ຟີລິບປິນເດີນໜ້າກວາດລ້າງຢາເສບຕິດ

- advert banner 728 90 728x90 - ຟີລິບປິນເດີນໜ້າກວາດລ້າງຢາເສບຕິດ

ຕຳຫລວດ​ຟີ​ລິບ​ປິນປະຕິບັດ​ການ​ກວາດ​ລ້າງ​ຢາ​ເສບ​ຕິດ​ໃນ​ພື້ນທີ່​ທາງ​ຕອນ​ເໜືອ​ຂອງ​ປະ​ເທດ ສົ່ງ​ຜົນ​ໃຫ້​ມີ​ຜູ້​ຕ້ອງ​ສົງ​ໄສ​ຄ້າ​ຢາ​ເສບ​ຕິດ​ເສຍ​ຊີວິດ 21 ຄົນ ລວມທັງ​ສາມາດ​ຢຶດຢາ​ເສບ​ຕິດ ​ແລະ ອາວຸດ​ໄດ້​ຈຳນວນ​ໜຶ່ງ.

- lattana 1 - ຟີລິບປິນເດີນໜ້າກວາດລ້າງຢາເສບຕິດ

 

+ ຟີລິບປິນປະສົບຜົນສຳເລັດໃນການປາບປາມຢາເສບຕິດ

+ ປະຊາຊົນຟີລິບປິນ 78% ພໍໃຈຕໍ່ການປາບປາມຢາເສບຕິດຂອງລັດຖະບານ

 

ຕຳຫລວດ​ກ່າວ​ວ່າ: ບັນດາ​ຜູ້​ຕ້ອງ​ສົງ​ໄສ​ຄ້າ​ຢາ​ເສບ​ຕິດ​ພະຍາ​ຍາມຍິງ​ຕໍ່ສູ້, ຂັດ​ຂືນການ​ຈັບ​ກຸມ​ຂອງ​ເຈົ້າໜ້າ​ທີ່ ​ເປັນ​ເຫດ​ໃຫ້​ມີ​ຜູ້​ເສຍ​ຊີວິດ 21 ຄົນ ​ແລະ ຖືກ​ຈັບ​ກຸມ​ອີກ 64 ຄົນ​ຈາກ​ປະຕິບັດ​ການ​ກວາດ​ລ້າງ​ຢາ​ເສບ​ຕິດ​ໃນ​ຫລາຍ​ພື້ນທີ່​ຂອງ​ແຂວງ​ບູລາ​ກັນ​ໃນ​ໄລຍະ 24 ຊົ່ວ​ໂມງ​ຜ່ານ​ມາ. ນອກ​ຈາກ​ນີ້ ​ເຈົ້າໜ້າ​ທີ່​ຍັງ​ສາມາດ​ກວດ​ຢຶດອາວຸດ​ປືນ​ໄດ້ 21 ກະບອກ ​ແລະ ຢຶດສານ​ເສບ​ຕິດ​ເມດ​ແອມ​ເຟຕາ​ມິນ ຫລື ຮູ້ຈັກ​ກັນ​ໃນ​ຊື່ ຊາ​ບູ ​ໄດ້​ອີກ​ກວ່າ 100 ກຣາມ ຄິດ​ເປັນ​ມູນ​ຄ່າ​ປະມານ 500.000 ​ເປ​ໂຊ ລວມທັງ​ສາມາດ​ຮິບ​ເງິນ ​ແລະ ຊັບ​ສິນ​ຈາກ​ການ​ຄ້າ​ຢາ​ເສບ​ຕິດ​ໄດ້​ນຳ​ອີກ.

ນັບ​ແຕ່​ມີ​ການ​ປະກາດ​ເລີ່​ມຕົ້ນກວາດ​ລ້າງ​ຢາ​ເສບ​ຕິດ​ຢູ່​ຟີ​ລິບ​ປິນ ສົ່ງ​ຜົນ​ໃຫ້​ຫລ້າ​ສຸດ​ມີ​ຜູ້​ທີ່​ຖືກ​ກ່າວ​ຫາ​ວ່າ​ເປັນ​ຜູ້​ຄ້າ​ຢາ​ເສບ​ຕິດ​ເສຍ​ຊີວິດ​ແລ້ວ 3.264 ຄົນ ຈາກ​ການ​ຍິງ​ປະ​ທະ​ກັບ​ເຈົ້າໜ້າ​ທີ່ ​ແລະ ອີກ​ຫລາຍ​ກວ່າ 2.000 ຄົນ​ເສຍ​ຊີວິດ​ໃນ​ຄະດີ​ຄາດ​ຕະກຳ​ທີ່​ກ່ຽວຂ້ອງ​ກັບ​ຢາ​ເສບ​ຕິດ.