ວິທີການເບິ່ງແຍງສຸຂະພາບຈິດໃນຍາມມີບັນຫາ

- WhatsApp Image 2017 07 12 at 9 - ວິທີການເບິ່ງແຍງສຸຂະພາບຈິດໃນຍາມມີບັນຫາ

ໃນຍາມພົບກັບບັນຫາ ຫລື ຍາມທີ່ພົບກັບເລື່ອງບໍ່ຄາດຝັນນັ້ນ ບາງຄົນທີ່ບໍ່ເຄີຍຝຶກສະຕິເລີຍກໍຈະຈິດຫລຸດ, ຕົກໃຈ, ເຄັ່ງຄຽດກັນຢ່າງຫລວງຫລາຍ. ດັ່ງນັ້ນ, ເມື່ອພົບກັບເລື່ອງບໍ່ຄາດຝັນໃນຊີວິດ ເຮົາລອງມາຕັ້ງສະຕິ ແລະ ສ້າງກຳລັງໃຈໃນການແກ້ໄຂບັນຫາກັນດີກ່ວາ,

  1. ເມື່ອມີບັນຫາເຂົ້າມາໃຫ້ຕັ້ງສະຕິໃຫ້ໝັ້ນຄົງ ເບິ່ງໃຫ້ເຫັນທຸກບັນຫາວ່າມີທາງອອກສະເໝີ.
  2. ຊອກຫາກຳລັງໃຈ ແລະ ທີ່ເພິ່ງທາງໃຈ ບໍ່ວ່າຈະແມ່ນກຳລັງໃຈຈາກຄອບຄົວ, ຈາກຄູບາອາຈານ, ຈາກພະອາຈານໃນສາສະໜາ, ການສະແຫວງຫາຄວາມເຊື່ອໝັ້ນວ່າຊີວິດນີ້ຍ່ອມມີທາງອອກສະເໝີ ແລະ ພະຍາຍາມຊອກຫາດ້ານບວກ.
  3. ເວລາເຄັ່ງຄຽດໃຫ້ຫາຍໃຈເຂົ້າ – ອອກເລິກໆ ເພື່ອເປັນການຜ່ອນຄາຍ ແລະ ເພີ່ມສະຕິຫລາຍຂຶ້ນ.
  4. ເຖິງຈະເຄັ່ງຄຽດຫລາຍປານໃດກໍຕ້ອງນອນຫລັບໃຫ້ພຽງພໍ ຢ່າງໜ້ອຍມື້ລະ 7 – 8 ຊົ່ວໂມງ ແລະ ເຂົ້ານອນແຕ່ຫົວຄໍ່ານຳ.
  5. ບາງຄັ້ງການໄດ້ແລກປ່ຽນຄວາມຄິດເຫັນກັບຜູ້ອື່ນກໍຈະຊ່ວຍເປີດໂລກກະທັດໃຫ້ກ້ວາງຂຶ້ນໄດ້ ຈະຊ່ວຍໃຫ້ເບິ່ງເຫັນທາງອອກໄດ້ງ່າຍຂຶ້ນ ຫາກເປັນບຸກຄົນໃກ້ຊິດ ຫລື ຄົນໃນຄອບຄົວເທົ່າກັບເປັນການເປີດໃຈໃຫ້ຜູກພັນກັນຫລາຍຂຶ້ນ.
  6. ອອກກຳລັງກາຍຢ່າງສະໝໍ່າສະເໝີເທົ່າທີ່ຈະເຮັດໄດ້ ຢ່າງໜ້ອຍມື້ລະ 30 ນາທີ ຫລື ບາມື້ກໍຍັງດີ.
  7. ຫັນໜ້າເຂົ້າຫາວັດວາ ຫລື ສາສະໜາທີ່ຕົນນັບຖືເພື່ອສຶກສາຫາຄວາມສະຫງົບ ແລະ ປັນຍາ.
  8. ເຂົ້າຮ່ວມກິດຈະກຳໃນການຊ່ວຍເຫລືອຜູ້ອື່ນ, ການໄດ້ນຳໂຕເອງໄປສູ່ໃນໝູ່ຜູ້ທີ່ມີປັນຍາອາດໄດ້ແຮງບັນດານໃຈໃນການ ຫາທາງອອກຫລາຍຂຶ້ນ ຫລື ໄດ້ຄິດວ່າເຮົາຍັງໂຊກດີກ່ວາຄົນອື່ນອີກຫລາຍ.
  9. ທຸກມື້ກ່ອນນອນທົບທວນວ່າເກີດເລື່ອງຫຍັງດີໆຂຶ້ນໃນຊີວິດແດ່ ບໍ່ວ່າຈະແມ່ນເລື່ອງນ້ອຍເທົ່າໃດກໍຕາມ ເພື່ອເປັນການສ້າງສົມກຳລັງໃຈ ເຮັດໃຫ້ມີຄວາມຫວັງໃນຊີວິດຫລາຍຂຶ້ນ.
  10. ເມື່ອພະເຊີນກັບບັນຫາກໍແກ້ໄຂໄປເທື່ອລະຂອດ, ເຮັດເທື່ອລະຂັ້ນ, ສິ່ງໃດເຮັດໄດ້ກໍເຮັດກ່ອນ ຢ່າຈົມກັບບັນຫາ ແຕ່ໃຫ້ຄິດເຖິງທາງອອກໃຫ້ຫລາຍຂຶ້ນ, ຢ່າຫັນໄປເພິ່ງເຄື່ອງດື່ມມຶນເມົາ ແລະ ສານເສບຕິດ ເພາະຄວາມເຄັ່ງຄຽດອາດຈະຫາຍໄປຊົ່ວຄາວເທົ່ານັ້ນ.
- lattana 1 - ວິທີການເບິ່ງແຍງສຸຂະພາບຈິດໃນຍາມມີບັນຫາ
- dao e1499999169791 - ວິທີການເບິ່ງແຍງສຸຂະພາບຈິດໃນຍາມມີບັນຫາ