5 ຂໍ້ຫ້າມໃນການລ້າງລົດເອງ

- WhatsApp Image 2017 07 12 at 9 - 5 ຂໍ້ຫ້າມໃນການລ້າງລົດເອງ

ມື້ນີ້ພວກເຮົາມີຂໍ້ແນະນຳງ່າຍໆໃນການລ້າງລົດດ້ວຍຕົນເອງມາບອກທ່ານ.

- lattana 1 - 5 ຂໍ້ຫ້າມໃນການລ້າງລົດເອງ
  1. ຢ່າລໍຖ້າໃຫ້ມີຄາບເປິເປື້ອນຈົນໜາແລ້ວຈຶ່ງລ້າງລົດ : ຈຳພວກຊາກແມງໄມ້, ຂີ້ນົກ ແລະ ສານເຄມີຈາກສະພາບແວດລ້ອມ ຈະເຮັດໃຫ້ເກີດຄວາມເປັນກົດ ເຊິ່ງຈະເຮັດໃຫ້ແວັກທີ່ເຄືອບຢູ່ຫລຸດອອກໄປໄດ້ ແລະ ຍິ່ງດົນໄປກໍອາດເຮັດໃຫ້ຊັ້ນສີເສຍຫາຍ ຍິ່ງຖ້າປ່ອຍໄວ້ດົນຫລາຍກໍອາດຕ້ອງເຖິງຂັ້ນຕ້ອງເຮັດສີໃໝ່.

ການລ້າງຈຳພວກຊາກແມງໄມ້, ຂີ້ນົກ ແລະ ໃບໄມ້ແຫ້ງທີ່ຕິດຕາມລົດ ຄວນລ້າງອອກໄປໃຫ້ໄວທີ່ສຸດເທົ່າທີ່ຈະເຮັດໄດ້ເມື່ອພົບເຫັນ ແລະ ການລ້າງລົດນັ້ນຄວນເຮັດເປັນປະຈຳທຸກອາທິດເພື່ອໃຫ້ສີລົດງາມຢູ່ສະເໝີ. ນອກຈາກນັ້ນແລ້ວ ຖ້າລົດຄັນງາມຂອງທ່ານຕ້ອງພົບກັບຂີ້ຝຸ່ນທີ່ມີຄວາມເປັນກົດສູງ ໃຫ້ພະຍາຍາມສີດລ້າງນຳ້ທັນທີຫລັງຝົນເຊົາຕົກ ບໍ່ດັ່ງນັ້ນແລ້ວ ຄ່າຄວາມເປັນກົດຂອງເມັດຝົນທີ່ຈັບຢູ່ ເມື່ອມັນລະເຫີຍອອກໄປເອງແລ້ວ ຈະເຮັດໃຫ້ເກີດຮອຍຕຳໜິແບບຖາວອນໄດ້.

  1. ບໍ່ຄວນໃຊ້ຜະລິດຕະພັນເຮັດຄວາມສະອາດພາຍໃນເຮືອນ ດັ່ງສະບູ, ນຳ້ຢາລ້າງຖ້ວຍ ຫລື ນຳ້ຢາເຊັດແວ່ນລ້າງລົດເດັດຂາດ ເພາະຜະລິດຕະພັນເຫລົ່ານີ້ບໍ່ໄດ້ຖືກເຮັດມາເພື່ອລ້າງສີລົດໂດຍສະເພາະ ເພາະອາດເຮັດໃຫ້ແວັກທີ່ເຄືອບຢູ່ຈາງລົງໄດ້ ໃຫ້ໃຊ້ນຳ້ຢາລ້າງລົດໂດຍສະເພາະ ແລ້ວໃຊ້ຟອງນຳ້ລ້າງລົດໂດຍສະເພາະ ຫລື ຜ້າຈຸ່ມຟອງລ້າງ. ຄວນໃຊ້ຟອງນຳ້ແຍກຕ່າງຫາກອີກອັນໜຶ່ງເພື່ອເອົາໄວ້ລ້າງລໍ້ກັບຢາງລົດໂດຍສະເພາະ ເພາະຢູ່ລໍ້ຈະເຕັມໄປດ້ວຍເສດດິນ, ດິນຊາຍ, ຂີ້ຝຸ່ນຈາກຜ້າ ເບຣກ ແລະ ເສດຝຸ່ນຕ່າງໆ ທຳລາຍສີລົດໄດ້ ເຊິ່ງບ່ອນນີ້ໃຫ້ໃຊ້ສະບູູອ່ອນໆກັບນຳ້ຈະດີກ່ວາ, ແຕ່ຖ້າຍັງບໍ່ອອກໃຫ້ໃຊ້ຜະລິດຕະພັນສຳລັບເຮັດຄວາມສະອາດລໍ້ໂດຍສະເພາະຈະເຫັນຜົນຫລາຍກ່ວາ.
  2. ຢ່າລ້າງລົດຂະນະທີ່ໂຕຖັງຍັງຮ້ອນຢູ່ ເຊັ່ນ : ທັນທີຫລັງຈາກຂັບມາໄກໆ ຫລື ຫລັງຈອດຕາກແດດ ເພາະຄວາມຮ້ອນຈະເຮັດໃຫ້ເກີດຄາບນຳ້ໄດ້ງ່າຍ ເວລາລ້າງກໍລຳບາກນຳອີກ.
  3. ຢ່າໝູນຟອງນຳ້ເປັນວົງມົນຕອນລ້າງ, ແຕ່ຖ້າສັງເກດດີໆຈະເຫັນຮອຍເສັ້ນວົງມົນເປັນຮອຍທີ່ເກີດງ່າຍກັບລົດທຸກຄັນ ໂດຍສະເພາະລົດສີດຳ ໃຫ້ຖູຟອງນຳ້ເປັນແຖວຍາວຂວາງທຸກສ່ວນຂອງລົດ ແລະ ຢ່າໃຊ້ຟອງນຳ້ທີ່ຕົກພື້ນແລ້ວມາລ້າງຕໍ່ເດັດຂາດ ໃຫ້ລ້າງຟອງນຳ້ກ່ອນໃຊ້ຕໍ່ທຸກເທື່ອ ເພາະຟອງນຳ້ທີ່ຕົກພື້ນຈະດູດເອົາເສດຂີ້ດິນຂຶ້ນມານຳ ຈະເຮັດໃຫ້ລົດເປັນຮອຍຂູດຂີດໄດ້.

ສີດນຳ້ໃຫ້ທົ່ວລົດກ່ອນທຸກເທື່ອເພື່ອທີ່ຈະເອົາຄາບເປິເປື້ອນຕ່າງໆອອກໄປກ່ອນ ເພາະມັນຈະເຮັດໃຫ້ເກີດຮອຍຂູດຂີດຕອນລ້າງໄດ້ຄືກັນ ແລະ ເມື່ອເລີ່ມລົງມືລ້າງແລ້ວ ຂໍໃຫ້ລ້າງແລ້ວເປັນສ່ວນໆໄປ ຄື : ຖູນຳ້ຢາແລ້ວບ່ອນໃດກໍໃຫ້ລ້າງນຳ້ອອກເລີຍ ຈະໄດ້ບໍ່ຕ້ອງເປັນຫ່ວງວ່າຟອງນຳ້ຢາຈະແຫ້ງໄປກ່ອນ ຈາກນັ້ນຈຶ່ງຄ່ອຍຍ້າຍໄປພາກສ່ວນອື່ນຕໍ່ ເຮັດແບບນີ້ຈົນທົ່ວຄັນ.

  1. ຢ່າປ່ອຍໃຫ້ລົດແຫ້ງເອງ ຫລື ຂັບອອກໄປເພື່ອໄລ່ນຳ້ອອກ ຈະເຮັດໃຫ້ເກີດຄາບເປັນວົງຕິດລົດໄດ້ ແລະ ກໍຢ່າໃຊ້ຜ້າແຂງໆ ຫລື ອັນອື່ນທີ່ອາດເຮັດໃຫ້ເກີດຮອຍຂູດຂີດຂົນແມວ ໃຫ້ໃຊ້ຜ້າຊາມົວ (ທຳມະຊາດ ຫລື ສັງເຄາະກໍໄດ້) ຫລື ຜ້າຂົນໜູອ່ອນໆເຊັດເອົາ ຖ້າທ່ານໃຊ້ຜ້າຂົນໜູ ກໍອາດຈະຕ້ອງອອກແຮງຫລາຍໆຮອບແດ່ ການເຊັດໃຫ້ເຊັດຂຶ້ນມາແທນການຮຸກຖູດັ່ງທີ່ລຶ້ງເຄີຍກັນ.
- dao e1499999169791 - 5 ຂໍ້ຫ້າມໃນການລ້າງລົດເອງ