ອິນເດຍວາງສີລາລືກໂຄງການ ລົດໄຟຫົວກະສຸນເສັ້ນທຳອິດ

- WhatsApp Image 2017 07 12 at 9 - ອິນເດຍວາງສີລາລືກໂຄງການ ລົດໄຟຫົວກະສຸນເສັ້ນທຳອິດ

- Abe Modi - ອິນເດຍວາງສີລາລືກໂຄງການ ລົດໄຟຫົວກະສຸນເສັ້ນທຳອິດ

- lattana 1 - ອິນເດຍວາງສີລາລືກໂຄງການ ລົດໄຟຫົວກະສຸນເສັ້ນທຳອິດ

ນາຍົກລັດຖະມົນຕີອິນ​ເດຍ ​ແລະ ນາຍົກລັດຖະມົນຕີຍີ່ປຸ່ນ ຮ່ວມ​ກັນ​ວາງ​ສີ​ລາ​ລືກ​ໂຄງການ​ກໍ່ສ້າງ​ລົດ​ໄຟ​ຫົວ​ກະສຸນ​ເສັ້ນທາງ​ທຳ​ອິດ ​ລະຫວ່າງ​ເມືອງ​ອຳ​ດາ​ບາດ​ກັບ​ເມືອງ​ມຸມ​ໄບ ​ໂດຍ​ງົບປະມານ​ສ່ວນ​ຫຼາຍ​ມາ​ຈາກ​ການ​ສະໜັບສະໜູນ​ຂອງ​ລັດຖະບານ​ໂຕ​ກຽວ.

- modi abe moss 091417112756 - ອິນເດຍວາງສີລາລືກໂຄງການ ລົດໄຟຫົວກະສຸນເສັ້ນທຳອິດ

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ເມືອງ​ອຳ​ດາ​ບາດ ລັດ​ຄຸ​ຊະຣາດ ປະ​ເທດ​ອິນ​ເດຍ ​ໃນ​ວັນ​ທີ 14 ກັນຍາ​ວ່າ: ນາຍົກລັດຖະມົນຕີ ນາ​ເຣນທຣາ ​ໂມ​ດີ ​ແລະ ນາຍົກລັດຖະມົນຕີ ຊິນ​ໂຊ ອາ​ເບະ ​ເປັນ​ປະທານ​ຮ່ວມ​ກັນ​ໃນ​ການວາງ​ສີ​ລາ​ລືກ​ໂຄ​ງການ​ກໍ່ສ້າງ​ລະບົບ​ລົດ​ໄຟ​ຄວາມ​ໄວ​ສູງ​ແບບ​ຫົວ​ກະສຸນ ​ໂດ​ຍ​ເສັ້ນທາງ​ປະຖົມ​ມະ​ລືກ​ເຊື່ອມ​ລະຫວ່າງ​ເມືອງ​ອຳ​ດາ​ບາດ ​ເຊິ່ງ​ເປັນ​ເມືອງ​ໃຫຍ່​ທີ່​ສຸດ​ຂອງ​ລັດ​ຄຸ​ຊະຣາດ ຕັ້ງຢູ່​ທາງ​ຕາ​ເວັນ​ຕົກ​ສຽງ​ເໜືອ​ຂອງ​ປະ​ເທດ ກັບ​ເມືອງ​ມຸມ​ໄບ ​ເຊິ່ງ​ເປັນ​ເມືອງ​ທ່າ​ທີ່​ສຳຄັນ ​ແລະ ​ເປັນ​ເມືອງ​ເອກ​ຂອງ​ລັດ​ມະຫາຣາດຣະ ຕັ້ງຢູ່​ທາງ​ຕາ​ເວັນ​ຕົກ​ຕອນ​ກາງ ​ໂດຍ​ຄິດ​ເປັນ​ໄລຍະ​ທາງ​ປະມານ 500 ກິ​ໂລ​ແມັດ.

- 5dcb08bf788b74a159b471c03a6b2fec - ອິນເດຍວາງສີລາລືກໂຄງການ ລົດໄຟຫົວກະສຸນເສັ້ນທຳອິດ

ສຳລັບ​ໄລຍະ​ເວລາ​ຂອງ​ໂຄງການ​ກໍ່ສ້າງ ຄາດ​ວ່າ​ຈະ​ສຳ​ເລັດ​ພາຍ​ໃນ 5 ປີ ​ໂດຍ​ໃຊ້​ງົບປະມານປະມານ 19.000 ລ້ານ​ໂດ​ລາ​ສະຫະລັດ ​ແລະ ສ່ວນ​ຫຼາຍ​ໄດ້​ຮັບ​ການ​ສະໜັບສະໜູນ​ຜ່ານ​ໂຄງ​ການ​ກູ້​ຢືມ​ດອກ​ເບ້ຍ​ຕໍ່າ​ຂອງ​ລັດຖະບານ​ຍີ່ປຸ່ນ. ຂະນະ​ດຽວ​ກັນ ມີ​ການ​ຕີ​ລາຄາ​ວ່າ: ການ​ໃຊ້​ລະບົບ​ລົດ​ໄຟ​ຄວາມ​ໄວ​ສູງ​ແບບ​ຫົວ​ກະສຸນ​ໃນ​ເສັ້ນທາງ​ນີ້ ຈະ​ຊ່ວຍ​ຫຼຸດຜ່ອນ​ໄລຍະ​ເວລາ​ການ​ເດີນທາງ​ໃຫ້​ໄວ​ຂຶ້ນ​ເຫລືອ 5 ຊົ່ວ​ໂມງ​ຈາກ 8 ຊົ່ວ​ໂມງ.

- dao e1499999169791 - ອິນເດຍວາງສີລາລືກໂຄງການ ລົດໄຟຫົວກະສຸນເສັ້ນທຳອິດ