ຮອງລັດຖະມົນຕີກະຊວງກະສິກຳ ແລະ ປ່າໄມ້ ລົງຊີ້ນຳການຜະລິດກະສິກຳຢູ່ແຂວງບໍລິຄໍາໄຊ

- WhatsApp Image 2017 07 12 at 9 - ຮອງລັດຖະມົນຕີກະຊວງກະສິກຳ ແລະ ປ່າໄມ້ ລົງຊີ້ນຳການຜະລິດກະສິກຳຢູ່ແຂວງບໍລິຄໍາໄຊ

ເມື່ອທ້າຍອາທິດຜ່ານມາ, ທ່ານ ຄຳບຸນນັດ ໄຊຍະນົນ ຮອງລັດຖະມົນຕີກະຊວງກະສິກຳ ແລະ ປ່າໄມ້ ພ້ອມຄະນະ ໄດ້ເດີນທາງໄປຢ້ຽມຢາມ ແລະ ຊຸກຍູ້ການຜະລິດກະສິກຳຢູ່ເມືອງວຽງທອງ ແລະ ເມືອງຄຳເກີດແຂວງບໍລິຄຳໄຊ, ເພື່ອຊຸກຍູ້ສົ່ງເສີມໃຫ້ການຜະລິດກະສິກຳຂະຫຍາຍຕົວ ແລະ ກາຍເປັນສິນຄ້າເທື່ອລະກ້າວ. ໂດຍທ່ານຮອງລັດຖະມົນຕີ ໄດ້ລົງຢ້ຽມຢາມພື້ນທີ່ຈະປູກໄຜ່ກິມຊຸງຂອງໂຄງການເຂື່ອນໄຟຟ້ານ້ຳເທີນ 1, ຢ້ຽມຢາມກິດຈະກໍາການປູກຫຍ້າ ແລະ ລ້ຽງງົວຂອງສູນລ້ຽງສັດໃຫຍ່ວັງຫີນເມືອງວຽງທອງ. ນອກຈາກນີ້, ຍັງໄດ້ເດີນທາງໄປຢ້ຽມຢາມພື້ນທີ່ການຜະລິດກະສິກຳຢູ່ເມືອງຄຳເກີດ ເປັນຕົ້ນ: ການປູກຜັກໃນເຮືອນຮົ່ມ ແລະ ພື້ນທີ່ປູກໝາກກ້ຽງໃຫຍ່ຂອງປະຊາຊົນທີ່ຖືກຜົນກະທົບຈາກໂຄງການເຂື່ອນໄຟຟ້ານ້ຳເທີນ 1, ພື້ນທີ່ປູກເຂົ້ານາປີໂດຍໃຊ້ລະບົບຊົນລະປະທານແບບຝົນຝອຍທີ່ບ້ານທົ່ງແສນທະມາດ, ສວນປູກໝາກກ້ວຍ, ໄຜ່ກິມຊຸງ, ໝາກເມັກຄາດີເມ້ຍ ແລະ ພື້ນທີ່ປູກຊາຂອງບໍລິສັດຄຳເກີດແສນອຸດົມ. ໃນໂອກາດດັ່ງກ່າວ, ກໍໄດ້ລົງຢ້ຽມຢາມໂຄງການພັດທະນາສວນດອກໄມ້, ສວນປູກໝາກນາວຂອງກຸ່ມບໍລິສັດພັດທະນາຊົນນະບົດໃໝ່ຂອງກະຊວງປ້ອງກັນປະເທດ, ຢ້ຽມຢາມພື້ນທີ່ການຜະລິດເຂົ້າຂອງປະຊາຊົນບ້ານ ໂພນທອງ ໂດຍນຳໃຊ້ນໍ້າຊົນລະປະທານທົ່ງໜອງແຊງ, ເຊິ່ງສາມາດຫົດພື້ນທີ່ການຜະລິດໄດ້ 90 ກວ່າເຮັກຕາ.

- lattana 1 - ຮອງລັດຖະມົນຕີກະຊວງກະສິກຳ ແລະ ປ່າໄມ້ ລົງຊີ້ນຳການຜະລິດກະສິກຳຢູ່ແຂວງບໍລິຄໍາໄຊ

ພ້ອມນີ້, ທ່ານຮອງລັດຖະມົນຕີ ຍັງເນັ້ນໃຫ້ສືບຕໍ່ເອົາໃສ່ຈັດຕັ້ງປະຕິບັດຕາມແຜນພັດທະນາຂອງຂະແໜງກະສິກຳ ແລະ ປ່າໄມ້ຕາມ 3 ເສົາຄໍ້າ ແລະ 4 ແຜນງານທີ່ກະຊວງວາງອອກໃຫ້ສໍາເລັດຜົນ.

- dao e1499999169791 - ຮອງລັດຖະມົນຕີກະຊວງກະສິກຳ ແລະ ປ່າໄມ້ ລົງຊີ້ນຳການຜະລິດກະສິກຳຢູ່ແຂວງບໍລິຄໍາໄຊ