ນັກວິທະຍາສາດປະສົບຜົນສໍາເລັດໃນການຕັດຕໍ່ພັນທຸກໍາໝູ ເພື່ອນໍາມາປູກຖ່າຍອະໄວຍະວະເພດໃຫ້ມະນຸດ

- advert banner 728 90 728x90 - ນັກວິທະຍາສາດປະສົບຜົນສໍາເລັດໃນການຕັດຕໍ່ພັນທຸກໍາໝູ ເພື່ອນໍາມາປູກຖ່າຍອະໄວຍະວະເພດໃຫ້ມະນຸດ

ໃນຄວາມພະຍາຍາມທີ່ຈະເຮັດໃຫ້ອະໄວຍະວະຂອງໝູ ມີຄວາມປອດໄພທີ່ຈະນໍາມາປູກຖ່າຍອະໄວຍະວະໃຫ້ກັບມະນຸດ ນັກວິທະຍາສາດປະສົບຜົນສໍາເລັດໃນການດັດແປງພັນທຸກໍາສັດ ເພື່ອຈັດການກັບເຊື້ອໄວຣັດໃນສັດທີ່ເປັນອັນຕະລາຍຕໍ່ຮ່າງກາຍມະນຸດ ແລະ ນີ້ເປັນບາດກ້າວສໍາຄັນກ່ຽວກັບການປູກຖ່າຍອະໄວຍະວະ ເພາະພວກເຂົາສາມາດເຮັດໃຫ້ອະໄວຍະວະຂອງໝູມີຄວາມປອດໄພສໍາລັບການນໍາມາປູກຖ່າຍໃຫ້ກັບມະນຸດ ​ເຊິ່ງເລື່ອງນີ້ເຄີຍເປັນວຽກໜັກຂອງວົງການວິທະຍາສາດໃນຫຼາຍທົດສະວັດ​ໄລຍະຜ່ານມາ ແລະ ສິ່ງນີ້ຈະຊ່ວຍຊີວິດມະນຸດທີ່ຕ້ອງການປູກຖ່າຍອະໄວຍະວະໄດ້ນັບພັນຄົນ.

- lattana 1 - ນັກວິທະຍາສາດປະສົບຜົນສໍາເລັດໃນການຕັດຕໍ່ພັນທຸກໍາໝູ ເພື່ອນໍາມາປູກຖ່າຍອະໄວຍະວະເພດໃຫ້ມະນຸດ

ການປູກຖ່າຍອະໄວຍະວະ ເປັນການຍ້າຍອະໄວຍະວະຈາກຮ່າງໜຶ່ງໄປສູ່ອີກຮ່າງໜຶ່ງ ຫຼື ຈາກບ່ອນໜຶ່ງໄປອີກບ່ອນໜຶ່ງໃນຜູ້ປ່ວຍຄົນດຽວກັນ ເພື່ອແທນອະໄວຍະວະທີ່ເສຍຫາຍ ຫຼື ຂາດໄປ.

ນັກວິທະຍາສາດໄດ້ໃຊ້ເຄື່ອງມືຕັດຕໍ່ພັນທຸກໍາອັນມີປະສິດທິພາບເຊັ່ນ: CRISPR-Cas9 ລວມທັງເຕັກໂນໂລຊີແບບດຽວກັບທີ່ໃຊ້ໃນການໂຄລນນ່ິງແກະ Dolly ເພື່ອສ້້າງໝູສາຍພັນໃຫມ່ທີ່ມີສຸຂະພາບດີກວ່າ​ເກົ່າ ແລະ ບໍ່ສາມາດແຜ່ພັນເຊື້ອໄວຣັດມາຍັງຮ່າງກາຍມະນຸດໄດ້ເມື່ອມີການປູກຖ່າຍອະໄວຍະວະ, ແຕ່ຍັງບໍ່ໄດ້ໝາຍຄວາມວ່າໃນຕອນນີ້ ອະໄວຍະວະຂອງໝູພ້ອມສໍາລັບມະນຸດແລ້ວ ມັນພຽງເຮັດໃຫ້ເຮົາເບິ່ງເຫັນຄວາມຫວັງທີ່ຈະ​ແຈ້ງຫຼາຍຂຶ້ນ ກ່ຽວກັບການນໍາອະໄວຍະວະສັດມາປູກຖ່າຍໃຫ້ກັບມະນຸດ.

ໂລກຂອງພວກເຮົາປະສົບກັບບັນຫາຂາດ​ເຂີນອະໄວຍະວະຢ່າງໜັກ ໂດຍມີຊາວອາເມລິ​ກາ​ຫລາຍກວ່າ 120.000 ຄົນ ທີ່ລໍຖ້າການປູກຖ່າຍອະໄວຍະວະ ແລະ ໃນແຕ່ລະວັນມີຄົນເກີນ 20 ຄົນ ທີ່ຕ້ອງເສຍຊີວິດເພາະຂາດ​ເຂີນອະໄວຍະວະສໍາລັບການປູກຖ່າຍ ແລະ ​ເປັນທົດສະວັດມາແລ້ວ ທີ່ນັກວິທະຍາສາດຄິດວ່າອະໄວຍະວະຂອງສັດຈະສາມາດນໍາມາປູກຖ່າຍໃຫ້ກັບມະນຸດໄດ້ ແຕ່ການນໍາໄຕຂອງລິງບາບູນ ຫຼື ຫົວໃຈຂອງໝູມາປູກຖ່າຍໃຫ້ກັບມະນຸດ ມີການຕໍ່ຕ້ານອະໄວຍະວະຂອງສັດ ແລະ ເຮັດໃຫ້ມະນຸດເຖິງແກ່ຄວາມຕາຍໄດ້ ລວມເຖິງບັນຫາເລື່ອງອື່ນໆ ຄືພັນທຸກໍາຂອງໝູມີຈຸດອ່ອນສໍາລັບເຊື້ອໄວຣັດທີ່ເປັນອັນຕະລາຍຕໍ່ມະນຸດເຊັ່ນ: ເຊື້ອໄວຣັດ PERVs ແລະ ສາມາດແຜ່ກະຈາຍເຊື້ອໄວຣັດໄປຍັງຮ່າງກາຍມະນຸດທີ່ໄດ້ຮັບການປູກຖ່າຍ ເຮັດໃຫ້ຄົນສ່ຽງຕໍ່ການເກີດມະເຮັງ ຫຼື ໂຣກມະເຮັງເມັດເລືອດຂາວ (Leukemia).

ເພື່ອເຮັດໃຫ້ອະໄວຍະວະຂອງສັດ ມີຄວາມປອດໄພຕໍ່ມະນຸດ ທີມງານວິໄຈໄດ້ເຮັດລະບຸຕໍາແໜ່ງໃນລະຫັດພັນທຸກໍາທີ່ກ່ຽວຂ້ອງກັບເຊື້ອໄວຣັດ PERVs ໃນເຊລເນື້ອເຍື້ອຂອງໝູ ຈາກນັ້ນກໍໃຊ້ເຄື່ອງມືຕັດຕໍ່ພັນທຸກໍາ CRISPR ເພື່ອເຮັດການດັດແປງລະຫັດພັນທຸກໍາໃນ 25 ຕໍາແໜ່ງ ເພື່ອຍັບຍ້າຍເຊື້ອໄວຣັດ PERVs ແລະ ມີໃນຂັ້ນຕອນສຸດທ້າຍ ກໍມີການນໍາເຊວທີ່ຜ່ານການດັດແປງພັນທຸກໍາແລ້ວ ໄປສ້າງເປັນຕົວອ່ອນຂອງໝູ ແລ້ວນໍາໄປໄວ້ໃນຄອນຂອງແມ່ໝູ (​ເຊິ່ງເປັນເຕັກນິກດຽວກັບທີ່ໃຊ້ໃນການໃຫ້ກໍາເນີດ Dolly ລູກແກະໂຄລນນິງ).

ໂດຍທ່ານ George Church ໜຶ່ງໃນທີມງານວິໄຈກ່າວວ່າ ມັນຕື່ນເຕັ້ນຫລາຍທີ່ເຮົາພົບວ່າ ລູກທີ່ຜ່ານການດັດແປງພັນທຸກໍາ ບໍ່ກັບມາຕິດເຊື້ອ PERVs ເຖິງມັນຈະເລີນເຕີບ​ໃຫຍ່ຢູ່ໃນຄອກຂອງແມ່ໝູທີ່ຕິດເຊື້ອ PERVs ແລະ ລູກໝູກໍມີສຸຂະພາບດີ ໝາຍຄວາມວ່າມັນຈະບໍ່ເຮັດໃຫ້້ມະນຸດຕິດເຊື້ອໄວຣັດ ຫາກມີການນໍາອະໄວຍະວະຂອງມັນໄປປູກຖ່າຍໃຫ້ກັບມະນຸດ ແລະ ມັນຊ່ວຍຢັບຢັ້ງຄວາມເປັນໄປໄດ້ທີ່ຈະເກີດການແຜ່ກະຈາຍເຊື້ອໄວຣັດຂ້າມສາຍພັນຈາກສັດມາຍັງມະນຸດ.

ແຕ່ແນວໃດກໍດີ ອະໄວຍະວະຂອງໝູຍັງບໍ່ສາມາດນໍາມາປູກຖ່າຍໃຫ້ກັບມະນຸດໄດ້ໃນເວລານີ້ ເພາະຍັງມີບັນຫາໃຫຍ່ທີ່ຕ້ອງແກ້ໄຂ ຄືອາການປະຕິເສດອະໄວຍະວະຂອງຮ່າງກາຍມະນຸດ ​ເມື່ອໃດທີ່ເຮົາຍັງບໍ່ສາມາດແກ້ໄຂອະໄວຍະວະຂອງໝູ ໃຫ້ເຂົ້າກັນໄດ້ກັບຮ່າງກາຍຂອງມະນຸດ ມັນຍັງອັນຕະລາຍທີ່ຈະເຮັດການປູກຖ່າຍ.