ສປປ ເກົາຫລີ ປະກາດຜົນສຳເລັດ ທົດລອງນິວເຄຼຍຄັ້ງທີ 6

- WhatsApp Image 2017 07 12 at 9 - ສປປ ເກົາຫລີ ປະກາດຜົນສຳເລັດ ທົດລອງນິວເຄຼຍຄັ້ງທີ 6

- 8867614 3x2 700x467 - ສປປ ເກົາຫລີ ປະກາດຜົນສຳເລັດ ທົດລອງນິວເຄຼຍຄັ້ງທີ 6

- lattana 1 - ສປປ ເກົາຫລີ ປະກາດຜົນສຳເລັດ ທົດລອງນິວເຄຼຍຄັ້ງທີ 6

ສປປ ​ເກົາຫລີ ປະກາດ​ວ່າ: ການ​ທົດ​ລອງ​ລະ​ເບີດ​ນິວ​ເຄຼຍຄັ້ງທີ 6 ປະສົບ​ຜົນສຳ​ເລັດ​ຢ່າງ​ຈົບງາມ ​ໂດຍ​ຈະ​ເປັນ​ການ​ພັດທະນາ​ສູ່​ການ​ນຳ​ໄປ​ຕິດຕັ້ງກັບ​ຫົວ​ຮົບ​ລູກ​ສອນ​ໄຟ​ຂ້າມ​ທະວີບ​ຕໍ່​ໄປ.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫລວງ​ເຊ​ອຸນ ປະ​ເທດ ສ.​ເກົາຫລີ ​ໃນ​ວັນ​ທີ 3 ກັນຍາ​ວ່າ: ສຳນັກ​ຂ່າວ​ກາງ​ເກົາຫລີ​ (KCNA) ກະບອກ​ສຽງ​ຂອງ​ລັດຖະບານ​ພຽງ​ຢາງ ປະກາດ​ຜົນສຳ​ເລັດ​ໃນ​ການ​ທົດ​ລອງ​ລະ​ເບີດ​ນິວ​ເຄຼຍຄັ້ງທີ 6 ​ເຊິ່ງມີ​ຂຶ້ນ​ໃນ​ວັນ​ທີ 3 ກັນຍາ​ນີ້ ​ແລະ ​ເປັນ​ອາວຸດ​ເທີ​ໂມ​ນິວ​ເຄຼຍ ຫລື ລະ​ເບີດ​ໄຮ​ໂດຣ​ເຈນ ທີ່​ສາມາດ​ນຳ​ໄປ​ປະກອບ​ເຂົ້າກັບ​ຫົວ​ຮົບ​ຂອງ​ລູກ​ສອນ​ໄຟ​ຂ້າມ​ທະວີບ (ICBM) ​ໃນ​ອະນາຄົດ​ອັນ​ໃກ້​ນີ້. ຖື​ເປັນ​ການ​ພັດທະນາ​ຄັ້ງສຳຄັນ​ໃນ​ໂຄງການ​ພັດທະນາ​ດ້ານ​ອາວຸດ​ຂອງ​ລັດຖະບານ​ພຽງ​ຢາງ.

- 97648920 4034f8bf bf37 459d 867a b24db4370b4b - ສປປ ເກົາຫລີ ປະກາດຜົນສຳເລັດ ທົດລອງນິວເຄຼຍຄັ້ງທີ 6

ລາຍ​ງານ​ດັ່ງກ່າວ​ຂອງ KCNA ​ໄດ້​ຮັບ​ການ​ເຜີຍ​ແຜ່ ຫລັງ​ສຳນັກງານ​ສຳ​ຫລວດ​ທໍລະນີວິທະຍາ​ອາ​ເມ​ລິ​ກາ (USGS) ກວດ​ພົບ​ການ​ເກີດ​ແຜ່ນດິນ​ໄຫວ​ຮຸນ​ແຮງ 6,3 ​ແມ​ກນິຈູດ ​ເມື່ອ​ເວລາ 12:36 ​ໂມງ ຕາ​ມ​ເວລາ​ທ້ອງ​ຖິ່ນ ຢູ່​​ແຫລມ​ເກົາຫລີ (10:36 ​ໂມງ ຕາມ​ເວລາ​ປະ​ເທດ​ລາວ) ​ຢູ່​ແຂວງ​ຮຳ​ຍອງ​ເໜືອ ຢູ່​ທາງ​ເໜືອ​ຂອງ ສປປ ​ເກົາຫລີ ບໍ່​ຫ່າງ​ຈາກ​ນິຄົມ​ນິວ​ເຄຼຍປຸງ​ເຍ-ຮີ ​ໂດຍ​ແຮງ​ສັ່ນ​ສະ​ເທືອ​ນດັ່ງກ່າວ​ບໍ່​ແມ່ນ​ແຜ່ນດິນ​ໄຫວ​ຕາມ​ທຳ​ມະ​ຊາດ ​ແລະ ມີ​ຄວາມ​ຮຸນ​ແຮງ​ກວ່າ​ການ​ທົດ​ລອງ​ລະ​ເບີດ​ນິວ​ເຄຼຍຄັ້ງທີ 5 ຂອງ​ລັດຖະບານ​ພຽງ​ຢາງ ທີ່​ເກີດ​ຂຶ້ນ​ໃນ​ເດືອນ​ກັນຍາ​ປີຜ່ານມາ ປະມານ 9,8 ​ເທົ່າ ຕາມ​ການ​ຕີ​ລາຄາ​ຂອງ ສ.​ເກົາຫລີ ​ເຊິ່ງນ້ຳໜັກ​ຂອງລະ​ເບີດ​ນິວ​ເຄຼຍ​ໃນ​ຄັ້ງນັ້ນ​ແມ່ນ 100 ກິ​ໂລ​ໂຕນ.

- d6ihdbh2 - ສປປ ເກົາຫລີ ປະກາດຜົນສຳເລັດ ທົດລອງນິວເຄຼຍຄັ້ງທີ 6

ຫລັງ​ເກີດ​ເຫດ​ປະທານາທິບໍດີ ມຸນ ​ແຈ​ອິນ ຮຽກ​ປະຊຸມ​ສຸກ​ເສີນ​ໜ່ວຍ​ງານ​ດ້ານ​ຄວາມ​ໝັ້ນຄົງ​ທັງ​ໝົດ, ຂະນະ​ທີ່​ນາຍົກລັດຖະມົນຕີ ຊິນ​ໂຊ ອາ​ເບະ ຂອງ​ຍີ່ປຸ່ນ ກ່າວ​ປະນາມ​ຢ່າງ​ໜັກ ​ເນື່ອງ​ຈາກ​ເກີດ​ຂຶ້ນພຽງ 1 ອາທິດ ຫລັງ​ລູກ​ສອນ​ໄຟ​ໄລຍະ​ກາງ (IRBC) ຜ່ານ​ນ່ານຟ້າ​ເໜືອ​ເກາະ​ຮອກ​ໄກ​ໂດ ທາງ​ຕອນ​ເໜືອ​ຂອງ​ປະ​ເທດ, ສ່ວນ​ອາ​ເມ​ລິ​ກາ ​ແລະ ຈີນ​ຍັງ​ບໍ່​ສະ​ແດງ​ທ່າ​ທີ​ຢ່າງ​ຈະ​ແຈ້ງ​ຕໍ່ການ​ທົດ​ລອງ​ລະ​ເບີດ​ນິວ​ເຄຼຍຄັ້ງທີ 6 ຂອງ ສປປ ​ເກົາຫລີ ​ແລະ ​ເປັນຄັ້ງທີ 2 ທີ່​ມີ​ການ​ອ້າງ​ເປັນ​ລະ​ເບີດ​ໄຮ​ໂດ​ຣ​ເຈນ ​ໂດຍ​ຄັ້ງທຳ​ອິດ​ເກີດ​ຂຶ້ນ​ໃນ​ການ​ທົດ​ລອງ​ລະ​ເບີດນິວ​ເຄຼຍຄັ້ງທີ 4 ​ໃນ​ເດືອນ​ມັງກອນ​ປີຜ່ານມາ.

- dao e1499999169791 - ສປປ ເກົາຫລີ ປະກາດຜົນສຳເລັດ ທົດລອງນິວເຄຼຍຄັ້ງທີ 6