ລາວຫາລືການເຂົ້າເຖິງໂພຊະນາການ

- WhatsApp Image 2017 07 12 at 9 - ລາວຫາລືການເຂົ້າເຖິງໂພຊະນາການ

ໃນອາທິດຜ່ານມານີ້,​ ກະຊວງສາທາລະນະສຸກຮ່ວມກັບອົງການອາຫານໂລກ ປະຈຳລາວ, ໄດ້ຈັດກອງປະຊຸມເຜີຍຜົນການວິເຄາະຊ່ອງຫວ່າງການເຂົ້າເຖິງອາຫານ ແລະ ໂພຊະນາການ, ໂດຍການເປັນປະທານຂອງທ່ານລັດຖະມົນຕີກະຊວງສາທາລະນະສຸກ ບຸນກອງ ສີຫາວົງ ແລະ ທ່ານນາງ ຊາລາ ກໍດອນກິບສັນ ຜູ້ຕາງໜ້າອົງການອະນາໄມໂລກປະຈຳລາວ, ແລະ ມີຕາງໜ້າຈາກສາທາລະນະສຸກແຂວງສະຫວັນນະເຂດ, ເຊກອງ, ອຸດົມໄຊ, ຜົ້ງສາລີ, ນະຄອນຫລວງຈັນ ແລະ ພາກສ່ວນກ່ຽວຂ້ອງເຂົ້າຮ່ວມຢ່າງພ້ອມພຽງ, ເພື່ອຮັບຟັງ ຄວາມເປັນມາຂອງການວິເຄາະກ່ຽວກັບການເຕີມຊ່ອງຫວ່າງຂອງການເຂົ້າເຖິງອາຫານ ແລະ ໂພຊະນາການ, ກໍຄືຜົນໄດ້ຮັບສຳຄັນ ລວມທັງຕົວແບບຈຳລອງລາຄາອາຫານ, ໂພຊະນາການ ແລະ ຄຳແນະນຳສຳຄັນຈຳນວນໜຶ່ງ.

- lattana 1 - ລາວຫາລືການເຂົ້າເຖິງໂພຊະນາການ

ທ່ານລັດຖະມົນຕີກະຊວງສາທາລະນະສຸກ ກ່າວວ່າ: ການຂາດສານອາຫານ ແມ່ນເປັນອຸປະສັກອັນໃຫຍ່ຫລວງຕໍ່ການພັດທະນາປະເທດຊາດ. ສະນັ້ນ ທຸກຂະແໜງການກ່ຽວຂ້ອງຕ້ອງໄດ້ຮ່ວມມືກັບຄູ່ຮ່ວມພັດທະນາໃນການສ້າງແຜນຍຸດທະສາດແຫ່ງຊາດດ້ານໂພຊະນາການຮອດປີ 2025 ແລະ ແຜນປະຕິບັດ ງານແຕ່ 2016-2020 ແລະ ດ້ວຍການຊ່ວຍເຫລືອຈາກຄູ່ຮ່ວມພັດທະນາສາມາດຫລຸດຜ່ອນອັດຕາການຂາດສານອາຫານແບບລວງສູງບໍ່ໄດ້ມາດຕະຖານ (ເຕ້ຍ) ຈາກ 40% ໃນປີ 2012 ລົງມາເປັນ 36% ໃນປີ 2015. ສະນັ້ນ ເພື່ອເຮັດໃຫ້ອັດຕາການຂາດສານອາຫານສືບຕໍ່ຫລຸດລົງຕາມເປົ້າໝາຍຂອງ ຍຸດທະສາດໂພຊະນາການແຫ່ງຊາດດ້ານໂພຊະນາການແຕ່ 2016-2025 ລົງມາຢູ່ໃນລະດັບ 25%. ດັ່ງນັ້ນທຸກຂະແໜງການກ່ຽວຂ້ອງຕ້ອງໄດ້ຮ່ວມມືກັນປະຕິບັດເພື່ອໃຫ້ບັນລຸຄາດໝາຍໂຕເລກທີ່ວາງໄວ້.ຢີ່ປຸ່ນສືບຕໍ່ສະໜັບສະໜູນວຽກງານເກັບກູ້ລະເບີດທີ່ແຂວງຊຽງຂວາງ.

ໃນວັນທີ 15 ກັນຍາ ຜ່ານມາ, ຢູ່ສະຖານທູດຢີ່ປຸ່ນປະຈຳລາວ, ໄດ້ຈັດພິທີລົງນາມການຊ່ວຍເຫລືອລ້າໃນໂຄງການສົ່ງເສີມການນຳໃຊ້ເຄື່ອງຈັກທຳລາຍລະເບີດລູກຫວ່ານທີ່ຊຽງຂວາງລວມມູນຄ່າ 592.101 ໂດລາສະຫະລັດ ລະຫວ່າງທ່ານ ຄາຊູຮີໂລະ ຄູໂນະ ອຸປະທູດຢີ່ປຸ່ນປະຈຳລາວ ແລະ ທ່ານ ຮີໂຣອາກິ ເຊກິ ຮອງປະທານອົງການ JMAS, ໂດຍມີຫົວໜ້າຫ້ອງການກຳມະການຄຸ້ມຄອງແຫ່ງຊາດເພື່ອການແກ້ໄຂບັນຫາລະເບີດບໍ່ທັນແຕກທີ່ຕົກຄ້າງຢູ່ລາວ (NRA), ມີຫົວໜ້າຫ້ອງການເກັບກູ້ລະເບີດແຫ່ງຊາດ (UXO Lao) ແລະ ພາກສ່ວນກ່ຽວຂ້ອງເຂົ້າຮ່ວມ.

ອົງການເກັບກູ້ລະເບີດ JMAS ເປັນອົງການທີ່ບໍ່ຂຶ້ນກັບລັດຖະບານຈາກປະເທດຢີ່ປຸ່ນ ທີ່ມີສ່ວນຮ່ວມຢ່າງກ້ວາງຂວາງໃນພາລະກິດການເກັບກູ້ລະເບີດໃນລາວ, ນັບແຕ່ປີ 2005 ອົງການ JMAS ໄດ້ຮັບທຶນສະໜັບສະໜູນຈາກລັດຖະບານຢີ່ປຸ່ນ ແລະ ໄດ້ຮັບອຸຸປະກອນຊ່ວຍເຫລືອເຊັ່ນ: ກົນຈັກຕ່າງໆຈາກບໍລິສັດໂຄມັດຊຶ, ເຊິ່ງເປັນບໍລິສັດຜະລິດອຸປະກອນກໍ່ສ້າງຈາກປະເທດຢີ່ປຸ່ນ. ໂຄງການດັ່ງກ່າວໄດ້ເລີ່ມຕົ້ນຂຶ້ນໃນປີຜ່ານມາ ໂດຍມີເປົ້າໝາຍທີ່ຈະປະກອບສ່ວນຮັບຮອງຄວາມປອດໄພໃຫ້ແກ່ສະພາບແວດລ້ອມການດຳລົງຊິວິດ ແລະ ການພັດທະນາທ້ອງຖິ່ນໃນແຂວງຊຽງຂວາງ ໂດຍການເລັ່ງວຽກງານການເກັບກູ້ລະເບີດດ້ວຍການນຳໃຊ້ເຄື່ອງຈັກທຳລາຍລະເບີດລູກຫວ່ານ (CSCM). ຊຶ່ງຈະສາມາດຫລຸດຜ່ອນການໃຊ້ເວລາໃນການປະຕິບັດວຽກງານ ແລະ ເພີ່ມຄວາມປອດໄພອີກດ້ວຍ ແລະ ເປັນຄັ້ງທຳອິດໃນໂລກທີ່ມີການນຳໃຊ້ເຄື່ອງຈັກເຂົ້າການເກັບກູ້ລະເບີດ.

ໃນໄລຍະ 10 ເດືອນຜ່ານມາ, ອົງການ JMAS ມີແຜນຂະຫຍາຍພື້ນທີ່ການເກັບກູ້ລະເບີດຈາກເມືອງແປກຫາເມືອງຄຳ ແລະ ເມືອງພູກູດ, ໂດຍການນຳໃຊ້ເຄື່ອງຈັກເພີ່ມຕື່ມອີກ. ໂຄງການດັ່ງກ່າວ, ຄາດວ່າຈະຊ່ວຍໃຫ້ອົງການ UXO Lao ເລັ່ງວຽກງານການເກັບກູ້ລະເບີດໃນລາວມີປະສິດທິພາບ ແລະ ປະສິດທິຜົນສູງຂຶ້ນ.

ອົງການເກັບກູ້ລະເບີດ JMAS ໄດ້ຈັດຕັ້ງປະຕິບັດໂຄງການເກັບກູ້ລະເບີດລາວຄື: ຢູ່ແຂວງຊຽງຂວາງແຕ່ປີ 2005-2009, ສາລະວັນໃນປີ 2011, ອັດຕະປື ແລະ ຈໍາປາສັກແຕ່ປີ 2011-2013 ແລະ ຢູ່ນະຄອນຫລວງວຽງຈັນໃນປີ 2014-2017.

- dao e1499999169791 - ລາວຫາລືການເຂົ້າເຖິງໂພຊະນາການ