ແຫ່ງ​ຢູ່​ນະຄອນຫລວງ​ວໍ​ຊິງ​ຕັນ ​ແລະ ນະຄອນ​ນິວຢອກ ພາຍ​ໃນ​ວັນ​ທີ 2 ກັນຍານີ້​ຕາມ​ເວລາ​ທ້ອງ​ຖິ່ນ​ວ່າ: ​ເປັນ​ເລື່ອງ​ໜ້າ​ເສຍ​ໃຈ ​ແລະ ລັດຖະບານ​ມົດ​ສະ​ກູ​ກຳລັງ​ກວດ​ສອບ​ລາຍ​ລະອຽດ​ຂອງ​ມາດ​ຕະການ​ດັ່ງກ່າວ ​ເຊິ່ງອາດ​ນຳ​ໄປ​ສູ່​ການ​ຕອບ​ສະໜອງ​ຢ່າງ​ເໝາະ​ສົມ​ຕໍ່​ໄປ.

ຂະນະ​ທີ່​ທ່ານ ອານາ​ໂຕ​ລີ ອັນ​ໂຕນ​ອບ ​ເອກ​ອັກຄະ​ລັດຖະທູດຣັດ​ເຊຍ​ປະຈຳ​ນະຄອນຫລວງ​ວໍ​ຊິງ​ຕັນ​ຄົນ​ໃໝ່ ​ເຊິ່ງຫາ​ກໍ​ເດີນທາງ​ເຖິງ​ອາ​ເມ​ລິ​ກາ ກ່າວ​ເຖິງ​ສະຖານະ​ການ​ທີ່​ເກີດ​ຂຶ້ນ ​ໂດຍ​ການ​ອ້າງ​ຄຳ​ກ່າວ​ຂອງ​ທ່ານ ວະ​ລາ​ດິ​ເມຍ ​ເລ​ນິນ ວ່າ: ການ​ຕອບ​ສະໜອງ​​ແບບ​ສະຫງົບ​ເປັນ​ມື​ອາຊີບ ບໍ່​ຈຳ​ເປັນ​ຕ້ອງ​ເຕັ້ນຕາມ​ແບບ​ຕື່ນ​ຕູມ, ​ແຕ່​ສະຖານກົງສຸນຣັດ​ເຊຍ​ປະຈຳ​ເມືອງ​ຊານ​ຟຣານຊິ​ສ​ໂກ ອອກ​ຖະ​ແຫລ​ງການ​ປະນາມ​ຄຳ​ສັ່ງ​ດັ່ງກ່າວ​ຂອງ​ລັດຖະບານ​ວໍ​ຊິງ​ຕັນ ​ໂດຍ​ສະຖານ​ກົງສຸນ​ແຫ່ງ​ນີ້​ອອກ​ວີ​ຊາ​ໃຫ້​ພົນລະ​ເມືອງ​ອາ​ເມ​ລິ​ກາ​ຫລາຍ​ກວ່າ 16.000 ຄົນ​ໃນ​ປີຜ່ານມາ.

- hqdefault - ຣັດເຊຍຈະຕອບໂຕ້ແບບສະຫງົບ ຫລັງຖືກອາເມລິກາປິດສະຖານກົງສຸນ

ທ່ານ​ນາງ ສ.ຮິດ​ເທີ ​ເນົາ​ເອິດ ​ໂຄສົກ​ກະຊວງ​ການ​ຕ່າງປະ​ເທດ​ອາ​ເມ​ລິ​ກາ ກ່າວ​ວ່າ: ຄຳ​ສັ່ງ​ປິດ​ສະຖານ​ກົງສຸນ​ຂອງຣັດ​ເຊຍ​ຢູ່​ເມືອງ​ຊານ​ຟຣານຊິ​ສ​ໂກ ບໍ່​ແມ່ນ​ການ​ເນລະ​ເທດ​ເຈົ້າໜ້າ​ທີ່​ການ​ທູດ​ປະຈຳ​ສຳນັກງານ​ແຫ່ງ​ນັ້ນອອກ​ນອກ​ປ​ະ​ເທດ. ໝາຍ​ຄວາມ​ວ່າ​: ​ເຈົ້າໜ້າ​ທີ່​ການ​ທູດ​ຂອງຣັດ​ເຊຍ​ສາມາດ​ຍ້າຍ​ໄປ​ປະຕິບັດ​ງານ​ຢູ່​ສະຖານ​ເອກ​ອັກຄະ​ລັດຖະທູດ ຫລື ສະຖານ​ກົງສຸນ​ແຫ່ງ​ອື່ນ​ຢູ່​ອາ​ເມ​ລິ​ກາ​ໄດ້ ​ແລະ ອາຄານ​ສະຖານ​ກົງສຸນ​ຍັງ​ຖື​ເປັນ​ຊັບ​ສິນ​ຂອງ​ລັດຖະບານ​ມົດ​ສະ​ກູ.

- afp jh7jy - ຣັດເຊຍຈະຕອບໂຕ້ແບບສະຫງົບ ຫລັງຖືກອາເມລິກາປິດສະຖານກົງສຸນ

​ເຖິງ​ຢ່າງ​ໃດ​ກໍ​ຕາມ, ທ່ານ​ນາງ ​​ເນົາ​ເອິດ ກ່າວ​ວ່າ: ການ​ທີ່​ໃຫ້ຣັດ​ເຊຍ​ຢຸດ​ພາລະກິດ​ການ​ທູດ​ຢູ່​ເມືອງ​ຊານ​ຟຣານຊິ​ສ​ໂກ ຈະ​ສົ່ງ​ຜົນ​ໃຫ້​ທັງ​ສອງ​ປະ​ເທດ​ເຫລືອ​ຈຳນວນ​ສະຖານ​ກົງສຸນ​ເທົ່າ​ກັບ ຄື 3 ​ແຫ່ງ ນອກ​ຈາກ​ສະຖານ​ເອກ​ອັກຄະ​ລັດຖະທູດ ​ແລະ ມາດ​ຕະການ​ຄັ້ງນີ້​ຄື​ການ​ຕອບ​ໂຕ້​ມາດ​ຕະການ​ຂອງ​ລັດຖະບານ​ມົດ​ສະ​ກູ ​ໃນ​ການ​ຫລຸດ​ຈຳນວນ​ເຈົ້າໜ້າ​ທີ່​ການ​ທູດ​ຂອງ​ອາ​ເມ​ລິ​ກາ​ຢູ່ຣັດ​ເຊຍ​ໃຫ້​ເຫລືອ 455 ຄົນ ພາຍ​ໃນ​ວັນ​ທີ 1 ກັນຍາ​ນີ້ ​ເຊິ່ງ​ເທົ່າ​ກັບ​ວ່າ​ມີ​ເຈົ້າໜ້າ​ທີ່​ສູງ​ເຖິງ 755 ຄົນ​ຕ້ອງ​ອອກ​ຈາກ​ຕຳ​ແໜ່​ງ ​ໂດຍ​ປະທານາທິບໍດີ ວະ​ລາ​ດິ​ເມຍ ປູ​ຕິນ ກ່າວ​ໃນ​ຕອນ​ນັ້ນວ່າ: ​ເປັນ​ການ​ຕອບ​ໂຕ້​ທີ່​ສະພາ​ຄອງ​ເກຣດຂອງ​ອາ​ເມ​ລິ​ກາ​ອອກ​ກົດໝາຍ​ຂວ້ຳບາດຣັດ​ເຊຍ​ສະບັບ​ໃໝ່.

- dao e1499999169791 - ຣັດເຊຍຈະຕອບໂຕ້ແບບສະຫງົບ ຫລັງຖືກອາເມລິກາປິດສະຖານກົງສຸນ