ເຕັກໂນໂລຊີເສັ້ນ​ໄຍຜ້າລະດັບນາໂນ ສ້າງພະລັງງານໄຟຟ້າໃຫ້ກັບອຸປະກອນແບບໃຫມ່ທີ່ໄຮ້ແບັດເຕີຮີ

- WhatsApp Image 2017 07 12 at 9 - ເຕັກໂນໂລຊີເສັ້ນ​ໄຍຜ້າລະດັບນາໂນ ສ້າງພະລັງງານໄຟຟ້າໃຫ້ກັບອຸປະກອນແບບໃຫມ່ທີ່ໄຮ້ແບັດເຕີຮີ

ຖ້າມີອຸປະກອນບາງຢ່າງທີ່ສາມາດປ່ຽນພະລັງງານທີ່ເກີດຂຶ້ນໃນລະຫວ່າງທີ່ເຮົາກໍາລັງແລ່ນ ມາສ້າງເປັນພະລັງງານໄຟຟ້າໃຫ້ກັບເຄື່ອງຫຼິ້ນເພງ ຫຼື ອຸປະກອນ Fitness tracker ແບບໄຮ້ແບັດເຕີຣີ.

- lattana 1 - ເຕັກໂນໂລຊີເສັ້ນ​ໄຍຜ້າລະດັບນາໂນ ສ້າງພະລັງງານໄຟຟ້າໃຫ້ກັບອຸປະກອນແບບໃຫມ່ທີ່ໄຮ້ແບັດເຕີຮີ

ທ່ານ Ray Baughman ໜຶ່ງໃນທີມງານວິໄຈຈາກ University of Texas ໃຫ້ສໍາພາດວ່າ: “ຄວາມພະຍາຍາມຄັ້ງທໍາອິດຂອງທ່ານ ຕ້ອງຢ້ອນກັບໄປໃນປີ 1980 ໂດຍການໃຊ້ເສັ້ນ​ໄຍພໍລິເມີຣ໌ສັງເຄາະ ເພື່ອສ້າງກ້າມຊີ້ນ Artificial muscle ທີ່ສາມາດຜະລິດພະລັງງານໄຟຟ້າໄດ້ຈາກປະຕິກິລິຍາໄຟຟ້າເຄມີ. ເຮົາຮຽນຮູ້ວ່າ: ສາມາດໃຊ້ພະລັງງານໄຟຟ້າໄປຂັບເຄື່ອນກັບກ້າມຊີ້ນປະດິດ ເພື່ອສ້າງພະລັງງານກົດຂຶ້ນມາໄດ້ ແລະ ມັນຈະເປັນໄປໄດ້ບໍ່ ຖ້າເຮົາເຮັດສິ່ງນີ້ແບບຢ້ອນກັບໃນຮູບແບບການໃຊ້ພະລັງງານກົດ ເພື່ອສ້າງ ແລະ ເກັບພະລັງງານໄຟຟ້າ ແລະ ອີກຫຼາຍປີຫຼັງຈາກນັ້ນ ຂ້ອຍກໍລົ້ມເຫຼວໃນການພະຍາຍາມເຮັດສິ່ງນີ້ ແຕ່ໃນເວລາປັດຈຸບັນ ສິ່ງນີ້ໄດ້ປ່ຽນແປງໄປແລ້ວ”.

ເສັ້ນ​ໄຍຜ້າແບບພິເສດທີ່ທີມນັກວິໄຈສ້າງຂຶ້ນ ສາມາດບິດໄດ້ໃນຮູບແບບດຽວກັບຂົດລວດ ເຮັດໃຫ້ເສັ້ນດ້າຍສາມາດສ້າງພະລັງງານໄຟຟ້າໃຫ້ດອກໄຟ LED ຂະໜາດນ້ອຍສະຫວ່າງໄດ້ ແລະ ຜ້າທີ່ມີນໍ້າໜັກພຽງ 1 ກຣາມ ສາມາດສ້າງພະລັງງານໄຟຟ້າໄດ້ເຖິງ 250 ວັດ ຫາກຜ້ານີ້ຖືກຍືດ​ໃນຄວາມຖີ່ 30 ຄັ້ງຕໍ່ວິນາທີ.

ແຕ່ສິ່ງທີ່ຍັງຄົງເປັນບັນຫາຄື ທໍນາໂນກາກບອນ (Carbon nanotubes) ທີ່ເປັນວັດຖຸດິບຫຼັກຂອງເຕັກໂນໂລຊີນີ້ຍັງມີລາຄາແພງ ແ​ລະ ຍັງບໍ່ສາມາດຜະລິດໄດ້ເປັນຈໍານວນຫຼາຍ ເປັນຂໍ້ຈໍາກັດໃຫ້ຍັງບໍ່ສາມາດນໍາເຕັກໂນໂລຊີນີ້ໄປໃຊ້ກັບງານທີ່ຕ້ອງການເສັ້ນ​ໄຍຜ້າແບບພິເສດນີ້ໃນປະລິມານຫຼາຍ. ຕົວຢ່າງ: ໃນເວລານີ້ເຮົາສາມາດນໍາເສັ້ນດ້າຍແບບພິເສດໄປສອດແຊກໃນເນື້ອຜ້າປົກກະຕິ ເພື່ອໃຊ້ເປັນອຸປະກອນກວດຈັບການເຄື່ອນໄຫວແບບບໍ່ຕ້ອງໃຊ້ແບັດ.

ແລະ ການໃຊ້ເສັ້ນ​ໄຍຜ້າພິເສດນີ້ໃນປະລິມານຫຼາຍ ຈະເຮັດໃຫ້ຄົນສາມາດເກັບພະລັງງານໄຟຟ້າທີ່ເກີດຈາກການເຄື່ອນໄຫວຮ່າງກາຍ ແລະ ສິ່ງທີ່ຈະເກີດຂຶ້ນໃນອະນາຄົດນັ້ນໜ້າຕື່ນເຕັ້ນກວ່າ ມັນຄືຄວາມຝັນທີ່ເຮົາຈະສ້າງອຸປະກອນລາຄາຖືກ ທີ່ສາມາດສ້າງພະລັງງານໄຟຟ້າຈາກການເຄື່ອນໄຫວຂອງກະແສຄື້ນໃນທະເລ.

ແລະ ມີຄວາມເປັນໄປໄດ້ສູງ ທີ່ເຕັກໂນໂລຊີເສັ້ນ​ໄຍຜ້າແບບພິເສດນີ້ ຈະເປັນແຫຼ່ງພະລັງງານໃຫ້ກັບອຸປະກອນອັດສະລິຍະທີ່ສາມດໃສ່ໄດ້ (Wearables devices) ແລະ ນີ້ເປັນພຽງຈຸດເລີ່ມຕົ້ນຂອງສິ່ງທີ່ໜ້າຕື່ນເຕັ້ນ ແລະ ຜົນງານການວິໄຈຄັ້ງນີ້ຖືກຕີພິມລົງໃນວາລະສານ Science.

- dao e1499999169791 - ເຕັກໂນໂລຊີເສັ້ນ​ໄຍຜ້າລະດັບນາໂນ ສ້າງພະລັງງານໄຟຟ້າໃຫ້ກັບອຸປະກອນແບບໃຫມ່ທີ່ໄຮ້ແບັດເຕີຮີ