ອາຟຣິກາໃຕ້ຢືນຢັນພົບໄຂ້ຫວັດສັດປີກ H5N8 ຢູ່ຟາມນົກກະຈອກເທດ

- advert banner 728 90 728x90 - ອາຟຣິກາໃຕ້ຢືນຢັນພົບໄຂ້ຫວັດສັດປີກ H5N8 ຢູ່ຟາມນົກກະຈອກເທດ

​ແຂວງ​ເວສ​ເທິ​ນ​ເຄບຂອງ​ອາ​ຟຣິກາ​ໃຕ້​ແຈ້ງ​ຢືນຢັນ​ວ່າ​ພົບ​ໄວຣັດ​ໄຂ້ຫວັດ​ສັດ​ປີກ​ສາຍ​ພັນ H5N8 ລະບາດ​ຢູ່​ຟາ​ມນົກ​ກະຈອກ​ເທດ 2 ​ແຫ່ງ ​ເປັນ​ໄວຣັດທີ່​ແຜ່​ລະບາດ​ງ່າຍ​ໃນ​ສັດ​ປີກ, ​ແຕ່​ອາດ​ຈະ​ບໍ່​ຕິດ​ຕໍ່​ສູ່​ຄົນ.

- lattana 1 - ອາຟຣິກາໃຕ້ຢືນຢັນພົບໄຂ້ຫວັດສັດປີກ H5N8 ຢູ່ຟາມນົກກະຈອກເທດ

ຫ້ອງການ​ກະສິກຳ​ແຂວງ​ເວສ​ເທິ​ນ​ເຄບ ​ເຊິ່ງ​ເປັນ​ແຂວງ​ໃຫຍ່​ອັນ​ດັບ 4 ຈາກ​ທັງ​ໝົດ 9 ​ແຂວງ​ແຈ້ງວ່າ: ​ໄດ້​ກັກ​ກັນພະຍາດ​ຢູ່​ຟາ​ມນົກ​ກະຈອກ​ເທດ​ທັງ​ສອງ​ແຫ່ງ​ທັນທີ​ແລ້ວ ​ແລະ ບໍ່​ອະນຸຍາດ​ໃຫ້​ນຳ​ເອົາ​ນົກ​ກະຈອກ​ເທດ​ເຂົ້າ ຫລື ອອກ​ຈາກ​ທັງ​ສອງ​ຟາ​ມທີ່​ມີ​ນົກ​ກະຈອກ​ເທດ​ລວມກັນ​ປະມານ 1.000 ​ໂຕ. ປັດຈຸບ​ັນຍັງ​ບໍ່​ມີ​ລາຍ​ງານ​ນົກ​ກະຈອກ​ເທດ​ຕາຍ​ເພາະ​ເຊື້ອ​ໄວຣັສຊະນິດ​ນີ້, ສັນນິຖານ​ວ່າ​ຕົ້ນຕໍ​ເຊື້ອມາ​ຈາກ​ນົກ​ປ່າ.

ສ່ວນ​ອົງການ​ອະນາ​ໄມ​ໂລກ​ລະບຸ​ວ່າ: ມີ​ຄວາມ​ເປັນ​ໄປ​ໄດ້​ໜ້ອຍ​ທີ່​ຄົນ​ຈະ​ຕິດ​ເຊື້ອ​ໄວຣັດສາຍ​ພັນ H5N8 ຈາກ​ສັດ​ປີກ, ​ແຕ່​ບໍ່​ຄວນ​ວາງ​ໃຈ​ວ່າ​ຄົນ​ຈະ​ບໍ່​ມີ​ໂອກາດ​ຕິດ​​ເຊື້ອ.