9 ສັນຍານບອກວ່າວຽກທີ່ທ່ານເຮັດຢູ່ເໝາະສົມກັບທ່ານທີ່ສຸດແລ້ວ

- WhatsApp Image 2017 07 12 at 9 -  9 ສັນຍານບອກວ່າວຽກທີ່ທ່ານເຮັດຢູ່ເໝາະສົມກັບທ່ານທີ່ສຸດແລ້ວ

ສຳນັກຂ່າວ CNN ເຄີຍນຳສະເໜີກ່ຽວກັບຄ່າສະເລ່ຍຂອງຄົນອາເມລິກາວ່າເສຍເວລາໄປກັບການເຮັດວຽກເຖິງອາທິດລະ 47 ຊົ່ວໂມງ ຖ້າເຮົາຕ້ອງໃຊ້ເວລາທຸ້ມເທໄປກັບການເຮັດວຽກຫລາຍປານນີ້ ວຽກທີ່ເຮັດກໍຄວນຈະເປັນວຽກທີ່ເໝາະສົມກັບເຮົານຳແມ່ນບໍ່ ?

- lattana 1 -  9 ສັນຍານບອກວ່າວຽກທີ່ທ່ານເຮັດຢູ່ເໝາະສົມກັບທ່ານທີ່ສຸດແລ້ວ

ການເສຍເວລາໄປກັບສິ່ງທີ່ບໍ່ແມ່ນໂຕຕົນຂອງທ່ານຍ່ອມບໍ່ແມ່ນເລື່ອງທີ່ດີແນ່ນອນ ແລະ ມັນບໍ່ແມ່ນເລື່ອງທີ່ດີແນ່ນອນ ແລະ ມັນບໍ່ແມ່ນເລື່ອງງ່າຍທີ່ຈະຮູ້ວ່າສິ່ງທີ່ທ່ານເຮັດຢູ່ນັ້ນແມ່ນໂຕຕົນ ຫລື ເໝາະສົມກັບທ່ານຫລືບໍ່ ໂດຍສະເພາະເມື່ອທ່ານຍັງເປັນບ່າວສາວ ຍັງດ້ອຍປະສົບການ ໃຫ້ທ່ານລອງອ່ານຂໍ້ສັງເກດເຫລົ່ານີ້ເບິ່ງ ມັນຈະຊ່ວຍເປັນສັນຍານບົ່ງບອກວ່າວຽກທີ່ທ່ານເຮັດຢູ່ເໝາະສົມກັບທ່ານແທ້ໆຫລືບໍ່ ?

ເວລາໃນການເຮັດວຽກຜ່ານໄປໄວຫລາຍ : ທ່ານຈະຕົກໃຈທຸກເທື່ອທີ່ແນມໄປເບິ່ງໂມງ ເວລາມັກຈະຜ່ານໄປໄວຫລາຍ ບໍ່ແມ່ນວ່າເວລາຂອງທ່ານກຳລັງຈະໝົດ, ແຕ່ເປັນຍ້ອນທ່ານໄດ້ເຮັດຫລາຍໆຢ່າງສຳເລັດໄປແລ້ວ ເຊິ່ງເຮັດໃຫ້ແຕ່ລະມື້ຂອງທ່ານຜ່ານໄປໄວຫລາຍ ມັນເປັນສັນຍານບົ່ງບອກວ່າທ່ານເໝາະສົມກັບວຽກຂອງທ່ານແທ້ໆ ດັ່ງຄຳເວົ້າທີ່ວ່າ ເວລາມັກຈະຜ່ານໄປໄວແທ້ໆ ເວລາທີ່ເຮົາມີຄວາມສຸກ.

ທ່ານກ້າທີ່ຈະສ່ຽງ ແລະ ທ້າທາຍໂຕເອງ : ໄດ້ເຮັດວຽກຢູ່ໃນອົງກອນທີ່ບໍ່ຕຳໜິເລື່ອງເລັກໆນ້ອຍໆ ເຊິ່ງມັນກໍມີສ່ວນຊ່ວຍໃຫ້ພະນັກງານໄດ້ລອງຜິດລອງຖືກ ແລະ ຮູ້ຂີດຈຳກັນຂອງໂຕເອງ ແນ່ນອນວ່າມັນອາດຈະຟັງເບິ່ງສ່ຽງໄປແດ່ໃນບາງເທື່ອ, ແຕ່ມັນກໍເປັນສັນຍານທີ່ດີທີ່ບົ່ງບອກໄດ້ວ່າທ່ານກຳລັງຢູ່ໃນສິ່ງແວດລ້ອມຂອງການເຮັດວຽກທີ່ດີ. ນອກຈາກນັ້ນ, ການໄດ້ລອງສິ່ງໃໝ່ໆຍັງເຮັດໃຫ້ທ່ານພາໂຕເອງກ້າວອອກຈາກ Comfort zone ຫລື ພື້ນທີ່ສຸກສະບາຍໄດ້ນຳອີກ.

ກາເຟເກືອບບໍ່ຈຳເປັນສຳລັບທ່ານ : ທ່ານອາດຈະມັກແວ່ຊື້ກາເຟຈັກຈອກລະຫ່ວາງທາງມາເຮັດວຽກ, ແຕ່ທ່ານກໍບໍ່ໄດ້ຕ້ອງການມັນເພື່ອປຸກໃຫ້ທ່ານຕື່ນໂຕ ເພາະພະລັງງານທັງໝົດໃນໂຕທ່ານຈະໄດ້ມາຈາກຄວາມຕື່ນເຕັ້ນທີ່ຈະໄດ້ເຮັດວຽກສຸດຮັກໃນມື້ນັ້ນຫລາຍກ່ວາ.

ຫົວໜ້າຄອຍຊຸກຍູ້ທ່ານ : ທ່ານອາດຈະຄິດວ່າ ການມີຫົວໜ້າທີ່ໃຈດີເປັນສັນຍານບອກວ່າທ່ານກຳລັງໄດ້ວຽກທີ່ດີ ນັ້ນບໍ່ແມ່ນເລື່ອງແທ້ສະເໝີໄປ ຫົວໜ້າທີ່ໃຈດີ ຈະຊ່ວຍເລື່ອງບັນຫາຕ່າງໆໄດ້ດີ ລວມເຖິງບັນຫາທີ່ຈະທຳລາຍທີມຂອງເຂົານຳ, ແຕ່ຫົວໜ້າທີ່ດີຈະຮູ້ວ່າເມື່ອໃດທີ່ຄວນຈະຊ່ວຍເຫລືອ ແລະ ສະໜັບສະໜູນລູກທີມ ແລະ ເມື່ອໃດຄວນຈະຊຸກຍູ້ໃຫ້ລູກທີມສູ້ດ້ວຍຕົນເອງ ແລະ ຫາກຫົວໜ້າຈັດການສິ່ງເຫລົ່ານີ້ໄດ້ຢ່າງດຸ່ນດ່ຽງ ຮູ້ວ່າຄວນຊ່ວຍເຫລືອ ແລະ ຊຸກຍູ້ທ່ານເມື່ອໃດ ທັງຍັງທ້າທາຍທ່ານ ແລະ ຊຸກຍູ້ໃຫ້ທ່ານໄດ້ເຮັດວຽກນັ້ນຢ່າງເຕັມທີ່ ນີ້ແມ່ນສິ່ງທີ່ສະແດງວ່າທ່ານກຳລັງຢືນຢູ່ໃນຈຸດທີ່ເໝາະສົມແລ້ວ.

ທ່ານຮູ້ສຶກວ່າເພື່ອນຮ່ວມງານຂອງທ່ານປຽບດັ່ງເພື່ອນສະໜິດ : ແນ່ນອນວ່າໃນການເຮັດວຽກຂອງທ່ານ ແລະ ເພື່ອນຮ່ວມງານຈະຕ້ອງແຂ່ງຂັນກັນ ແລະ ມີການຊຸກຍູ້ເຊິ່ງກັນ ແລະ ກັນ, ແຕ່ທ້າຍທີ່ສຸດແລ້ວ ພວກທ່ານກໍແມ່ນທີມດຽວກັນ ຫາກທ່ານເບິ່ງວ່າເພື່ອນຮ່ວມງານຂອງທ່ານກາຍເປັນເພື່ອນສະໜິດໄປແລ້ວ ເຫັນໄດ້ຈະແຈ້ງວ່າທ່ານຢູ່ໃນຈຸດທີ່ສຳຄັນຫລາຍ ເພາະທ່ານຈະຍິ່ງເຮັດວຽກຢ່າງມ່ວນຊື່ນ ແລະ ມີຄວາມສຸກຫລາຍ.

ທ່ານມີເວລາໃຫ້ຄົນທີ່ທ່ານຮັກ ລວມເຖິງໂຕທ່ານເອງ : ອາຊີບທີ່ທຳລາຍສຸຂະພາບ, ຄວາມສຳພັນສ່ວນໂຕ ຫລື ແມ່ນແຕ່ຄວາມດຸ່ນດ່ຽງຂອງຊີວິດການເຮັດວຽກ ຍ່ອມບໍ່ແມ່ນອາຊີບທີ່ທ່ານຄວນຈະທຸ້ມເທໃຫ້ ເຖິງວ່າທ່ານຈະບອກວ່າມັນເປັນອາຊີບໃນຝັນກໍຕາມ ແລະ ມັນຈະເປັນອາຊີບທີ່ແມ່ນສຳລັບທ່ານ ກໍຕໍ່ເມື່ອມັນເປັນອາຊີບທີ່ນຳມາເຊິ່ງຄວາມສຳເລັດ, ແຕ່ໃນຂະນະດຽວກັນກໍຕ້ອງເປັນອາຊີບທີ່ໃຫ້ໂອກາດທ່ານມີເວລາໄດ້ພົບປະໝູ່ເພື່ອນ, ຄອບຄົວ ແລະ ໄດ້ເຮັດວຽກກິດຈະກຳຍາມວ່າງທີ່ທ່ານມັກນຳ.

ທ່ານບໍ່ໄດ້ຕັ້ງໜ້າລໍຖ້າມື້ພັກທ້າຍອາທິດ : ຫລາຍໆຄົນມັກຈະຊັງວັດອາທິດ ເພາະມັນເປັນວັນທີ່ບົ່ງບອກວ່າມື້ພັກທ້າຍອາທິດກຳລັງຈະໝົດໄປ ເຖິງວ່າມື້ພັກຂອງທ່ານມັນຈະເປັນມືພັກທີ່ແສນພິເສດ ທ່ານໄດ້ມີໄອກາດສຳລັບການພັກຜ່ອນຢ່ອນໃຈ, ແຕ່ໃນຄືນວັນອາທິດ ທ່ານຊ້ຳພັດບໍ່ໄດ້ຮູ້ສຶກໂສກເສົ້າ ຫລື ໂຫຍຫາມື້ພັກຕື່ມເລີຍ ແຕ່ອາດຈະຕື່ນເຕັ້ນທີ່ທ່ານຈະໄດ້ກັບໄປເຮັດວຽກໃນມື້ອື່ນ ນີ້ກໍແມ່ນສັນຍານບອກວ່າທ່ານມ່ວນໄປກັບຊີວິດ ແລະ ການເຮັດວຽກທີ່ແມ່ນຂອງທ່ານ.

ທ່ານຈະຫ້າວຫັນໃນເຊົ້າວັນຈັນ : ທ່ານຈະຮູ້ສຶກຫ້າວຫັນ ແລະ ຕື່ນໂຕເປັນພິເສດຂະນະເຮັດວຽກໃນທຸກໆເຊົ້າວັນຈັນ ທ່ານມັກຈະປັ່ນປ່ວນຫ້ອງການຢູ່ສະເໝີ ທຸກຄົນອາດຈະບໍ່ມັກປານໃດ ແຕ່ນັ້ນບໍ່ແມ່ນປະເດັນ ເພາະມັນສະແດງວ່າທ່ານມີຄວາມສຸກທີ່ໄດ້ກັບມາເຮັດວຽກຫລັງຈາກທີ່ໄດ້ຢຸດພັກມາແລ້ວ.

ທ່ານຈະເວົ້າກ່ຽວກັບວຽກຢູ່ສະເໝີ : ນີ້ຖືເປັນພຶດຕິກຳທີ່ໜ້າລຳຄານ ໂດຍສະເພາະເວລາທີ່ທ່ານເປັນຄົນມັກຂີ້ໂມ້ ຫລື ເມື່ອທ່ານເປັນນັກເລົ່າເລື່ອງທີ່ບໍ່ເປັນຕາຟັງ, ແຕ່ມັນກໍຖືເປັນສັນຍານທີ່ດີບົ່ງບອກວ່າທ່ານໄດ້ລະບາຍເລື່ອງລາວດີໆຕ່າງໆກ່ຽວກັບວຽກຂອງທ່ານອອກມາ ມັນສະແດງໃຫ້ເຫັນວ່າທ່ານຜູກພັນກັບວຽກຂອງທ່ານ ແລະ ຢາກຈະແບ່ງປັນສິ່ງທີ່ໄດ້ພົບມາໃຫ້ຜູ້ອື່ນຟັງນຳ.

- dao e1499999169791 -  9 ສັນຍານບອກວ່າວຽກທີ່ທ່ານເຮັດຢູ່ເໝາະສົມກັບທ່ານທີ່ສຸດແລ້ວ