ລັດຖະບານບັງກະລາເທດຈັດສັນ ເນື້ອທີ່ 5 ໄລ່ຮອງຮັບຜູ້ລີ້ໄພໂຣຮິງຢາ

- WhatsApp Image 2017 07 12 at 9 - ລັດຖະບານບັງກະລາເທດຈັດສັນ ເນື້ອທີ່ 5 ໄລ່ຮອງຮັບຜູ້ລີ້ໄພໂຣຮິງຢາ

- 1505116533893 - ລັດຖະບານບັງກະລາເທດຈັດສັນ ເນື້ອທີ່ 5 ໄລ່ຮອງຮັບຜູ້ລີ້ໄພໂຣຮິງຢາ

- lattana 1 - ລັດຖະບານບັງກະລາເທດຈັດສັນ ເນື້ອທີ່ 5 ໄລ່ຮອງຮັບຜູ້ລີ້ໄພໂຣຮິງຢາ

ລັດຖະບານ​ບັງ​ກະລາ​ເທດ​ແບ່ງ​​ເນື້ອທີ່​ສຳລັບ​ການຈັດຕັ້ງຄ້າຍ​ຜູ້​ລີ້​ໄພ​ແຫ່ງ​ໃໝ່ ​ເພື່ອ​ຮອງ​ຮັບ​ຊາວ​ມຸດ​ສະ​ລິ​ມ​ໂຣຮິງ​ຢາ​ທີ່​ຫລົບໜີ​ເຫດ​ຄວາມ​ຮຸນ​ແຮງ​ມາ​ຈາກ​ລັດ​ຍະ​ໄຂ່​ຂອງ​ມຽນມາ.

ທ່ານ ​ໂມ​ຮຳ​ເໝັດ ຊາຣິອາ ອາ​ລຳ ຮອງ​ລັດຖະມົນຕີ​ກະຊວງ​ການ​ຕ່າງປະ​ເທດ​ບັງ​ກະລາ​ເທດ ສະ​ແດງ​ຂໍ້ຄວາມ​ຜ່ານ​ບັນຊີ​ເຟສບຸກສ່ວນ​ຕົວ​ໃນ​ວັນ​ທີ 11 ກັນຍາ​ນີ້​ວ່າ: ນາຍົກລັດຖະມົນຕີ ​ເຊ​ດ ຮາ​ສິນາ ສັ່ງ​ໃຫ້​ມີ​ການ​ສ້າງ​ທີ່​ພັກ​ຊົ່ວຄາວ​ເພີ່ມ​ອີກ​ໃນ​ເນື້ອທີ່ຫລາຍ​ກວ່າ 5 ​ໄລ່ ​ໃກ້​ກັບ​ຄ້າຍ​ກູ​ຕູ​ປາ​ລອງ​ບ່ອນ​ເກົ່າ ​ເພື່ອ​ຮອງ​ຮັບ​ຜູ້​ອົບ​ພະຍົບທີ່​ເດີນທາງ​ມາ​ໃໝ່. ອີກ​ທັງ ລັດຖະບານ​ຈະ​ເລີ່​ມ​ເປີດ​ໃຫ້​ມີ​ການລົງທະບຽນ​ຜູ້​ລີ້​ໄພ​ລາຍ​ໃໝ່​ໃນ​ວັນ​ທີ 11 ກັນຍາ​ນີ້, ຂະນະ​ທີ່​ນາຍົກລັດຖະມົນຕີ ຮາ​ສິນາ ມີ​ກຳນົດ​ເດີນທາງ​ໄປ​ພົບ​ປະ​ກັບ​ບັນດາ​ຊາວ​ໂຣຮິງ​ຢາ​ໃນ​ວັນ​ທີ 12 ກັນຍາ​ນີ້.

ມີ​ລາຍ​ງານ​ວ່າ: ຊາວ​ໂຣຮິງ​ຢາ​ເກືອບ 300.000 ຄົນ​ອົບ​ພະຍົບມາ​ບັງ​ກະລາ​ເທດ​ນັບ​ແຕ່​ວັນ​ທີ 25 ສິງຫາ​ຜ່ານ​ມາ. ທ່ານ​ນາງ ວິ​ວຽນຕັນ ​ໂຄສົກ​ສຳນັກງານ​ຂ້າ​ຫລວງ​ໃຫຍ່​ຜູ້​ລີ້​ໄພ​ແຫ່ງ​ສະຫະ​ປະຊາ​ຊາດ (UNHCR) ກ່າວ​ວ່າ: ຜູ້​ອົບ​ພະຍົບມີ​ຈຳນວນ​ຫລາຍ​ເກີນ​ກວ່າ​ຄ້າຍ​ຜູ້​ລີ້​ໄພ​ທັງ​ສອງ​ແຫ່ງ​ຢູ່​ບັງ​ກະລາ​ເທດ​ຈະ​ຮັບ​ໄຫວ ສົ່ງ​ຜົນ​ໃຫ້​ຜູ້​ທີ່​ຫາ​ກໍ​ເດີນທາງ​ມາ​ໃໝ່​ບາງ​ສ່ວນ​ຕ້ອງ​ເຂົ້າ​ໄປ​ພັກ​ອາ​ໄສ​ຢູ່​ຕາມ​ໂຮງຮຽນ ຫຼື ສ້າງ​ສິ່ງ​ປຸກ​ສ້າງ​ຂຶ້ນ​ເອງ​ຕາມ​ແຄມ​ຖະໜົນ ​ແລະ ສະຖານ​ທີ່​ຕ່າງໆ. ຂະນະ​ທີ່​ສິ່ງ​ຈຳ​ເປັນ​ພື້ນຖານ​ທັງ​ອາຫານ, ນ້ຳສະອາດ ​ແລະ ການ​ປິ່ນປົວ​ທາງ​ການ​ແພດ​ລ້ວນ​ແຕ່​ຂາດ​ເຂີນ. ຂະນະ​ດຽວ​ກັນ ຈຳນວນ​ຜູ້​ລີ້​ໄພ​ຢູ່​ບັງ​ກະລາ​ເທດ​ໄດ້​ເພີ່ມ​ສູງ​ຂຶ້ນ​ເລື້ອຍໆ.

- dao e1499999169791 - ລັດຖະບານບັງກະລາເທດຈັດສັນ ເນື້ອທີ່ 5 ໄລ່ຮອງຮັບຜູ້ລີ້ໄພໂຣຮິງຢາ