ລັດຖະບານ​ລາວ ຊະນະ​ການ​ຕໍ່ສູ້​ຄະດີ​ກັບ ບໍລິສັດ​ໄທ-​ລາວ ລິກ​ໄນ

- WhatsApp Image 2017 07 12 at 9 -  ລັດຖະບານ​ລາວ ຊະນະ​ການ​ຕໍ່ສູ້​ຄະດີ​ກັບ ບໍລິສັດ​ໄທ-​ລາວ ລິກ​ໄນ

​ກະຊວງ​ແຜນການ​ ​ແລະ ການ​ລົງ​ທຶນ ​ເປີດ​ເຜີຍ​ວ່າ: ສປປ ລາວ ​ໄດ້​ຊະ​ນະ​ການ​ຕໍ່ສູ້​ຄະດີ​ຄວາມທາງກົດໝາຍທີ່​​ຍືດ​ເຍື້ອຍາວ​ນານ​ກັບ ບໍລິສັດ ​ໄທ-​ລາວ​ລິກ​ໄນ ຈຳກັດ (Thai-Lao Lignite Co., Ltd ). ພາຍຫລັງລັດຖະບານ​ໄດ້​ອະນຸມັດ​ໃຫ້​ບໍລິສັດ​ດັ່ງກ່າວ​ສຳ​ປະທານ​ສອງໂຄງການຄື: ​ໂຄງການ​ຂຸດ​ຄົ້ນ​ຖ່ານ​ຫີນ ​ແລະ ໂຄງການ​ການ​ກໍ່ສ້າງ​ໂຮງງານ​ໄຟຟ້າ​​ຄວາມ​ຮ້ອນ​ຂະໜາດ 700 MW ທີ່​​ຫົງ​ສາ ​ແຂວງ​ໄຊ​ຍະ​ບູລີ ​ໃນ​ປີ 1992 ​ແລະ 1994 ຕາມ​ລຳດັບ ​ແລະ ພາຍຫລັງ​ໄດ້​ຮັບ​ສຳ​ປະທານ​ໂຄງການ​ດັ່ງກ່າວ​ຈາກ​ລັດຖະບານ, ​ແຕ່ບໍລິສັດ ​ໄທ-​ລາວ​ລິກ​ໄນ ຈຳກັດ ​​ບໍ່​ປະຕິບັດ​ຕາມ​ຄວາມມຸ່ງ​ຫວັງ​ຂອງ​ຕົນ ​ແລະ ບໍ່​ສາມາດ​ບັນລຸ​ການ​ພັດ​ທະນາ​ຢ່າງ​ເຕັມ​ສ່ວນ​ຂອງ​ໂຄງການ​ພະລັງງານ​ຄວາມ​ຮ້ອນ​ຫົງ​ສາ.

- lattana 1 -  ລັດຖະບານ​ລາວ ຊະນະ​ການ​ຕໍ່ສູ້​ຄະດີ​ກັບ ບໍລິສັດ​ໄທ-​ລາວ ລິກ​ໄນ

​          ດັ່ງ​ນັ້ນ ​ລັດຖະບານ​ລາວ​ຈຶ່ງ​ໄດ້​ຍົກ​ເລີກ​ໂຄງການ​ສຳ​ປະທານ​ດັ່ງກ່າວ​ ໃນ​ປີ 2007 ​ເພື່ອ​ບໍ່​ເປັນ​ການ​ຊັກ​ຊ້າ ​ແລະ ​ໄດ້​ຮຽກຮ້ອງ​ໃຫ້​ນັກ​ລົງທຶນ​ຜູ້​ທີ່​ມີ​ທ່າ​ແຮງ​ ເຊິ່ງ​ໃນ​ນັ້ນ​ລວມມີ​ບໍລິສັດ ບ້ານ​ປູມະຫາຊົນຈຳກັດ ​ໄດ້​ຍື່ນ​ສະ​ເໜີ​​ເຈດ​ຕະນາ​ເພື່ອ​ພັດທະນາ​ໂຄງການ​ດັ່ງ​ກ່າວ ​ແລະ ​ໄດ້​ຮັບ​ການ​ຄັດ​ເລືອກ ຍ້ອນ​ວ່າ​ບໍລິສັດ​ບ້ານ​ປູ​ມີ​ປະສົບ​ການ​​ ​ແລະ ມີ​ຄວາມ​ຊຳນານ​ໃນ​ການ​ພັດທະນາ​ໂຄງການ​ພະລັງງານ​ຄວາມ​ຮ້ອນ.

ບໍລິສັດ​ບ້ານ​ປູ ມະຫາຊົນ ຈຳກັດ ​ໄດ້​ປະຕິບັດ​ຕາມ​ຄວາມ​ມຸຸ່ງຫວັງ​ຂອງ​ຕົນ​ຢ່າງ​ເຕັມ​ສ່ວນ ​ໂດຍ​ໄດ້​ສ້າງ​ໂຮງງານ​ຜະລິດ​ໄຟຟ້າ ​ແລະ ​ໄດ້​ຕິດ​ຕັ້ງ​ເຄື່ອງ​ຈັກ​ທີ່​ມີ​ກຳລັງ​ການ​ຜະລິດ​ພະລັງງານ​ຂະໜາດ 600 MW ສາມເຄື່ອງ ເຊິ່ງລວມທັງໝົດເປັນ 1.800 MW ເພື່ອຂາຍໃຫ້ບໍລິສັດໄຟຟ້າລາວ ແລະ ບໍລິສັດ ການຜະລິດໄຟຟ້າແຫ່ງປະເທດໄທ ຕາມຕາຕະລາງການຜະລິດ.

​ແຕ່​ໃນ​ຂະນະ​ດຽວ​ກັນ, ບໍລິສັດ​ໄທ-ລາວ ລິກ​​ໄນ​ ຈຳກັດ ​ໄດ້​ລິ​ເລີ່​ມຂະ​ບວນ​​ໄກ່​​ເກ່ຍກັບ​ລັດຖະບານ​ລາວ ທີ່​ກົວ​ລາ​ລຳ​ເປີ​ ໃນ​ຂໍ້​ຫາ​ລະ​ເມີດ​ສັນຍາ. ພາຍ​ໃຕ້​ການ​ປະຕິ​ເສ​ດຢ່າງ​ໜັກ​ແໜ້ນ​ຂອງ​ລັດຖະບານ,  ບໍລິ ສັດ​ໄທ-ລາວ ລິກ​ໄນ​ ຈຳກັດ​ ຕ້ອງການ​ຄ່າ​ເສຍ​ຫາຍ​ຈາກສອງ​ໂຄງການ​ທີ່​ໄດ້​ອະນຸມັດ​ໃຫ້​ບໍລິສັດ ​ໄທ-ລາວລິກ​ໄນ​ຈຳກັດ, ຄະນະ​ກຳມະການ​ໄກ່​ເກ່ຍ​ໄດ້​ຜິດພາດ​ໃນ​ການ​ເຫັນ​ດີ​ຕໍ່​ການ​ຮຽກຮ້ອງ​ຄ່າ​ເສຍ​ຫາຍ​ຂອງ​ບໍລິສັດ ​ເຊິ່ງຄຳ​ຕັດສິນ​ໃນ​ເດືອນ​ທັນວາ 2009 ​ແມ່ນ​ຕັດສິນ​ໃຫ້​ລັດຖະບານ​ມອບ​ເງິນ 25 ລ້ານ​ໂດ​ລາ ​ໃຫ້​ແກ່​ບໍລິສັດ ​ໄທ-ລາວ ລິກ​ໄນ ຈຳກັດ ພ້ອມ​ກັບ​ການ​ຄິດ​ໄລ່​ດອກ​ເບ້ຍ 9% ຕໍ່​ປີ.

ລັດຖະບານ​ໄດ້​ປະຕິ​ເສດ​ຕໍ່​ການຈັດ​ຕັ້ງ​ປະຕິບັດ​ຄຳ​ຕັດສິນ​ດັ່ງກ່າວ, ພ້ອມ​ທັງ​ໄດ້​ຮ້ອງ​ຂໍ​ໄປ​ຍັງ​ສານ​ປະ​ເທດ​ມາ​ເລ​ເຊຍ (​ເຊິ່ງ​ເປັນ​ສະຖານ​ທີ່​ຂະ​ບວນການ​ໄກ່​ເກ່ຍຕັ້ງ​ຢູ່) ​ເພື່ອ​ຄັດ​ຄ້ານ​ປະຕິບັດ​ຄຳ​ຕັດສິນ​ຂອງ ຄະນະ​ກຳມະການ​ໄ​ກ່​ເກ່ຍ ​ໃນ​ປີ 2013. ພາຍຫລັງ​ການ​ທົບ​ທວນ​ຄະດີ​ຢູ່​ສານ​ສູງ​ທີ່​ກົວ​ລາ​ລຳ​ເປີ, ສານ​ໄດ້​ຕັດສິນ​ໃນ​ການ​ໂຈະ​ຄຳ​ຕັດສິນ​ຂອງ​ສູນ​ໄກ່​ເກ່ຍ. ພາຍຫລັງ​ເວລາສາມ​ປີ​ຂອງ​ການຍື່ນ​ອຸທອນ​ທາງ​ກົດໝາຍ​ຂອງ​ຜູ້​ລົງ​ທຶນ, ​ໃນ​ວັນ​ທີ 17 ສິງຫາ 2017 ສານ​ສູງ​ສຸດ​ປະ​ເທດ​ມາ​ເລ​ເຊຍ​ໄດ້​ປະຕິ​ເສດ​ການ​ຍື່ນ​ອຸທອນຂອງ​ບໍລິສັດ ​ໄທ-ລາວ ລິກ​ໄນ ຈຳກັດ. ດ້ວຍ​ເຫດ​ນັ້ນ ​ຈຶ່ງ​ເຮັດ​ໃຫ້​ຄະດີ​ຄວາມ​ທີ່​ຍາວ​ນານ​ສິ້ນ​ສຸດ​ລົງ ​ແລະ ​ລັດຖະບານ​ລາວ​ໄດ້​ຮັບ​ໄຊຊະນະ ​ເພື່ອ​ຜົນ​ປະ​ໂຫຍ​ດຂອງ​ການ​ພັດທະນາ​ເສດຖະກິດ​ຂອງ ສປປ ລາວ ອີກ​ດ້ວຍ.

- dao e1499999169791 -  ລັດຖະບານ​ລາວ ຊະນະ​ການ​ຕໍ່ສູ້​ຄະດີ​ກັບ ບໍລິສັດ​ໄທ-​ລາວ ລິກ​ໄນ