ສັບພະຄຸນຕ້ານພະຍາດຈາກເປືອກພືດ

- advert banner 728 90 728x90 -  ສັບພະຄຸນຕ້ານພະຍາດຈາກເປືອກພືດ
  1. ມັນຝຣັ່ງ : ເປືອກມັນຝຣັ່ງທີ່ທ່ານປອກຖິ້ມນັ້ນອຸດົມໄປດ້ວຍວິຕາມິນ ແລະ ສານອາຫານເຖິງ 20% ບໍ່ວ່າຈະແມ່ນວິຕາມິນ ເບ, ວິຕາມິນເຊ, ໂປຕັສຊຽມ, ເບຕ້າແຄໂຣທີນ, ນຳ້ແຮ່ທຳມະຊາດ ແລະ ໄຟເບີທີ່ຊ່ວຍຫລຸດຄວາມສ່ຽງພະຍາດຫົວໃຈ ແລະ ເບົາຫວານ ທັງຍັງມີສັບພະຄຸນເປັນຢາລະບາຍອ່ອນໆຊ່ວຍໃນການຍ່ອຍອາຫານ ແລະ ຂັບຖ່າຍ.
  2. ໝາກແຕງ : ເປືອກໝາກແຕງເປັນແຫ່ລງຂອງໄຟເບີທີ່ຊ່ວຍໃນການຂັບຖ່າຍໄດ້ດີ ແລະ ສານຕ້ານອະນຸມູນອິດສະລະ ຊ່ວຍຂັດຂວາງຄວາມເສື່ອມສະພາບຂອງແຊນພາຍໃນຮ່າງກາຍ ເຮັດໃຫ້ນານເຖົ້າ.  ເປືອກໝາກແຕງຍັງມີສານເບຕ້າແຄໂຣທີນທີ່ຊ່ວຍເສີມສ້າງພູມຕ້ານທານປ້ອງກັນເຊື້ອພະຍາດຕ່າງໆທີ່ເຂົ້າມາ ໂດຍສະເພາະໝາກແຕງເປືອກຂຽວເຂັ້ມ.
  3. ຫົວກະຫລົດ : ນອກຈາກມີສານອາຫານເຕັມຫົວແລ້ວ ໃນເປືອກຫົວກະຫລົດຍັງມີປະໂຫຍດບໍ່ໜ້ອຍ ເຊິ່ງອຸດົມໄປດ້ວຍສານແອນຕີອອກຊິແດນ ຊ່ວຍຫລຸດຮອຍຫ່ຽວຍານຈາກຄວາມເຖົ້າ ແລະ ປົກປ້ອງຜິວໜັງຈາກພະຍາດມະເຮັງຜິວໜັງ, ມີວິິຕາມິນອາ, ວິຕາມິນເຊທີ່ມີປະໂຫຍດບຳລຸງສຸຂະພາບສາຍຕາ, ຜິວໜັງ ແລະ ສານເບຕ້າແຄໂຣທີນທີ່ມີສັບພະຄຸນເສີມສ້າງລະບົບພູມ ຕ້ານທານຂອງຮ່າງກາຍໃຫ້ແຂງແຮງ, ບຳລຸງຜິວໃຫ້ຊຸ່ມຊື່ນສົດໃສຈາກພາຍໃນອອກສູ່ພາຍນອກ.
  4. ຫົວຜັກກາດຂາວ : ມີສານອາຫານຫລວງຫລາຍທັງຫົວທັງເປືອກ ບໍ່ວ່າຈະແມ່ນສານລິກນິນທີ່ຊ່ວຍຕໍ່ຕ້ານອະນຸມູນອິດສະລະໃນຮ່າງກາຍ, ເສີມສ້າງພູມຕ້ານທານ ແລະ ຊ່ວຍປ້ອງກັນການເກີດພະຍາດມະເຮັງ, ມີທາດການຊຽມເສີມສ້າງກ້າມຊີ້ນໃຫ້ແຂງແຮງ ເຮັດວຽກເປັນປົກກະຕິ ແລະ ມີວິຕາມິນເຊຊ່ວຍເສີມສ້າງຄວາມແຂງແຮງຂອງຜິວໜັງຫລອດເລືອດ, ປ້ອງກັນເລືອດອອກຕາມເຟັນແຂ້ວ ແລະ ກຳຈັດສານພິດ. ຫາກທ່ານເປັນຄົນໜຶ່ງທີ່ເປັນຮ້ອນໃນ, ເປັນບາດແຜໃນປາກເລື້ອຍໆສາມາດເອົາຫົວຜັກກາດຂາວໝົດເປືອກມາປັ່ນສົດໆເອົານຳ້ມາໃຊ້ບ້ວນປາກ ຈະເປັນຢາສະໝານບາດແຜຮ້ອນໃນໃຫ້ເຊົາໄດ້.
  5. ໝາກແອັບເປິ້ນ : ບໍ່ວ່າຈະແມ່ນເປືອກສີແດງ ຫລື ສີຂຽວທີ່ເຮັດໃຫ້ທ່ານເຂົ້າໃຈວ່າມັນໜຽວ, ຫຍາບ ແລະ ຍ່ອຍຍາກ ຄວາມຈິງແລ້ວໃນເປືອກນັ້ນອຸດົມໄປດ້ວຍໄຟເບີ ໂຕຊ່ວຍສຳຄັນຂອງການຍ່ອຍອາຫານ ແລະ ກະຕຸ້ນການຂັບຖ່າຍໃຫ້ເປັນລະບົບຫລາຍຂຶ້ນ ລວມເຖິງມີສານທ່ີຊ່ວຍປ້ອງກັນການແຂງໂຕຂອງຫລອດເລືອດຫົວໃຈ ຊ່ວຍຕ້ານແບັກທີເຣຍ ແລະ ໄວຣັສຕ່າງໆ, ຊ່ວຍຫລຸດຄວາມດັນເລືອດສູງ ແລະ ຕ້ານການເກີດພະຍາດມະເຮັງໄດ້.

6.​ ໝາກເຂືອຫຳມ້າ : ເປັນພືດສີມ້ວງທີ່ຢູ່ໃນເປືອກມີສານແອນໂທໄຊຍານິນ ຊ່ວຍໃນການປ້ອງກັນສານອັນຕະລາຍ ບໍ່ໃຫ້ສະສົມໃນເສັ້ນເລືອດ ເຊິ່ງຈະເປັນການຊ່ວຍປ້ອງກັນການເກີດພະຍາດຫົວໃຈ ແລະ ເສັ້ນເລືອດໃນສະໝອງແຕກ, ຊ່ວຍຫລຸດຄວາມ ເສື່ອມຂອງແຊນ ແລະ ດວງຕາ ແລະ ສານທີ່ຊ່ວຍຂັດຂວາງການເກັງຂອງຂ້າມຊີ້ນໃນຮ່າງກາຍ.

- lattana 1 -  ສັບພະຄຸນຕ້ານພະຍາດຈາກເປືອກພືດ