ນອນຫລາຍເກີນໄປເຮັດໃຫ້ສະໝອງເຖົ້າໄວ

- advert banner 728 90 728x90 - ນອນຫລາຍເກີນໄປເຮັດໃຫ້ສະໝອງເຖົ້າໄວ

ເຊື່ອກັນວ່າການນອນຫລັບແມ່ນການພັກຜ່ອນທີ່ດີສຸດ, ແຕ່ຜົນຮ້າຍຈາກການນອນຫລາຍຈົນເກີນໄປນັ້ນກໍມີຄືກັນ, ມີການຕີພິມຜົນງານວິໄຈຂຶ້ນໃໝ່ລົງໃນວາລະສານ Sleep ກ່ຽວກັບການທົດລອງລະບົບໜ່ວຍຄວາມຈື່ຈຳໃນສະໝອງ ແລະ ພົບວ່າ 7 – 8% ຂອງຜູ້ທີ່ນອນຫລັບຫລາຍກ່ວາ 6 – 8 ຊົ່ວໂມງ ມີການເຮັດວຽກຂອງສະໝອງໃນລະບົບໜ່ວຍຄວາມຈື່ຈຳອ່ອນແອກ່ວາ.

- lattana 1 - ນອນຫລາຍເກີນໄປເຮັດໃຫ້ສະໝອງເຖົ້າໄວ

ນອກຈາກນີ້, ຍັງພົບວ່າ : ຜູ້ທີ່ມີຊົ່ວໂມງການນອນຫລັບຫລາຍກ່ວາ 8 ຊົ່ວໂມງ ສ່ຽງທີ່ຈະປ່ວຍເປັນຄວາມຈື່ຈຳເສື່ອມຫລາຍເຖິງ 2 ເທົ່າ ບໍ່ວ່າຈະແມ່ນການນອນຕື່ນສວາຍ ຫລື ການນອນເວັນຕະຫລອດກໍຕາມ. ຄົນເຫລົ່ານີ້ຈະມີໂອກາດທີ່ຈະປ່ວຍເປັນຄວາມເຄັ່ງຄຽດ ແລະ ຄວາມຈື່ຈຳເສື່ອມໃນໄວຜູ້ເຖົ້າຫລາຍກ່ວາຄົນນອນຫລັບຢ່າງພໍດີ ເຊິ່ງນັ້ນໝາຍຄວາມວ່າ ຖ້ານອນຫລາຍເກີນໄປເຖິງວ່າຈະອາຍຸຍັງນ້ອຍ, ແຕ່ອາຍຸສະໝອງຈະເຖົ້າໄປຫລາຍກ່ວາທີ່ຄວນຈະເປັນແລ້ວ.

ການນອນທີ່ເໝາະສົມສຳລັບຜູ້ໃຫຍ່ສະເລ່ຍແມ່ນ 6 – 8 ຊົ່ວໂມງ ເຖິງວ່າແຕ່ລະບຸກຄົນກໍມີຄວາມຈຳເປັນແຕກຕ່າງກັນວ່າຈະມີເວລານອນໜ້ອຍ ຫລື ນອນຫລາຍ,​ ແຕ່ທຸກຄົນກໍຈຳເປັນຕ້ອງໄດ້ຮັບການນອນຫລັບທີ່ພຽງພໍເພື່ອສຸຂະພາບຕົນເອງ ເຊິ່ງຫາກນອນພໍແລ້ວນັ້ນຈະສັງເກດໄດ້ຈາກຖ້ານອນພໍແລ້ວຈະບໍ່ເຫງົານອນຕອນກາງເວັນ ເຊິ່ງປະໂຫຍດຂອງການນອນຫລັບຢ່າງພຽງພໍນັ້ນຈະເຮັດໃຫ້ຄວາມສາມາດໃນການຈື່ຈຳຂອງສະໝອງດີຂຶ້ນ, ສາມາດຈັດລະບົບ ແລະ ລະບຽບຂອງຄວາມຄິດ ແລະ ອາລົມໄດ້ດີຂຶ້ນ.

ວິທີການເພື່ອການນອນຫລັບຢ່າງພຽງພໍນັ້ນ ເວັບໄຊເພື່ອສຸຂະພາບ ຫລື WebMD  ມີຄຳແນະນຳດັ່ງຕໍ່ໄປນີ້ :

– ງົດ ຫລື ບໍ່ດື່ມກາເຟອີນ ເພາະກາເຟອີນອອກລິດທີ່ເຮັດໃຫ້ເຮົານອນບໍ່ຫລັບເຖິງ 8 ຊົ່ວໂມງ.

– ຫລີກເວັ້ນເຄື່ອງດື່ມອານກໍຮໍ ເຖິງວ່າຈະຊ່ວຍໃຫ້ນອນຫລັບໄດ້, ແຕ່ກໍບໍ່ໄດ້ໝາຍຄວາມວ່າຈະນອນຫລັບແຈບ ແລະ ສະບາຍ.

– ຜ່ອນຄາຍກ່ອນນອນໂດຍການແຊ່ນຳ້ອຸ່ນ ຫລື ນວດເບົາໆເພື່ອໃຫ້ຮ່າງກາຍຜ່ອນຄາຍ ຈະຊ່ວຍໃຫ້ຫລັບສະບາຍຫລາຍຂຶ້ນ.

– ອອກກຳລັງກາຍແດ່ ເພາະຈະເຮັດໃຫ້ນອນຫລັບແຈບດີ.

– ສ້າງບັນຍາກາດໃນຫ້ອງນອນໃຫ້ເປັນຕານອນ, ມືດ ແລະ ສະຫງົບ ຈະຊ່ວຍໃຫ້ຫລັບສະບາຍຫລາຍຂຶ້ນ.