ລັດຖະມົນຕີ ປກສ ເນັ້ນກໍາລັງເຈົ້າໜ້າທີ່ແຂວງຈໍາປາສັກເອົາໃຈໃສ່​ປ້ອງ​ກັນ​ຄວາມ​ສະຫງົບຮອບດ້ານ.

- WhatsApp Image 2017 07 12 at 9 - ລັດຖະມົນຕີ ປກສ ເນັ້ນກໍາລັງເຈົ້າໜ້າທີ່ແຂວງຈໍາປາສັກເອົາໃຈໃສ່​ປ້ອງ​ກັນ​ຄວາມ​ສະຫງົບຮອບດ້ານ.

ໃນໂອກາດໂອ້ລົມຊີ້ນໍາວຽກງານປ້ອງກັນຄວາມສະຫງົບຢູ່ກອງບັນຊາການ ປກສ ແຂວງຈໍາປາສັກຂອງທ່ານລັດຖະມົນຕີປ້ອງກັນຄວາມສະຫງົບ ພົນຕີ ສົມແກ້ວ ສີລາວົງ ເມື່ອບໍ່ດົນນີ້, ເຊິ່ງໄດ້ເນັ້ນໃຫ້ຄະນະ​ພັກ-ຄະນະ​ບັນຊາ ​ແລະ ພະນັກງານນັກຮົບ​ ປກສ ​ແຂວງ​​ແຕ່ລະ​ຂັ້ນເພີ່ມທະວີຄວາມ​ເອົາ​ໃຈ​ໃສ່​ສຶກສາ​ອົບຮົມທາງດ້ານ​ການ​ເມືອງ​ແນວ​ຄິດໃຫ້​ພະນັກງານນັກຮົບ​​ໃຫ້​ໜັກ​ແໜ້ນເຂັ້ມ​ແຂງ, ມີ​ລະບຽບ​ວິ​ໄນ​ເຂັ້ມງວດ, ຮັບປະກັນດ້ານ​ວິຊາ​ສະ​ເພາະ, ມີ​ລະບຽບ​ແບບ​ແຜນ​ໃນ​ການ​ເຮັດ​ວຽກ, ປະຕິບັດ​ຫລັກການ​ລວມສູນ​ປະຊາທິປະ​ໄຕ ​ແລະ ສ່ອງ​ແສງ​ລາຍ​ງານ​ຂັ້ນ​ເທິງຮັບຊາບ​ຢ່າງ​ເປັນ​ປົກກະຕິ ເພື່ອກຽມພ້ອມ​ຈັດ​ກຳລັງ​ປະຈຳການ​ເປັນປົກກະຕິ, ໂດຍສະເພາະການ​ກຳ​ແໜ້ນ​ສະພາບ​ຂອງ​ກຸ່ມ​ຄົນ​ບໍ່​ດີ, ​ແກ້​ໄຂ​ໜໍ່​ແໜງປາກົດການ​ຫຍໍ້​ທໍ້ຕ່າງໆ​ໃນ​ສັງຄົມ, ​​ເອົາ​ໃຈ​ໃສ່​ກຳ​ແໜ້ນ​ສະພາບ​ການ​ເຂົ້າ-ອອກ​​ຂອງ​ພົນລະ​ເມືອງ​ຢູ່ພາຍໃນ ​ແລະ ຕ່າງປະ​ເທດ, ສືບ​ຕໍ່​ຫັນ​ພະນັກງານ​ລົງ​​ກໍ່ສ້າງຮາກ​ຖານ​ຢູ່​ບັນດາ​ຈຸດ​ສຸມ ​ແລະ ​ເຂດຫລໍ່ແຫລມ ເພື່ອປຸກລະດົມ​​ປະຊາຊົນ​ໃຫ້ຮັບຮູ້ເຂົ້າ​ໃຈ ແລະ ເຊື່ອໝັ້ນຕໍ່​ແນວທາງ​ນະໂຍບາຍຂອງ​ພັກ ແລະ ລັດ, ປະກອບສ່ວນ​ເຂົ້າ​ໃນ​ວຽກ​ງານ​ປ້ອງ​ກັນຊາ​ດ-ປ້ອງ​ກັນ​ຄວາມ​ສະຫງົບ, ເພື່ອຮັບປະກັນ​ໃຫ້​ສັງຄົມ​ມີ​ຄວາມເປັນລະບຽບຮຽບຮ້ອຍ ແລະ ​ສະຫງົບ​ປອດ​ໄພດີ.

- lattana 1 - ລັດຖະມົນຕີ ປກສ ເນັ້ນກໍາລັງເຈົ້າໜ້າທີ່ແຂວງຈໍາປາສັກເອົາໃຈໃສ່​ປ້ອງ​ກັນ​ຄວາມ​ສະຫງົບຮອບດ້ານ.

ພົນຈັດຕະວາ ສີ​ພັນ ວົງ​ເຮືອງ​ຄຳ ຫົວໜ້າ​ກອງ​ບັນຊາ​ການ ປກສ ​ແຂວງ​ຈຳປາ​ສັກ ​​ໃຫ້ຮູ້​ວ່າ: ໃນໄລຍະຜ່ານມາ, ກໍາລັງເຈົ້າໜ້າທີ່ແຂວງຂອງຕົນກໍໄດ້ເອົາໃຈໃສ່ແກ້ໄຂປະກົດການຫຍໍ້ທໍ້ຕ່າງໆຢ່າງຕັ້ງໜ້າຄື: ​​ແກ້​ໄຂບັນຫາ​ຢາ​ເສບ​ຕິດ, ​​​ອາ​ຊະ​ຍາ​ກຳ, ​ອຸປະຕິ​ເຫດ, ຕ້ານການຄ້າມະນຸດ, ແກ້ໄຂແຮງງານຕ່າງດ້າວ ແລະ ຈັດ​ສັນ​ຄວາມ​ເປັນ​ລະບຽບ​ຮຽບຮ້ອຍ​ໃນ​ສັງຄົມ ແລະ ສະ​ເພາະ 6 ​ເດືອນ​ຕົ້ນປີ 2017 ສາມາດ​ແກ້​ໄຂຄະດີ​ຢາ​ເສບ​ຕິດ​ໄດ້ 184 ​ເລື່ອງ, ຈັບ​ຜູ້ກະທໍາຜິດ​ໄດ້ 367 ຄົນ, ຢຶດຢາ​ບ້າ​ໄດ້ຫລາຍກວ່າ 1,5 ລ້ານ​ເມັດ, ຢາ​ໄອສ໌ 363 ກຣາມ ​ແລະ ​ເຄື່ອງ​ຂອງ​ກາງເປັນ​ຈຳນວນຫລາຍ, ສ່ວນສະພາບ​ອຸປະຕິ​ເຫດບົນທ້ອງຖະໜົນແມ່ນ​ເກີດ​ຂຶ້ນ 226 ຄັ້ງ ແລະ ມີຜູ້ເສຍ​ຊີວິດ 61 ຄົນ.​

 

 

- dao e1499999169791 - ລັດຖະມົນຕີ ປກສ ເນັ້ນກໍາລັງເຈົ້າໜ້າທີ່ແຂວງຈໍາປາສັກເອົາໃຈໃສ່​ປ້ອງ​ກັນ​ຄວາມ​ສະຫງົບຮອບດ້ານ.