ໂບໂກຮາຣາມສັງຫານປະຊາຊົນ 400 ຄົນນັບແຕ່ເດືອນເມສາປີນີ້

- WhatsApp Image 2017 07 12 at 9 - ໂບໂກຮາຣາມສັງຫານປະຊາຊົນ 400 ຄົນນັບແຕ່ເດືອນເມສາປີນີ້

- 2012 Nigeria bokoharam - ໂບໂກຮາຣາມສັງຫານປະຊາຊົນ 400 ຄົນນັບແຕ່ເດືອນເມສາປີນີ້

- lattana 1 - ໂບໂກຮາຣາມສັງຫານປະຊາຊົນ 400 ຄົນນັບແຕ່ເດືອນເມສາປີນີ້

ລາຍ​ງານ​ຂອງ​ອົງການ​ສິດທິ​ມະນຸດ​ແອ​ມ​ເນສຕີ້ ລະບຸ​ວ່າ: ກຸ່ມ​ໂບ​ໂກ​ຮາຣາມສັງຫານ​ປະຊາຊົນ​ໄປ​ແລ້ວ​ເກືອບ 400 ຄົນ ​ໃນ​ກາ​ເມີຣູນ ​ແລະ ນີ​ເຊຣີ ນັບ​ແຕ່​ເດືອນ​ເມສາ​ຜ່ານ​ມາ.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫລວງ​ລາກ​ອດ ປະ​ເທດ​ນີ​ເຊຣີ ​ໃນ​ວັນ​ທີ 5 ກັນຍາ​ວ່າ: ລາຍ​ງານ​ໂດຍ​ອົງການ​ນິລະ​ໂທດ​ສະ​ກຳ​ສາກົນ (​Amnesty) ລາຍ​ງານ​ຈຳນວນ​ພົນລະ​ເຮືອນ ​ເຊິ່ງ​ເສຍ​ຊີວິດ​ຈາກ​ເຫດ​ຮຸນ​ແຮງ​ທີ່​ເປັນ​ຝີ​ມື​ຂອງ​ກຸ່ມ​ກໍ່​ການ​ຮ້າຍ​ໂບ​ໂກ​ຮາຣາມ ຢູ່ກາ​ເມີຣູນ ​ແລະ ນີ​ເຊຣີ ນັບ​ແຕ່​ເດືອນ​ເມສາ​ຜ່ານ​ມາ​ວ່າ: ມີ​ຢ່າງ​ໜ້ອຍ 381 ຄົນ ​ຢູ່​ນີ​ເຊຣີຢ່າງ​ໜ້ອຍ 223 ຄົນ ​ແລະ ກາ​ເມີຣູນ 158 ຄົນ ສ່ວນ​ຫລາຍ​ເປັນ​ການ​ເສຍ​ຊີວິດ​ໃນ​ເຫດ​ລະ​ເບີດ​ຂ້າ​ຕົວ​ຕາຍ​ຕາມ​ສະຖານ​ທີ່​ຊຸມ​ຊົນ ​ເຊິ່ງກຸ່ມ​ໂບ​ໂກ​ຮາຣາມ​ໃຊ້​ຜູ້ຍິງ ​ແລະ ​ເດັກນ້ອຍ​ເຮັດ​ໜ້າ​ທີ່​ຈູດ​ຊະ​ນວນ​ລະ​ເບີດ ​ແລະ ສະ​ເພາະ​ເດືອນ​ສິງຫາ​ຜ່ານ​ມາ ພົບ​ຜູ້​ເສຍ​ຊີວິດ​ຈາກ​ເຫດ​ຮຸນ​ແຮງ​​ໃນ​ສອງ​ປະ​ເທດ​ລວມກັນ​ຢ່າງ​ໜ້ອຍ 100 ຄົນ.

ທັງ​ນີ້, ສະຖິຕິ​ດັ່ງກ່າວ​ເພີ່ມ​ຂຶ້ນຫລາຍ​ກວ່າ 2 ​ເທົ່າ ​ເມື່ອ​ທຽບ​ໃສ່​ໄລຍະ​ເວລາ 5 ​ເດືອນ​ກ່ອນ​ໜ້ານັ້ນ ​ໂດຍ​ໜຶ່ງ​ໃນ​ເຫດການ​ຮຸນ​ແຮງ​ທີ່​ສຸດ​ຄື​ເຫດ​ລະ​ເບີດ​ຂ້າ​ຕົວ​ຕາຍ​ຢູ່​ເມືອງ​ວາ​ຊາ ​ໃນ​ກາ​ເມີຣູນ ວັນ​ທີ 12 ກໍລະກົດຜ່ານ​ມາ ມີ​ລາຍ​ງານ​ຜູ້​ເສຍ​ຊີວິດ​ຢ່າງ​ໜ້ອຍ 16 ຄົນ ​ແລະ ​ໄດ້​ຮັບ​ບາດ​ເຈັບ​ອີກ 34 ຄົນ.

- dao e1499999169791 - ໂບໂກຮາຣາມສັງຫານປະຊາຊົນ 400 ຄົນນັບແຕ່ເດືອນເມສາປີນີ້