ສານສູງສຸດອາເມລິກາເຫັນພ້ອມຄຳສັ່ງ ຫ້າມຄົນເຂົ້າເມືອງຂອງທ່ານ ທຣຳ ແລ້ວ

- WhatsApp Image 2017 07 12 at 9 - ສານສູງສຸດອາເມລິກາເຫັນພ້ອມຄຳສັ່ງ ຫ້າມຄົນເຂົ້າເມືອງຂອງທ່ານ ທຣຳ ແລ້ວ

ສານ​ສູງ​ສຸດ​ອາ​ເມ​ລິ​ກາ​ເຫັນ​ພ້ອມ​ຄຳ​ສັ່ງ​ຫ້າມ​ຄົນ​ເຂົ້າ​ເມືອງ​ແບບ​ຄວບ​ຄຸມ​ຂອງ​ປະທານາທິບໍດີ ​ໂດ​ນັນ ທຣຳ ​ແລ້ວ.

- lattana 1 - ສານສູງສຸດອາເມລິກາເຫັນພ້ອມຄຳສັ່ງ ຫ້າມຄົນເຂົ້າເມືອງຂອງທ່ານ ທຣຳ ແລ້ວ

ສານ​ສູງ​ສຸດ​ເຫັນ​ພ້ອມ​ຕາມ​ຄຳ​ຮ້ອງ​ຂອງ​ລັດຖະບານ​ທີ່​ຂໍ​ໃຫ້​ຢັບຢັ້ງຄຳ​ຕັດສິນ​ຂອງ​ສານ​ອຸທອນ​​ໃນ​ອາທິດ​ກ່ອນ​ທີ່​ອະນຸຍາດ​ໃຫ້​ຜູ້​ລີ້​ໄພ​ອີກ 24.000 ຄົນ​ເຂົ້າອາ​ເມ​ລິ​ກາ​ໄດ້​ຫາກ​ມີ​ໜັງສື​ຢ່າ​ງ​ເປັນ​ທາງ​ການ​ຈາກ​ສຳນັກງານ​ຫາ​ທີ່​ຕັ້ງຖິ່ນ​ຖານ, ສ່ວນ​ຄຳ​ຕັດສິນ​ສ່ວນ​ທີ່​ອະນຸຍາດ​ໃຫ້​ພີ່ນ້ອງ​ໃກ້ຊິດ​ຂອງ​ຜູ້​ພັກ​ອາ​ໄສ​ຢູ່​ອາ​ເມ​ລິ​ກາ​ຢ່າງ​ຖືກຕ້ອງ​ຕາມ​ກົດໝາຍ​ສາມາດ​ເດີນທາງ​ເຂົ້າອາ​ເມ​ລິ​ກາ​ໄດ້​ນັ້ນ ລັດຖະບານ​ບໍ່​ໄດ້​ຍື່ນ​ຄັດຄ້ານ.

ຄຳ​ຕັດສິນ​ຂອງ​ສານ​ສູງ​ສຸດ​ຖື​ເປັນ​ໄຊຊະນະ​ບາງ​ສ່ວນ​ຂອງ​ທ່ານ ທຣຳ ກ່ອນ​ທີ່​ສານ​ອຸທອນ​ຈະ​ສືບສວນ​ໃນ​ເດືອນ​ຕຸລາ​ວ່າ: ຄຳ​ສັ່ງ​ຂອງ​ທ່ານ ທຣຳ ​ໃນ​ວັນ​ທີ 6 ມີນາ ທີ່​ຫ້າມ​ຄົນ​ຈາກ​ອີຣານ, ລີ​ບີ, ​ໂຊ​ມາລີ, ຊູ​ດັງ, ຊີຣີ ​ແລະ ​ເຢ​ເມນ​ເຂົ້າອາ​ເມ​ລິ​ກາ​ເປັນ​ເວລາ 90 ວັນ ​ແລະ ຫ້າມ​ຜູ້​ລີ້​ໄພ​ເຂົ້າອາ​ເມ​ລິ​ກາ​ເປັນ​ເວລາ 120 ວັນ ຂັດ​ຕໍ່​ລັດຖະທຳ​ມະນູນ ຫຼື ບໍ່, ພາຍຫລັງ​ສານ​ສູງ​ສຸດ​ມີ​ຄຳ​ຊີ້​ຂາດ​ໃຫ້​ຄຳ​ສັ່ງ​ບັງຄັບ​ໃຊ້​ໄດ້​ບາງ​ສ່ວນ ຈາກ​ທີ່​ສານ​ອຸທອນ​ຫ້າມ​ໃຊ້​ທັງ​ໝົດ ​ເຮັດ​ໃຫ້​ຄຳ​ສັ່ງ​ນີ້​ມີ​ຜົນ​ບັງຄັບ​ໃຊ້​ແຕ່​ເດືອນ​ມິຖຸນາ.

- dao e1499999169791 - ສານສູງສຸດອາເມລິກາເຫັນພ້ອມຄຳສັ່ງ ຫ້າມຄົນເຂົ້າເມືອງຂອງທ່ານ ທຣຳ ແລ້ວ