ສ.ເກົາຫລີ ຊ້ອມຮົບໃຫຍ່ ຫລັງ ສປປ ເກົາຫລີ ທົດລອງນິວເຄຼຍ

- WhatsApp Image 2017 07 12 at 9 - ສ.ເກົາຫລີ ຊ້ອມຮົບໃຫຍ່ ຫລັງ ສປປ ເກົາຫລີ ທົດລອງນິວເຄຼຍ

- 07coxg6p - ສ.ເກົາຫລີ ຊ້ອມຮົບໃຫຍ່ ຫລັງ ສປປ ເກົາຫລີ ທົດລອງນິວເຄຼຍ

- lattana 1 - ສ.ເກົາຫລີ ຊ້ອມຮົບໃຫຍ່ ຫລັງ ສປປ ເກົາຫລີ ທົດລອງນິວເຄຼຍ

ກອງທັບ ສ.​ເກົາຫລີ ​ເຝິກຊ້ອມ​ຮົບ​ຄັ້ງ​ໃຫຍ່ ລວມທັງ​ການ​ທົດ​ລອງ​ປະສິດທິພາບ​ຂອງ​ລະບົບ​ປ້ອງ​ກັນ​ລູກ​ສອນ​ໄຟ ຫລັງ ສປປ ​ເກົາຫລີ ທົດ​ລອງ​ລະ​ເບີດ​ນິວ​ເຄຼຍຄັ້ງທີ 6, ສ່ວນອາ​ເມ​ລິ​ກາ​ຂູ່​ຢຸດ​ການ​ຮ່ວມ​ມື​ການ​ຄ້າ​ກັບປະ​ເທດ​ທີ່​ຍັງ​ມີ​ການ​ພົວພັນ​ທາງ​ເສດຖະກິດ​ກັບ​ລັດຖະບານ​ພຽງ​ຢາງ.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫລວງ​ເຊ​ອຸນ ປະ​ເທດ ສ.​ເກົາຫລີ ​ໃນ​ວັນ​ທີ 4 ກັນຍາ​ວ່າ: ຄະນະ​ເສນາ​ທິການ​ທະຫານ​ຮ່ວມ ສ.​ເກົາຫລີ ອອກ​ຖະ​ແຫລ​ງການ​ວ່າ: ກອງທັບ​ບົກ ​ແລະ ກອງທັບ​ອາກາດ​ປະຕິບັດ​ການ​ເຝິກຊ້ອມ​ຮົບ​ຄັ້ງຍິ່ງ​ໃຫຍ່​ຮ່ວມ​ກັນ​ໃນ​ວັນ​ທີ 4 ກັນຍາ​ນີ້ ຢູ່​ບໍລິ​ເວນ​ທະ​ເລ​ຕາ​ເວັນ​ອອກ ​ໂດຍ​ການ​ເຝິກຊ້ອມ​ລວມທັງ​ການ​ທົດ​ລອງ​ປະສິດທິພາບຂອງ​ລະບົບ​ປ້ອງ​ກັນ​ລູກ​ສອນ​ໄຟ​ຈາກ​ອາກາດ​ສູ່​ພື້ນ ​ແລະ ການ​ທົດ​ລອງ​ປະສິດທິພາບ​ຂອງ​ລູກ​ສອນ​ໄຟ​ໄລຍະ​ກາງ​ຮາ​ຍອນ​ມູ.

- 0gsq46zk - ສ.ເກົາຫລີ ຊ້ອມຮົບໃຫຍ່ ຫລັງ ສປປ ເກົາຫລີ ທົດລອງນິວເຄຼຍ

ການ​ເຄື່ອນ​ໄຫວ​ດັ່ງກ່າວ​ຂອງ​ກອງທັບ ສ.​ເກົາຫລີ ​ເກີດ​ຂຶ້ນພຽງ 1 ວັນ ຫລັງ ສປປ ​ເກົາຫລີ ປະກາດ​ຜົນສຳ​ເລັດ​ໃນ​ການ​ທົດ​ລອງ​ລະ​ເບີດ​ນິວ​ເຄຼຍ​ເປັນຄັ້ງທີ 6 ​ເຊິ່ງ​ເປັນ​ລະ​ເບີດ​ໄຮ​ໂດຣ​ເຈນ​ທີ່​ສາມາດ​ນຳ​ໄປ​ຕິດຕັ້ງ​ເຂົ້າກັບ​ຫົວ​ຮົບ​ຂອງ​ລູກ​ສອນ​ໄຟ​ຂ້າມ​ທະວີບ (ICBM) ​ໃນ​ອະນາຄົດ. ນອກຈາກ​ນີ້ ການ​ທົດ​ລອງ​ລະ​ເບີດ​ນິວ​ເຄຼຍ​ໃນ​ຄັ້ງນີ້​ຍັງ​ຖື​ເປັນຄັ້ງທີ 4 ​ແລ້ວ​ໃນ​ສະ​ໄໝ​ຂອງ​ທ່ານ ກິມ ຈອງ​ອິນ ຜູ້ນຳ​ສູງ​ສຸດ​ຮຸ່ນ​ທີ 3 ຂອງ​ລັດຖະບານ​ພຽງ​ຢາງ ​ໂດຍ​ການ​ທົດ​ລອງ​ລະ​ເບີດ​ນິວ​ເຄຼຍ 3 ຄັ້ງກ່ອນ​ໜ້າ​ນີ້​ເກີດ​ຂຶ້ນ​ໃນ​ເດືອນ​ກຸມພາ 2013, ມັງກອນ 2016 ​ແລະ ​ເດືອນ​ກັນຍາ 2016.

- dao e1499999169791 - ສ.ເກົາຫລີ ຊ້ອມຮົບໃຫຍ່ ຫລັງ ສປປ ເກົາຫລີ ທົດລອງນິວເຄຼຍ