ຣັດເຊຍເປີດສາກຊ້ອມຮົບ “ຊາປັດ 2017”

- WhatsApp Image 2017 07 12 at 9 - ຣັດເຊຍເປີດສາກຊ້ອມຮົບ “ຊາປັດ 2017”

- russia zapad 2017 ap 17256649566850 - ຣັດເຊຍເປີດສາກຊ້ອມຮົບ “ຊາປັດ 2017”

- lattana 1 - ຣັດເຊຍເປີດສາກຊ້ອມຮົບ “ຊາປັດ 2017”

ກອງທັບຣັດ​ເຊຍ​ຈັດການ​ຊ້ອມ​ຮົບ “ຊາ​ປັດ 2017” ຮ່ວມ​ກັບ​ກອງທັບ​ເບ​ລາຣຸດ ທ່າມກາງ​ການ​ເຝົ້າ​ເບິ່ງ “ຄວາມ​ກັງວົນ​ຢ່າງ​ໜັກ” ຂອງ​ນາ​ໂຕ.

- d5575826ade44f6f930d7873c20b563e - ຣັດເຊຍເປີດສາກຊ້ອມຮົບ “ຊາປັດ 2017”

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫຼວງ​ມິນ​ ປະ​ເທດ​ເບ​ລາຣຸດ ​ໃນ​ວັນ​ທີ 15 ກັນຍາ​ວ່າ: ການ​ຊ້ອມ​ຮົບ​ຄັ້ງຍິ່ງ​ໃຫຍ່​ຂອງ​ກອງທັບຣັດ​ເຊຍ​ພາຍ​ໃຕ້​ລະຫັດ​ປະຕິບັດ​ການ “ຊາ​ປັດ 2017” ​ເຊິ່ງ​ເປັນ​ພາສາຣັດ​ເຊຍ​ໝາຍ​ເຖິງ “ຕາ​ເວັນ​ຕົກ 2017” ​ເລີ່​ມຂຶ້ນ​ແລ້ວ ​ໃນ​ວັນ​ທີ 14 ກັນຍາ​ນີ້ ​ໂດຍ​ຂໍ້​ມູນ​ຈາກ​ກະຊວງ​ປ້ອງ​ກັນ​ປະ​ເທດຣັດ​ເຊຍ​ລະບຸ​ວ່າ: ການ​ຊ້ອມ​ຮົບ​ໃນ​ຄັ້ງນີ້​ເປັນ​ການ​ຮ່ວມ​ມື​ກັບ​ເບ​ລາຣຸດ ​ໂດຍ​ນອກຈາກ​ທະຫານ​ເບ​ລາຣຸດ 7.200 ຄົນ​ແລ້ວ, ຣັດ​ເຊຍ​ສົ່ງ​ທະຫານ​ເຂົ້າຮ່ວມ 5.500 ຄົນ, ອາກາດ​ສະຍານ 70 ລຳ, ຍານ​ຍົນ​ຫຸ້ມ​ເກາະ 250 ຄັນ ​ແລະ ​ເຮືອ​ພິຂາດ​ອີກ 10 ລຳ ​ເພື່ອ​ພັດທະນາ​ປະສິດທິພາບ​ຂອງ​ທະຫານ ​ແລະ ທົດ​ສອບ​ປະສິດທິພາບ​ຂອງ​ອາວຸດ​ຍຸດ​ໂທ​ປະກອນ ​ໃນ​ການ​ປົກ​ປ້ອງ​ອະທິປະ​ໄຕ​ຂອງ​ປະ​ເທດ​ຈາກ​ສັດຕູ ທີ່ຢູ່​ຕາມ​ຊາຍ​ແດນ​ຕິດ​ກັບ​ໂປ​ໂລ​ຍ ​ແລະ ກຸ່ມ​ປະ​ເທດ​ເຂດ​ບອລຕິກ.

- 59ba9314fc7e938e578b4567 - ຣັດເຊຍເປີດສາກຊ້ອມຮົບ “ຊາປັດ 2017”

ທັງ​ນີ້ ການ​ຊ້ອມ​ຮົບ​ຈະ​ດຳ​ເນີ​ນ​ໄປ​ຢ່າງ​ຕໍ່​ເນື່ອງ​ຈົນ​ເຖິງ​ວັນ​ທີ 20 ກັນຍາ​ນີ້, ຂະນະ​ທີ່ ພົນ​ເອກ ວາ​ເລຣີ ​ເກຣາຊິ​ມອຟ ປະທານ​ຄະນະ​ເສນາ​ທິການ​ທະຫານ​ຮ່ວມ​ຂອງຣັດ​ເຊຍ ກ່າວ​ວ່າ: ​ໄດ້​ແຈ້ງ​ກຳນົດ​ການ​ຊ້ອມ​ຮົບ​ຊາ​ປັດ 2017 ​ໃຫ້​ອົງການ​ສົນທິສັນຍາ​ອັດ​ລັງ​ຕິກ​ເໜືອ (ນາ​ໂຕ) ຮັບ​ຮູ້​ແລ້ວ, ສ່ວນ​ທ່ານ ​ເຢນ ສ​ໂຕ​ລ​ເທ​ນ​ເບິ​ກ ​ເລຂາທິການ​ນາ​ໂຕ ກ່າວ​ກ່ອນ​ໜ້າ​ນີ້​ວ່າ: ນາ​ໂຕ​ຈະ​ເຝົ້າ​ເບິ່ງ​ການ​ຊ້ອມ​ຮົບ​ຄັ້ງນີ້ “ຢ່າງ​ໃກ້ຊິດ”, ພາຍຫລັງ​ລັດຖະບານ​ມົດ​ສະ​ກູ​ບໍ່​ອະນຸຍາດ​ໃຫ້​ນາ​ໂຕ​ສົ່ງ​ເຈົ້າໜ້າ​ທີ່​ເຂົ້າຮ່ວມ​ສັງ​ເກດ​ການ ​ເຊິ່ງນາ​ໂຕ​ເຊື່ອ​ວ່າ​ໃນ​ຄວາມ​ເປັນ​ຈິງ​ອາດ​ມີ​ທະຫານຣັດ​ເຊຍ​ເຂົ້າຮ່ວມ​ການ​ຊ້ອມ​ຮົບ​ຄັ້ງນີ້​ເຖິງ 100.000 ຄົນ ​ແລະ ອາດ​ມີ​ການ​ຊ້ອມ​ໃຊ້​ລະບົບ​ປ້ອງ​ກັນ​ລູກ​ສອນ​ໄຟ ລວມທັງ​ການ​ເຝິກ​ແອບ​ດ້ວຍລູກປືນ​ແທ້.

- 97797906 rustankmilru - ຣັດເຊຍເປີດສາກຊ້ອມຮົບ “ຊາປັດ 2017”

​ໃນ​ເວລາ​ດຽວ​ກັນ, ທ່ານ ດາ​ມິທຣີ ​ເປສຄອຟ ​ໂຄສົກ​ທຳນຽບ​ເກ​ຣມລິນ ກ່າວ​ຢູ່​ນະຄອນຫຼວງ​ມົດ​ສະ​ກູ​ວ່າ: ການ​ຊ້ອມ​ຮົບ​ຊາ​ປັດ 2017 ​ເປັນ​ໄປ​ດ້ວຍ​ຄວາມ​ໂປ່​ງ​ໃສ ​ແລະ ຕຳ​ໜິການສະ​ແດງ​ທ່າ​ທີ “ຫວາດ​ຜະ​ຫວາ” ຂອງ​ນາ​ໂຕ​ວ່າ​ເປັນ​ເຈດ​ຕະນາ “ຂົ່ມຂູ່​ຄຸກ​ຄາມ” ພ້ອມ​ທັງ​ກ່າວ​ອີກ​ວ່າ: ປະທານາທິບໍດີ ວະ​ລາ​ດິ​ເມຍ ປູ​ຕິນ ອາດ​ເດີນທາງ​ໄປ​ເຂົ້າຮ່ວມ​ສັງ​ເກດ​ການ​ການ​ຊ້ອມ​ຮົບ​ນຳ​ອີກ.

- aHR0cHM6Ly9zdG9yYWdlLmdvb2dsZWFwaXMuY29tL2Fmcy1wcm9kL21lZGlhL21lZGlhOmI4Mjc1MjYyNTgyMjQzOGE4Njc5ODNjNzQ0MGJmODkyLzgwMC5qcGVn - ຣັດເຊຍເປີດສາກຊ້ອມຮົບ “ຊາປັດ 2017”

- dao e1499999169791 - ຣັດເຊຍເປີດສາກຊ້ອມຮົບ “ຊາປັດ 2017”