ລາວ​ໃຫ້​ຄວາມ​ສຳຄັນ​ຕໍ່ວຽກ​ງານ​​ເດັກຫລາຍ​ຂຶ້ນ

- WhatsApp Image 2017 07 12 at 9 - ລາວ​ໃຫ້​ຄວາມ​ສຳຄັນ​ຕໍ່ວຽກ​ງານ​​ເດັກຫລາຍ​ຂຶ້ນ

ກອງ​ປະຊຸມປຶກສາ​ຫາລື​ການ​ໂຄສະນາ​ວຽກ​ງານ​ໂພ​ສະນາ​ການ, ສັກ​ຢາ​ກັນ​ພະຍາດ, ສຸຂະ​ອະນາ​ໄມ, ​ຕ້ານ​ການ​ໃຊ້​ຄວາມ​ຮຸນ​​ແຮງ​ຕໍ່​ເດັກ, ການ​ຄ້າ​ມະນຸດ ​ແລະ ການ​ສຶກສາ​ສຳລັບ​ເດັກ​ກ່ອນ​ໄວ​ຮຽນ ​ໃຫ້​​ພະນັກງານ​ແນວ​ລາວສ້າງ​ຊາດ​​ໃນ​ທົ່ວປະ​ເທດ, ​ໄດ້​ຈັດ​ຂຶ້ນ​ລະຫວ່າງ​ວັນ​ທີ 11-13 ກັນຍາ​ນີ້, ທີ່​ນະຄອນ ຫລວງ​ວຽງ​ຈັນ, ​ໂດຍ​ການ​ເປັນ​ປະທານ​ຂອງ​ທ່ານ ດຣ. ສົມ​ອົກ ກິ່ງ​ສະ​ດາ ຮອງ​ປະທານ​ສູນ​ກາງ​ແນວ​ລາວ​ສ້າງ​ຊາດ, ມີ​ທ່ານ ລີ​ໂອ ຟາ​ເບີ ​ເອກ​ອັກຄະ​ລັດ​ຖະທູດ​ສະຫະພາບ​ເອີ​ລົບ ແລະ ​ຜູ້ຕາງໜ້າ​ອົງການ​ຢູນິ​ເຊບປະຈຳ​ລາວ​ເຂົ້າ​ຮ່ວມນຳດ້ວຍ.

- lattana 1 - ລາວ​ໃຫ້​ຄວາມ​ສຳຄັນ​ຕໍ່ວຽກ​ງານ​​ເດັກຫລາຍ​ຂຶ້ນ

ທ່ານ​ ສົມອົກ ກ່າວ​ວ່າ: ເພື່ອ​ເສີມ​ຂະ ຫຍາຍຄວາມ​ຮັບ​ຮູ້ ​ແລະ ຄວາມ​ສາມາດ​ ໃນ​ການ​ປຸກລະດົມ​ຊຸມ​ຊົນ​ກ່ຽວ​ກັບ​ບັນຫາ​ຕ່າງໆ​ທີ່​ກ່ຽວຂ້ອງ​ກັບ​ເດັກ​ເຊັ່ນ: ວຽກ​ງານ​ໂພ​ສະນາ​ການ, ວຽກ​ງານ​ສັກ​ຢາ​ກັນ​ພະຍາດ, ສຸຂະ​ອະນາ​ໄມ, ການ​ປົກ​ປ້ອງ​ເດັກ ​ແລະ ການ​ສຶກສາ​ສຳລັບ​ເດັກ​ກ່ອນ​ໄວ​ຮຽນ, ພ້ອມ​ທັງ​ເປັນ​ການ​ເສີມ​ຂະຫຍາຍ​ບົດບາດ​ຂອງ​ແນວ​ລາວ​ສ້າງ​ຊາດ​ ໃນ​ການ​ປຸກລະດົມ​ປະຊາຊົນ​ບັນດາ​ເຜົ່າ​ ​ໃຫ້​ຫັນ​ມາ​ປັບປຸງ​ບັບຫາ​ສຸຂະພາບ​ຂອງ​ແມ່ຍິງ ​ແລະ ​ເດັກ ແລະ ​ເປັນ​ການ​ຊຸກຍູ້​ການ​ມີ​ສ່ວນ​ຮ່ວມ​ຂອງ​ຜູ້ນຳ​ເຜົ່າ​ຕ່າງໆ​ໃນ​ການ​ປຸກລະດົມ​ປະຊາຊົນ​ບັນດາ​ເຜົ່າ ​ເພື່ອ​ໃຫ້​ເຂົາ​ເຈົ້າ​ເອົາ​ໃຈ​ໃສ່​ຕໍ່​ບັນຫາ​ສຸຂະພາບ​ໃນ​ຊຸມ​ຊົນ​ຂອງ​ຕົນ​ໃຫ້​ດີ​ຂຶ້ນ​ເທື່ອ​ລະ​ກ້າວ.

ກອງ​ປະຊຸມ​ຄັ້ງ​ນີ້​ເປັນ​ຄັ້ງ​ທຳ​ອິດ, ພາຍຫລັງ​ໄດ້​ມີ​ການ​ລົງ​ນາມ​ການ​ຮ່ວມ​ມື​ລະຫວ່າງລັດຖະບານ ລາວ ​ແລະ ​ອົງການ​ຢູນິ​ເຊບ, ​ໃນ​ເດືອນ​ພຶດສະພາ​ຜ່ານ​ມາ​ນີ້ ​ແລະ ພາຍຫລັງ​ຈາກ​ສຳ​ເລັດ​ກອງ​ປະຊຸມ​ນີ້ແລ້ວອົງການແນວລາວສ້າງຊາດ ກໍຈະ​ໄດ້​ລົງ​ເຄື່ອນ​ໄຫວ​ຕິດຕາມ ​ແລະ ຊຸກຍູ້​ບັນດາ​ທ້ອງ​ຖິ່ນ​ຮາກ​ຖານ​ໃນ​ການຈັດ​ຕັ້ງ​ປະຕິບັດມີປະສິດທິຜົນດີຂຶ້ນ.

ທ່ານ ມີ​ໂອ-ຊິນ ຢູນ ຮັກສາ​ການ​ຜູ້ຕາງ​ໜ້າ ອົງການ​ຢູນີ​ເຊັບ ປະຈຳ​ລາວ ມີຄວາມເຫັນໃນກອງປະຊຸມວ່າ: ການ​ຮ່ວມ​ມື​ລະຫວ່າງ​ສູນ​ກາງ​ແນວ​ລາວ​ສ້າງ​ຊາດ ​ແລະ ອົງ ການ​ຢູນີ​ເຊັບ ​ໄດ້​ເລີ່​ມມາແຕ່​ປີ 2015, ​ໂດຍ​ເລັ່ງ​ໃສ່​ປັບປຸງ​ຊີວິດ​ການ​ເປັນ​ຢູ່​ທີ່​ດີ​ຂອງ​ແມ່ຍິງ ​ແລະ ​ເດັກ​ໃນ​​ເຂດ​ຫ່າງ​ໄກ​ສອກຫລີກຂອງລາວ ເພື່ອສາມາດ​ເຂົ້າ​ເຖິງ​ປະຊາ​ຊົນ​ໃນ​ເຂດ​ທຸລະ​ກັນດານ ​ແລະ ດ້ວຍ​ໂອກາດ ​ແລະ ​ໃນ​ເຂດ​ຊົນ​ເຜົ່າຕ່າງໆຕາມ​ພາລະ​ບົດບາດ​ຂອງ​ສູນ​ການ​ແນວ​ລາວ​ສ້າງ​ຊາດ ​ແລະ ພັນທະ​ໜ້າ​ທີ່​ຂອງ​ອົງການ​ຢູນີ​ເຊັບ, ພ້ອມ​ນີ້​ຍັງ​​ໄດ້​ຮ່ວມ​ກັນ​ຕອບ​ໂຕ້​ການລະບາດ​ຂອງ​ພະຍາດ​ໂປ​ລີ​ໂອ ​ແລະ ອື່ນໆ​ດ້ວຍຄວາມຕັ້ງໜ້າ​ອີກ​ດ້ວຍ.

- dao e1499999169791 - ລາວ​ໃຫ້​ຄວາມ​ສຳຄັນ​ຕໍ່ວຽກ​ງານ​​ເດັກຫລາຍ​ຂຶ້ນ