ເມືອງສັງທອງຮື້ຖອນໂຮງງານເຟີນີເຈີທີ່ຜິດລະບຽບ 3 ແຫ່ງ

- WhatsApp Image 2017 07 12 at 9 - ເມືອງສັງທອງຮື້ຖອນໂຮງງານເຟີນີເຈີທີ່ຜິດລະບຽບ 3 ແຫ່ງ

​ເພື່ອ​ເປັນ​ການຈັດ​ຕັ້ງ​ປະຕິບັດ​ຕາມ​ຄຳ​ສັ່ງ​ເລກທີ 15/ນຍ ວ່າ​ດ້ວຍ​ການ​ເພີ່ມ​ທະວີ​ຄວາມ​ເຂັ້ມ​ງວດ​ໃນ​ການ​ຄຸ້ມ​ຄອງ, ກວດກາ​ການ​ຂຸດ​ຄົ້ນ​ໄມ້ ​ແລະ ທຸລະ​ກິດ​ໄມ້ໃຫ້ຖືກຕ້ອງ, ​ໃນ​ອາທິດ​ຜ່ານ​ມາ​ນີ້, ອຳນາດ​ການ​ປົກຄອງ​ເມືອງ​ສັງ​ທອງ, ​ໄດ້​ສົມທົບ​ກັບ​ຄະນະ​ກຳມະການ​ນະຄອນ​ຫລວງ​ວຽງ​ຈັນ, ​ນຳໂດຍ​ທ່ານ ​ເບີ​ລິນ ​ເພັດ​ຈັນທະ​ຣາດ ຫົວໜ້າ​ພະ​ແນ​ກອຸດສາຫະກຳ ​ແລະ ການ​ຄ້າ​ນະຄອນຫລວງ​ວຽງ​ຈັນ, ມີທ່ານ ຄຳ​ໝູນ ຕຽງ​ທະລາ​ດ ​ເຈົ້າ​ເມືອງ​ສັງ​ທອງ, ພ້ອມ​ດ້ວຍຄະນະ ໄດ້ລົງ​ກວດກາ​ໂຮງງານ​ເຟີ​ນີ​ເຈີ 3 ​ແຫ່ງພາຍ​ໃນ​ເມືອງດັ່ງກ່າວຄື: ​ເຟີ​ນີ​ເຈີ​ນາງ​ນ້ອຍ ​ແລະ ເຟີ​ນີ​ເຈີ​ທ້າວ ອຳ​ຄາ ຕັ້ງ​ຢູ່​ບ້ານ​ເພຍ​ລາດ ​ແລະ ​ເຟີ​ນີ​ເຈີ​ທ້າວ​ແກ້ວຕາ ຕັ້ງ​ຢູ່​ບ້ານ​ຫີນ​ສີ່ວ ​ເມືອງ​ສັງ​ທອງ, ຊຶ່ງ​ເຫັນ​ວ່າ​ໂຮງງານ 3 ​ແຫ່ງ​ນີ້ແມ່ນ​ບໍ່​ຖືກຕ້ອງ​ຕາມ​ລະບຽບ​ກົດໝາຍ, ຈຶ່ງ​ໄດ້​ມີ​ການ​ອາ​ຢັດ​​ເຄື່ອງ​ອຸປະກອນ​ທຳ​ການ​ຜະລິດ​ຕ່າງໆ​ເຊັ່ນ: ​ໂຕະ​ຊອຍ​ໄມ້​ 12 ຊຸດ, ​ໃດ 5 ໜ່ວຍ, ​ແມ່​​ແຮງ​ໜີບ​ໄມ້ 2 ​ເຄື່ອງ, ມໍ​ເຕີ 3 ໜ່ວຍ, ​ໃນ​ນີ້ ມີ​ໄມ້​ຕັບ​ 156 ຕັບ, ​ເທົ່າ​ກັບ 12 ​ແມັດ​ກ້ອນ, ນອກ​ນີ້ ຍັງ​ມີ​ໄມ້​ປະ​ເພດ​ບານ​ປະຕູຈຳນວນໜຶ່ງ ລວມມູນ​ຄ່າ​ 44 ລ້ານ​ກວ່າ​ກີບ. ສ່ວນ​ເຈົ້າ​ຂອງ​ໂຮງງານ​ແມ່ນ​ຈະ​ໄດ້​ມີ​ການ​ປັບ​ໃໝ​ ​ແລະ ຕັກ​ເຕືອນ​ຕາມ​ລະບຽບ​ກົດໝາຍ​ໃນຂັ້ນ​ຕໍ່​ໄປ.

- lattana 1 - ເມືອງສັງທອງຮື້ຖອນໂຮງງານເຟີນີເຈີທີ່ຜິດລະບຽບ 3 ແຫ່ງ

 

- dao e1499999169791 - ເມືອງສັງທອງຮື້ຖອນໂຮງງານເຟີນີເຈີທີ່ຜິດລະບຽບ 3 ແຫ່ງ