ຮູ້ບໍ່ວ່າ ມື້ໜຶ່ງມີຄົນລາວເຮົາໄປ ຝາກທ້ອງ ແລະ ເກີດລູກຢູ່ໂຮງໝໍ ປະເທດໃກ້ຄຽງຫຼາຍປານໃດ

- WhatsApp Image 2017 07 12 at 9 - ຮູ້ບໍ່ວ່າ ມື້ໜຶ່ງມີຄົນລາວເຮົາໄປ ຝາກທ້ອງ ແລະ ເກີດລູກຢູ່ໂຮງໝໍ ປະເທດໃກ້ຄຽງຫຼາຍປານໃດ

ໂດຍ: ທ່ຽງ​ທຳ

- lattana 1 - ຮູ້ບໍ່ວ່າ ມື້ໜຶ່ງມີຄົນລາວເຮົາໄປ ຝາກທ້ອງ ແລະ ເກີດລູກຢູ່ໂຮງໝໍ ປະເທດໃກ້ຄຽງຫຼາຍປານໃດ

​ເພື່ອນ​ຜູ້​ອ່ານ​ທີ່​ຮັກ​ແພງ, ພວກ​ເຮົາ​ຮູ້​ບໍ່​ວ່າ ​ແຕ່​ລະມື້ມີ​ຄົນ​ລາວ​ເຮົາ​ໄປ​ຝາກ​ທ້ອງ ​ແລະ ​ເກີດ​ລູກ​ຢູ່​ໂຮງ​ໝໍ​ຕ່າງໆ​ຂອງ​ປະ​ເທ​ດ​ໃກ້​ຄຽງ​ເຮົາ​ນີ້​ມີ​ໜ້ອຍ​ຫຼາຍ​ປານ​ໃດ ? ​ແລະ ສິ່ງ​ນີ້​ດີ ຫຼື ບໍ່​ດີ ? ຖ້າ​ເວົ້າ​ເຖິງ​ຕົວ​ເລກ​ລະອຽດ​ກໍ​ອາດ​ຈະ​ບໍ່​ຊັດ​ເຈນ​ປານ​ໃດ ​ເພາະ​ຍັງ​ບໍ່​ທັນ​ມີ​ໃຜ ຫຼື ພາກສ່ວນ​ໃດ​ໄດ້​ສຳ​ຫຼວດ​ເຖິງ​ຕົວ​ເລກ​ດັ່ງກ່າວ, ​ແຕ່​ເມື່ອ​ສັງ​ເກດ​ເບິ່ງ​ປາກົດການ​ຕົວ​ຈິງ​ແລ້ວ ອາດ​ແມ່ນ​ມີ​ຫຼາຍ ​ແລະ ສິ່ງ​ນີ້​ກໍ​ບໍ່​ໝາຍ​ຄວາມ​ວ່າ​ມັນ​ບໍ່​ດີ, ​ແຕ່​ຈຸດ​ເຮົາ​ຢາກ​ເວົ້າວ່າ​ມັນ​ຍ້ອນ​ຫຍັງ​ຈຶ່ງ​ມີ​ສະພາບ​ນີ້. ຜູ້​ໄດ້​ໄປ​ຝາກ​ທ້ອງ ​ແລະ ​ເກີດ​ລູກ​ຢູ່​ປະ​ເທດ​ໃກ້​ຄຽງ​ເຮົາ​ຫຼາຍ​ຄົນ​ໃຫ້​ທັດສະນະ​ວ່າ: ຈຸດ​ສຳຄັນ​ແມ່ນ​ມີ​ຄວາມ​ໄວ້​ເນື້ອ​ເຊື່ອ​ໃຈ ​ແລະ ໝັ້ນ​ໃຈ​ຕໍ່​ການ​ບໍລິການ​ຂ​ອງ​ແພດ​ໝໍ​ເຂົາ​ເຈົ້າ, ສ່ວນ​ເລື່ອງ​ຄວາມ​ອາດ​ສາມາດ​ກໍ​ອາດ​ຈະ​ແມ່ນ​ຢູ່​ລະຫວ່າງ​ໄຂ່​ເປັດ​ໄຂ່​ໄກ່. ດັ່ງນັ້ນ ຖ້າ​ການ​ບໍລິການ​ຂອງ​ແພດ​ໝໍ​ເຮົາ​ມີ​ຄຸນ​ນະພາ​ບດີ​ຂຶ້ນ,​ ​ໂຮງໝໍ​ມີ​ຄວາມ​ສະອາດ​ພຽງພໍ ​ແລະ ມີ​ປັດ​ໄຈ​ດຶງ​ດູດ​ຕ່າງໆ ທາງ​ເລືອກ​ທີ່​ດີ​ສຸດ​ກໍ​ອາດ​ຈະ​ແມ່ນ​ໂຮງໝໍ​ຢູ່​ປະ​ເທດ​ເຮົາ ​ເພາະ​ມັນ​ຈະ​ແທດ​ເໝາະ​ກັບ​ຄວາມ​ອາດ​ສາມາດ​ໃນ​ດ້ານ​ລາຍ​ຮັບ, ລາຍ​ຈ່າຍ​ຂອງ​ປະຊາຊົນ​ເຮົາ​ຫຼາຍ​ກວ່າ, ​ແຕ່​ເຮັດ​ແນວ​ໃດ ​ແພດ​ໝໍ​ເຮົາ​ຈຶ່ງ​ຈະ​ໄດ້​ຮັບ​ຄວາມ​ໄວ້​ເນື້ອ​ເຊື່ອ​ໃຈ​ດັ່ງກ່າວ, ສິ່ງ​ນີ້​ເຖິງ​ຈະ​ໃຊ້​ເວລາ​ຍາວ​ນານ​ໃນ​ການ​ປັບປຸງ​ປົວ​ແປງ, ​ແຕ່​ຂະ​ແໜງ​ການ​ກ່ຽວຂ້ອງ​ກໍ​ຈະ​ຕ້ອງ​ໄດ້​ຕັ້ງ​ເປັນ​ບັນຫາ​ຮີບ​ດ່ວນ ​ເພື່ອ​ຈະ​ສ້າງ​ຕົນ​ເອງ​ໃຫ້​ເປັນ​ທີ່​ເພິ່ງ​ຂອງ​ປະຊາຊົນ​ຢ່າງ​ແທ້​ຈິງ.

- dao e1499999169791 - ຮູ້ບໍ່ວ່າ ມື້ໜຶ່ງມີຄົນລາວເຮົາໄປ ຝາກທ້ອງ ແລະ ເກີດລູກຢູ່ໂຮງໝໍ ປະເທດໃກ້ຄຽງຫຼາຍປານໃດ