ສະເຫລີມສະຫລອງວັນສ້າງຕັ້ງສານປະຊາຊົນຄົບຮອບ 35 ປີ

- advert banner 728 90 728x90 - ສະເຫລີມສະຫລອງວັນສ້າງຕັ້ງສານປະຊາຊົນຄົບຮອບ 35 ປີ

ພິທີໂຮມຊຸມນຸມເພື່ອສະ ເຫລີມສະຫລອງວັນສ້າງຕັ້ງ ສານປະຊາຊົນຄົບຮອບ 35 ປີ (15 ສິງຫາ 1982-15 ສິງຫາ 2017) ໄດ້ມີຂຶ້ນໃນທ້າຍອາທິດ ຜ່ານມານີ້ທີ່ຫໍວັດທະນະທຳແຫ່ງຊາດ, ພາຍໃຕ້ການເປັນປະທານ ຂອງທ່ານ ຄໍາພັນ ສິດທິດຳພາ ປະທານສານປະຊາຊົນສູງສຸດ ແລະ ໃຫ້ກຽດເຂົ້າຮ່ວມຂອງ ທ່ານນາງ ປານີ ຢາທໍ່ຕູ້ ປະທານ ສະພາແຫ່ງຊາດ, ມີບັນດາທ່ານ ລັດຖະມົນຕີ, ພ້ອມດ້ວຍແຂກ ຖືກເຊີນເຂົ້າຮ່ວມຢ່າງຫລວງ ຫລາຍ.

- lattana 1 - ສະເຫລີມສະຫລອງວັນສ້າງຕັ້ງສານປະຊາຊົນຄົບຮອບ 35 ປີ

 

 

 

+ ສະເຫລີມສະຫລອງວັນສ້າງຕັ້ງອົງການ ກວດສອບແຫ່ງລັດຄົບຮອບ 19 ປີ

+ ​ສານປະຊາຊົນແຂວງຄໍາມ່ວນຕັດສີນລົງໂທດ ຄາດຕະກອນຈໍາຄຸກ 14 ປີ

 

ໃນໂອກາດສໍາຄັນນີ້, ທ່ານ ປະທານສານປະຊາຊົນໄດ້ ກ່າວ ເຖິງປະຫວັດຄວາມເປັນ ມາຂອງວັນດັ່ງກ່າວວ່າ: ຜ່ານ ໄລຍະ 35 ປີແຫ່ງການສ້າງຕັ້ງ ແລະ ເຕີບໃຫຍ່ຂອງສານປະ ຊາຊົນ ພາຍໃຕ້ການນຳພາຂອງ ພັກປະຊາຊົນປະຕິວັດລາວ ແລະ ດ້ວຍຄວາມສາມັກຄີເປັນປຶກ ແຜ່ນແໜ້ນໜາ, ຜ່ານຜ່າທຸກ ຂໍ້ຫຍຸ້ງຍາກນາໆປະການ ແລະ ດ້ວຍຄວາມຮັບຜິດຊອບສູງ ຂອງຄະນະພັກ-ຄະນະນຳສານປະຊາຊົນແຕ່ລະຮຸ່ນ, ແຕ່ລະໄລ ຍະນັບແຕ່ສານສູງສຸດຮອດ ສານທ້ອງຖິ່ນທຸກຂັ້ນໄດ້ປະ ກອບສ່ວນສຳຄັນໃນການຄຸ້ມ ຄອງລັດ, ຄຸ້ມຄອງສັງຄົມດ້ວຍ ລະບຽບກົດໝາຍ, ປົກປັກຮັກ ສາຜົນປະໂຫຍດຂອງລັດ, ສິດ ແລະ ຜົນປະໂຫຍດອັນຊອບທຳ ຂອງປະຊາຊົນ, ຮັບປະກັນ ຄວາມເປັນລະບຽບຮຽບຮ້ອຍ ແລະ ຄວາມຍຸຕິທຳຢູ່ໃນສັງ ຄົມ, ໂດຍໄດ້ເຄື່ອນໄຫວຢ່າງ ຕັ້ງໜ້າເພື່ອເຮັດສໍາເລັດໜ້າ ທີ່ຕາມລັດຖະທຳມະນູນ ແລະ ກົດໝາຍກຳນົດໄວ້, ເຊິ່ງໄດ້ຮັບ ຄວາມໄວ້ວາງໃຈຈາກພັກ-ລັດ, ມີຄວາມເຊື່ອຖືສັດທາຈາກ ປະຊາຊົນ, ເຮັດໃຫ້ການຈັດຕັ້ງ ຂອງສານປະຊາຊົນແຫ່ງ ສປປ ລາວ ມີການປ່ຽນແປງ, ເຕີບ ໃຫຍ່ຂະຫຍາຍຕົວ ແລະ ພັດ ທະນາສືບຕໍ່ເນື່ອງມາຢ່າງບໍ່ ຢຸດຢັ້ງ, ບໍ່ວ່າໃນດ້ານການຈັດ ຕັ້ງ ແລະ ບຸກຄະລາກອນໄດ້ສົມ ຄູ່ກັບການຂະຫຍາຍຕົວທາງ ດ້ານເສດຖະກິດ-ສັງຄົມຂອງ ປະເທດໃນແຕ່ລະໄລຍະ, ມາ ຮອດປັດຈຸບັນການຈັດຕັ້ງຂອງສານປະຊາຊົນໃນທົ່ວປະເທດ ປະກອບດ້ວຍສານປະຊາຊົນ ສູງສຸດ, ສານປະຊາຊົນພາກ, ສານປະຊາຊົນແຂວງ, ນະຄອນ ຫລວງ ແລະ ສານປະຊາຊົນ ເຂດ, ນອກນີ້ຍັງມີສານທະຫານ, ມີພະນັກງານທັງໝົດ 1.962 ຄົນ, ຍິງ717 ຄົນ, ໃນນີ້ມີຜູ້ ພິພາກສາ 450 ຄົນ, ຍິງ 103 ຄົນ, ຜູ້ຊ່ວຍຜູ້ພິພາກສາ 389 ຄົນ, ຍິງ 135 ຄົນ, ຈ່າສານ 154 ຄົນ, ຍິງ 88 ຄົນ ແລະ ພະ ນັກງານບໍລິຫານ-ວິຊາການ ຈຳ ນວນໜຶ່ງ, ພ້ອມທັງໄດ້ເອົາໃຈ ໃສ່ໃນການກໍ່ສ້າງ ແລະ ບຳລຸງ ສ້າງພະນັກງານໃຫ້ມີຄຸນທາດ ການເມືອງໜັກແໜ້ນ, ມີຄຸນ ສົມບັດສິນທຳປະຕິວັດ, ມີນ້ຳ ໃຈຮັກຊາດ, ຮັບໃຊ້ປະຊາຊົນ ດ້ວຍຄວາມຈົງຮັກພັກດີ, ມີ ຄວາມຮູ້ຄວາມສາມາດທາງ ດ້ານວິຊາສະເພາະ, ວິຊາການ ແລະ ມີຄວາມຮັບຜິດຊອບສູງ ຕໍ່ໜ້າທີ່ວຽກງານ, ກາຍເປັນ ກຳລັງແຮງສຳຄັນໃນການບໍລິ ຫານສານ, ບໍລິຫານຄະດີໃຫ້ມີ ຄຸນນະພາບ ແລະ ປະສິດທິຜົນ. ໄປຄຽງຄູ່ກັບການກໍ່ສ້າງ ແລະ ປັບປຸງການຈັດຕັ້ງ, ການດຳ ເນີນຄະດີກໍໄດ້ມີການປັບປຸງໄປ ພ້ອມໆກັນ, ອັນໄດ້ເຮັດໃຫ້ການ ພິຈາລະນາຕັດສິນຄະດີມີຄວາມວ່ອງໄວ, ປອດໃສ, ຖືກຕ້ອງ ແລະ ໄດ້ຮັບຄວາມຍຸຕິທຳ ໃນສັງ ຄົມ, ປະກອບສ່ວນສຳຄັນເຂົ້າ ໃນການສຶກສາອົບຮົມພົນລະ ເມືອງໃຫ້ມີສະຕິເຄົາລົບ ແລະ ປະຕິບັດກົດໝາຍ, ກຳຈັດ ແລະ ສະກັດກັ້ນການລະເມີດກົດໝາຍ, ປະກອບສ່ວນໃນການສ້າງລັດແຫ່ງກົດໝາຍຂອງປະຊາຊົນ, ໂດຍປະຊາຊົນ ແລະ   ເພື່ອຜົນປະ ໂຫຍດຂອງປະຊາຊົນ, ເຮັດໃຫ້ ສັງຄົມມີຄວາມສະຫງົບ ແລະ ເປັນລະບຽບຮຽບຮ້ອຍດີຂຶ້ນ ເທື່ອລະກ້າວ.

 

ໃນໂອກາດນີ້, ກໍໄດ້ປະດັບ ຫລຽນກາລະນຶກ 35 ປີຂອງ ສານປະຊາຊົນໃຫ້ຜູ້ທີ່ມີຜົນງານດີເດັ່ນໃນການປະກອບສ່ວນ ເຂົ້າໃນການສ້າງສາພັດທະນາປະເທດຊາດ, ເຊິ່ງໃຫ້ກຽດປະ ດັບຫລຽນດັ່ງກ່າວ ໂດຍທ່ານ ປະທານສະພາແຫ່ງຊາດ.