ວິທີແກ້ອາການອິດເມື່ອຍຫລັງການເດີນທາງ

- WhatsApp Image 2017 07 12 at 9 -  ວິທີແກ້ອາການອິດເມື່ອຍຫລັງການເດີນທາງ

ເວລາເດີນທາງທ່ອງທ່ຽວຈະມ່ວນຊື່ນຕື່ນເຕັ້ນກັບສິ່ງອ້ອມຂ້າງ ແລະ ປະສົບການໃໝ່ໆ ລືມຄວາມອິດເມື່ອຍອ່ອນເພຍໄປເລີຍ, ແຕ່ຫລັງຈາກກັບມາຈາກການເດີນທາງທ່ອງທ່ຽວແລ້ວ ຮ່າງກາຍຈະຂາດຄວາມດຸ່ນດ່ຽງ, ຮູ້ສຶກອ່ອນເພຍ, ບໍ່ມີແຮງ, ຈິດໃຈບໍ່ ແຈ່ມໃສ, ບາງຄົນອາດຈະເຈັບຫົວ ຫລື ບໍ່ສະບາຍເລີຍກໍມີ. ດັ່ງນັ້ນ, ເຮົາມີວິທີເຮັດໃຫ້ຮ່າງກາຍກັບມາສົດຊື່ນຫ້າວຫັນ ແລະ ຮູ້ສຶກດີຂຶ້ນໄດ້ຫລັງຈາກການເດີນທາງມາແນະນຳທ່ານ.

- lattana 1 -  ວິທີແກ້ອາການອິດເມື່ອຍຫລັງການເດີນທາງ

– ດື່ມນຳ້ໝາກໄມ້ : ໝາກໄມ້ມີປະໂຫຍດໃນທຸກສະຖານະການແທ້ໆ ເພາະເມື່ອຮ່າງກາຍອ່ອນເພຍ, ບໍ່ມີແຮງ ວິທີທີ່ຊ່ວຍໃຫ້ຮູ້ສຶກສົດຊື່ນຂຶ້ນມາໄດ້ຢ່າງໄວວາ ແລະ ງ່າຍທີ່ສຸດກໍຄືການດື່ມນຳ້ໝາກໄມ້  ທັງໝາກໄມ້ປັ່ນແບບບໍ່ຕ້ອງກອງເອົາກາກອອກ ເຊັ່ນ : ໝາກໄມ້ຕະກູນໝາກເບີຣີ ຈະຊ່ວຍໃຫ້ຮ່າງກາຍກັບຄືນສູ່ຄວາມດຸ່ນດ່ຽງໄດ້ໄວຂຶ້ນ.

– ກິນເຂົ້າເຊົ້າ : ຮ່າງກາຍຄົນເຮົາມີລະດັບການເຜົາຜານອາຫານສູງສຸດໃນໄລຍະຕອນທ່ຽງ, ອາຫານທີ່ດີແມ່ນອາຫານທີ່ກິນແຕ່ເຊົ້າ (ຊົ່ວໂມງທຳອິດຫລັງຕື່ນນອນ) ຄວນກິນເຂົ້າເຊົ້າ ແລະ ເຂົ້າສວາຍເປັນຄາບຫລັກ ໂດຍໃຫ້ເນັ້ນໜັກໄປທາງໂປຣຕິນ ແລະ  ໄຂມັນ. ສ່ວນຄາບແລງຄວນເປັນຄາບນ້ອຍໆ ເນັ້ນໜັກໄປທາງຄາໂບໄຮເດຣດ ເຊັ່ນ : ໝາກໄມ້, ຜັກ, ທັນຍາພືດບໍ່ຜັດສີທີ່ມີຄຸນຄ່າສູງ, ອາຫານກຸ່ມຄາໂບໄຮເດຣດຈະຊ່ວຍໃຫ້ຮ່າງກາຍຜ່ອນຄາຍຫລັບສະບາຍ ແລະ ຊ່ວຍລ້າງພິດໃນໄລຍະທີ່ເຮົານອນຫລັບຢູ່.

– ຫລັບແນວໃດໃຫ້ແຈບດີ : ໄລຍະຫລັງກັບມາຈາກການເດີນທາງ ບາງຄົນອາດຈະມີອາການນອນບໍ່ຫລັບກະວົນກະວາຍ ເນື່ອງຈາກຮ່າງກາຍຕ້ອງປັບໂຕກັບການປ່ຽນເວລາ, ອາກາດ ແລະ ສະພາບແວດລ້ອມ. ດັ່ງນັ້ນ, ຄວນຫາວິທີຊ່ວຍໃຫ້ຫລັບແຈບດີ ໂດຍການດື່ມນົມອຸ່ນໆ ຍ້ອນນົມມີກົດອະມິໂນທີ່ຊ່ວຍໃນການນອນຫລັບ  ນອກຈາກນັ້ນຫ້ອງນອນກໍຄວນມືດ ແລະ ງຽບ, ຫລີກເວັ້ນການຕັ້ງໂມງປຸກໃນໄລຍະ 45 – 120 ນາທີທຳອິດ ເພາະເປັນໄລຍະທີ່ເຮົາກຳລັງຫລັບແຈບ ຖ້າຕື່ນໃນໄລຍະນີ້ຈະເຮັດໃຫ້ເຮົາວິນຫົວ ແລະ ບໍ່ສົດໃສ.

– ຫາຍໃຈໃຫ້ເປັນ : ຝຶກການຫາຍໃຈແບບສະບາຍໆ ວິທີການຝຶກເຮັດໄດ້ໂດຍການຫາບ່ອນນັ່ງມິດໆປະມານ 5 ນາທີ ນັ່ງຫລັງບໍ່ຂົດງໍ ແລະ ບໍ່ເກັງ, ວາງມືເບື້ອງໜຶ່ງໄວ້ໜ້າເອິກເບົາໆ, ວາງອີກເບື້ອງໜຶ່ງໄວ້ໜ້າທ້ອງເບົາໆ ຫາຍໃຈເຂົ້າ ແລະ ຫາຍໃຈອອກຢ່າງຊ້າໆ ພ້ອມກັນນີ້ໃຫ້ເຮັດຄວາມຮູ້ສຶກວ່າ ຫາຍໃຈເຂົ້າ ຂ້ອຍຜ່ອນຄາຍ, ຫາຍໃຈອອກ ຂ້ອຍຜ່ອນຄາຍ ເຊິ່ງຈະຊ່ວຍຄາຍກ້າມຊີ້ນສະໝອງ, ຫລຸດຄວາມເຄັ່ງຄຽດລົງ ແລະ  ຜ່ອນຄາຍໄດ້ຢ່າງບໍ່ໜ້າເຊື່ອ.

- dao e1499999169791 -  ວິທີແກ້ອາການອິດເມື່ອຍຫລັງການເດີນທາງ