ລ້ຽງງົວຊ່ວຍເສດຖະກິດຄອບຄົວດີຂຶ້ນ

- WhatsApp Image 2017 07 12 at 9 - ລ້ຽງງົວຊ່ວຍເສດຖະກິດຄອບຄົວດີຂຶ້ນ

ການລ້ຽງສັດຢູ່ປະເທດເຮົາ ເປັນອາຊີບທີ່ມີມາແຕ່ດົນນານ ແລ້ວໂດຍສະເພາະຢູ່ເຂດຊົນນະ ບົດທີ່ມີເນື້ອທີ່ດິນກວ້າງຂວາງ ບວກກັບຄວາມດຸໝັ່ນຂະຫຍັນ ພຽນເພື່ອການບໍລິໂພກ ແລະ ເປັນ ແຮງງານລາກແກ່, ແຕ່ເມື່ອກ່ອນ ການລ້ຽງສັດດັ່ງກ່າວ, ກໍພຽງ ເປັນແບບຄອບຄົວ, ກຸ້ມກິນກຸ້ມ ໃຊ້ພໍໃຜພໍລາວເທົ່ານັ້ນ, ແຕ່ມາ ຮອດປັດຈຸບັນໄດ້ເກີດມີໜໍ່ແໜງ ເປັນສິນຄ້າ, ລ້ຽງເປັນແບບນິຄົມ ແລະ ຟາມຕ່າງໆທີ່ນຳໃຊ້ເຕັກ ນິກວິຊາການອັນທັນສະໄໝ ເຂົ້າ ມາຊ່ວຍດັ່ງຄອບຄົວ ທ້າວ ທັນ ລົມ ຢູ່ ບ້ານ ທ່ານາຂາມ, ເມືອງ ສັງທອງ, ນະຄອນຫລວງວຽງ ຈັນ ທີ່ໄດ້ຢຶດຖືເອົາການລ້ຽງສັດ ເປັນອາ ຊີບໂດຍສະເພາະກໍແມ່ນ ການລ້ຽງງົວພັນປະສົມດ້ວຍ ການນຳໃຊ້ເນື້ອທີ່ດິນທີ່ຕົນມີ ຈຳນວນ 2 ເຮັກຕາ, ທຶນຮອນ ເລັກໆນ້ອຍໆ ແລະ ກໍສາມາດ ຜ່ານຜ່າອຸປະສັກ ແລະ ເຮັດໃຫ້ ວຽກງານດັ່ງກ່າວສາມາດດຳ ເນີນໄປດ້ວຍດີ. ດັ່ງເຈົ້າຂອງ ຟາມໃຫ້ຮູ້ວ່າ: ຕົນເອງພ້ອມ ຄອບຄົວລ້ຽງງົວມາ ໄດ້ພຽງ 2 ປີ ໂດຍໄດ້ເລີ່ມລ້ຽງໃນເບື້ອງ ຕົ້ນມີງົວພຽງແຕ່ສິບກວ່າໂຕ ເທົ່ານັ້ນ, ແຕ່ມາຮອດປັດຈຸບັນ ໄດ້ຂະຫຍາຍຕົວເພີ່ມຂຶ້ນເປັນ 150 ໂຕ ແລະ ສາມາດຂາຍ ອອກແລ້ວ 20 ໂຕ ແລະ ໄດ້ ເງິນ ມາປະມານ 100 ກວ່າລ້ານ ກີບ ໄດ້ຊ່ວຍເປັນທ່າແຮງໃຫ້ແກ່ ການຂະຫຍາຍກິດຈະກຳຂອງ ຕົນຂຶ້ນຕື່ມ, ໂດຍສະເພາະແມ່ນ ໄດ້ຊື້ເຄື່ອງຈັກບົດຫຍ້າຂະໜາດ ນ້ອຍໃຫ້ງົວໜຶ່ງເຄື່ອງ ແລະ ລົດ ຮັບໃຊ້ໜຶ່ງຄັນ. ຊື້ລົດໄຖ-ຄາດ ເພື່ອບຸກເບີກເນື້ອທີ່ເຮັດຄັງຫຍ້າ ໃຫ້ງົວໜຶ່ງຄັນ ແລະ ສາມາດຊື້ ທີ່ ດິນຕື່ມອີກ ເພື່ອເຮັດຄັງຫຍ້າ ລ້ຽງງົວ ເຊິ່ງມີເນື້ອທີ່ລວມທັງ ໝົດ 30 ກວ່າເຮັກຕາ.

- lattana 1 - ລ້ຽງງົວຊ່ວຍເສດຖະກິດຄອບຄົວດີຂຶ້ນ

 

 

- 7562 300x232 - ລ້ຽງງົວຊ່ວຍເສດຖະກິດຄອບຄົວດີຂຶ້ນ

 

 

+ ເຮັດເຂົ້າຕົ້ມຂາຍກໍມີລາຍໄດ້ດີ

+ ວິຖີຊີວິດຂອງຊາວບ້ານທ່ານາຂາມ

 

ທ້າວ ລົມ ໃຫ້ຮູ້ອີກວ່າ: ການ ມີອາຊີບລ້ຽງງົວກໍມ່ວນໄປອີກ ແບບໜຶ່ງ ເຊິ່ງແຕ່ລະມື້ຈະໃຊ້ ຊີວິດຢູ່ກັບທົ່ງໄຮ່ທົ່ງນາ, ອັນ ກວ້າງໃຫຍ່ ເຊິ່ງເຕັມໄປດ້ວຍ ຕົ້ນເຂົ້າອັນຂຽວງາມຄັງຫຍ້າ ອັນກວ້າງຂວາງໃນເນື້ອທີ່ດິນ ຫລາຍກວ່າ 30 ເຮັກຕາ, ໄດ້ ແບ່ງເປັນລ໊ອກໄວ້ໃຫ້ງົວກິນ ເຊິ່ງ ໃນຕອນເຊົ້າກໍຈະປ່ອຍງົວທຸກ ໂຕອອກຈາກຟາມໄປກິນຫຍ້າ ເມື່ອຮອດຍາມແລງມາແລ້ວ ກໍເອົາງົວເຂົ້າຟາມເພື່ອມາສືບຕໍ່ ກິນຫຍ້າທີ່ບົດໄວ້ໃຫ້ນັ້ນຕື່ມ ອີກ. ໂດຍປ່ອຍໃຫ້ຝຸງງົວໄດ້ ອອກໄປກິນຫຍ້າຕາມທຳມະ ຊາດໄດ້ໝູນວຽນກັນໄປຕາມແຕ່ ລະລ໊ອກອາທິດລະເທື່ອ ແລະ ເບິ່ງແຍງສຸຂະພາບຂອງງົວແຕ່ ລະໂຕໄປພ້ອມ, ຖ້າໂຕໃດມີບັນ ຫາດ້ານສຸຂະພາບກໍຈະໄດ້ຮັບ ການເບິ່ງແຍ່ງປິ່ນປົວຕາມຫລັກ ການຂອງສັດຕະວະແພດຢ່າງ ຮີບດ່ວນ ແລະ ອີກຢ່າງໜຶ່ງງົວ ທີ່ນຳມາລ້ຽງນັ້ນແມ່ນໄດ້ໄປ ຊອກເລືອກເອົາແຕ່ພໍ່ພັນໃຫຍ່ໆ ມາລ້ຽງຈິ່ງເອີ້ນວ່າ: ການລ້ຽງ ງົວແບບພັນປະສົມ ແລະ ບວກ ກັບການເອົາໃຈໃສ່ເບິ່ງແຍງ ດູແລພ້ອມທັງໃຫ້ອາຫານງົວ ເພີ່ມ ຈິ່ງເຮັດໃຫ້ງົວແຕ່ລະໂຕ ໃຫຍ່ສູງ ແລະ ຕຸ້ຍພີງາມຂາຍ ກໍໄດ້ລາຄາດີ.

 

 

- 11g 300x201 - ລ້ຽງງົວຊ່ວຍເສດຖະກິດຄອບຄົວດີຂຶ້ນ

 

ເຖິງວ່າ ທ້າວ ລົມ ບໍ່ເຄີຍ ຮຽນວິຊາການລ້ຽງສັດມາ ກ່ອນກໍຕາມ, ແຕ່ຜູ້ກ່ຽວມີ ຄວາມມັກຮັກດ້ານນີ້, ມີຄວາມ ອົດທົນພະຍາຍາມສູ້ຊົນໝົ້ນ ທຸກ ກັບຄອບຄົວລູກເມຍຢູ່ຄຽງ ບ່າຄຽງໄລ່ ຊ່ວຍວຽກຊ່ວຍງານ ໃນການບົວລະບັດຮັກສາງົວ ແຕ່ລະໂຕ ແລະ ຄາດວ່າ: 2-3 ປີຂ້າງໜ້ານີ້ຝູງງົວຂອງຟາມ ແຫ່ງນີ້ຈະເພີ່ມຂຶ້ນເຖິງ 300-500 ໂຕ.

 

ໂດຍ: ຊາຍພະເນຈອນ

- dao e1499999169791 - ລ້ຽງງົວຊ່ວຍເສດຖະກິດຄອບຄົວດີຂຶ້ນ