ສະພາແຫ່ງຊາດ ແລະ ລັດຖະບານຫາລືຫລາຍບັນຫາສໍາຄັນຂອງຊາດ

- advert banner 728 90 728x90 - ສະພາແຫ່ງຊາດ ແລະ ລັດຖະບານຫາລືຫລາຍບັນຫາສໍາຄັນຂອງຊາດ

ກອງປະຊຸມຮ່ວມລະຫວ່າງຄະນະປະຈໍາສະພາແຫ່ງຊາດຊຸດທີ VIII ກັບຄະນະລັດຖະບານຄັ້ງທີ I ໄດ້ມີຂຶ້ນໃນວັນທີ 15 ສິງຫານີ້ທີ່ຫໍປະຊຸມແຫ່ງຊາດ(ຫລັກ6) ນະຄອນຫລວງວຽງຈັນ, ໂດຍການເປັນປະທານຮ່ວມຂອງທ່ານປະທານສະພາແຫ່ງຊາດ ນາງ ປານີ ຢາທໍຕູ້ ແລະ ທ່ານນາຍົກລັດຖະມົນຕີ ທອງລຸນ ສີສຸລິດ, ມີບັນດາຮອງປະທານສະພາແຫ່ງຊາດ, ຮອງນາຍົກລັດຖະມົນຕີ, ສະມາຊິກລັດຖະບານ, ກໍາມະການຄະນະປະຈໍາ, ພ້ອມດ້ວຍພາກສ່ວນກ່ຽວຂ້ອງຈາກລັດຖະບານ ແລະ ສະພາແຫ່ງຊາດ​ເຂົ້າຮ່ວມຢ່າງພ້ອມພຽງ.

- lattana 1 - ສະພາແຫ່ງຊາດ ແລະ ລັດຖະບານຫາລືຫລາຍບັນຫາສໍາຄັນຂອງຊາດ

ກອງປະຊຸມໄດ້ປຶກສາຫາລືບັນຫາສໍາຄັນຂອງຊາດຄື: ຮັບຟັງການລາຍງານການຈັດຕັ້ງປະຕິບັດນະໂຍບາຍຊົດເຊີຍຕໍ່ປະຊາຊົນທີ່ໄດ້ຮັບຜົນກະທົບຈາກໂຄງການລົງທຶນພັດທະນາຂອງລັດ ລວມທັງໂຄງການກໍ່ສ້າງທາງລົດໄຟ, ໂຄງການລົງທຶນພາຍໃນ ແລະ ຕ່າງປະເທດທີ່ພົວພັນເຖິງການຊົດເຊີຍ ແລະ ການຈັດສັນທີ່ຢູ່ອາໄສ ແລະ ອາຊີບຄົງທີ່ໃຫ້ແກ່ປະຊາຊົນທີ່ຖືກຜົນກະທົບ, ຮັບຟັງການລາຍງານສະພາບການຈັດຕັ້ງປະຕິບັດບັນດາຄາດໝາຍໃຫຍ່ທາງດ້ານເສດຖະກິດ-ສັງຄົມ, ງົບປະມານແຫ່ງລັດ ຕາມມະຕິກອງປະຊຸມສະໄໝສາມັນເທື່ອທີ 2 ຂອງສະພາແຫ່ງຊາດໃນ 6 ເດືອນຕົ້ນປີ 2017 ແລະ ບັນດານະໂຍບາຍ ແລະ ມາດຕະການຈັດຕັ້ງປະຕິບັດແຜນດັ່ງກ່າວໃນ 6 ເດືອນທ້າຍປີ 2017 ແລະ ປຶກສາຫາລືກ່ຽວກັບກົນໄກປະສານງານ ແລະ ການຊີ້ນໍາຂອງຄະນະປະຈໍາສະພາແຫ່ງຊາດ ແລະ ລັດຖະບານຕໍ່ການຈັດຕັ້ງຜັນຂະຫຍາຍມະຕິກອງປະຊຸມສະໄໝສາມັນເທື່ອທີ 4 ຂອງສະພາແຫ່ງຊາດທີ່ຈະມາເຖິງໃນທ້າຍປີນີ້ ກ່ຽວກັບແຜນພັດທະນາເສດຖະກິດ-ສັງຄົມ ແລະ ແຜນງົບປະມານແຫ່ງລັດປະຈໍາປີ 2018 ຕໍ່ສາຍຕັ້ງຂອງຕົນ ນັບແຕ່ສູນກາງລົງຮອດທ້ອງຖິ່ນ, ເພື່ອແນໃສ່ຮັບປະກັນຄວາມເປັນເອກະພາບໃນການຊີ້ນໍາ ແລະ ຈັດຕັ້ງຜັນຂະຫຍາຍແຜນດັ່ງກ່າວໃຫ້ທັນຕາມກໍານົດເວລາ ແລະ ມີໝາກຜົນ.

ທ່ານປະທານສະພາແຫ່ງຊາດ ໄດ້ມີຄໍາເຫັນກ່າວເປີດກອງປະຊຸມວ່າ: ກອງປະຊຸມຄັ້ງນີ້, ແມ່ນຄັ້ງທໍາອິດຂອງການພົບປະເພື່ອພ້ອມກັນປຶກສາຫາລືບັນຫາທີ່ສໍາຄັນຂອງຊາດ ແນໃສ່ຮັບປະກັນເຮັດໃຫ້ເສດຖະກິດ-ສັງຄົມ ສືບຕໍ່ມີການຂະຫຍາຍຕົວ, ສັງຄົມມີຄວາມສະຫງົບ-ຄວາມເປັນລະບຽບຮຽບຮ້ອຍ, ສ້າງໄດ້ຄວາມໄວ້ວາງໃຈ ແລະ ຄວາມເຊື່ອໝັ້ນຂອງປະຊາຊົນຕໍ່ກັບການບໍລິຫານຂອງລັດ. ພ້ອມທັງປຶກສາຫາລື ແລະ ຮ່ວມກັນຊອກຫາວິທີແກ້ໄຂບັນຫາພົ້ນເດັ່ນທີ່ເກີດຂຶ້ນໃນສັງຄົມ ແລະ ສົ່ງຜົນກະທົບຕໍ່ສິດ ແລະ ຜົນປະໂຫຍດຂອງປະຊາຊົນບັນດາເຜົ່າໃນບັນດາໂຄງການລົງທຶນພັດທະນາຂອງລັດ ແລະ ຂອງພາກສ່ວນເສດຖະກິດຕ່າງໆ, ເພື່ອຕິດຕາມກວດກາການຈັດຕັ້ງປະຕິບັດບັນດາຄາດໝາຍໃຫຍ່ທາງດ້ານເສດຖະກິດ-ສັງຄົມ, ງົບປະມານແຫ່ງລັດປີ 2017 ຕາມມະຕິກອງປະຊຸມສະໄໝສາມັນເທື່ອທີ 2 ຂອງສະພາແຫ່ງຊາດວາງອອກ ເພື່ອສືບຕໍ່ຊຸກຍູ້ ແລະ ຊີ້ນໍາການຈັດຕັ້ງປະຕິບັດແຜນດັ່ງກ່າວໃນ 6 ເດືອນທ້າຍປີ ໃຫ້ບັນລຸຕາມຄາດໝາຍວາງໄວ້.

ທ່ານ​ປະທານ​ສະພາ​ແຫ່ງ​ຊາດ ກ່າວຕື່ມ​ວ່າ: ເປັນເວລາ 1 ປີກວ່າທີ່ສໍາເລັດກອງປະຊຸມຄັ້ງປະຖົມມະລຶກຂອງສະພາແຫ່ງຊາດຊຸດທີ VIII, ເຖິງວ່າສະພາບການລວມໄດ້ມີການຫັນປ່ຽນຫລາຍດ້ານ, ຊຶ່ງມີທັງດ້ານກາລະໂອກາດທີ່ເອື້ອອໍານວຍ ແລະ ມີທັງຂໍ້ຫຍຸ້ງຍາກທ້າທາຍທົດສອບຫລາຍປະການກໍຕາມ, ແຕ່ທັງສອງອົງການອໍານາດລັດຄື: ອົງການນິຕິບັນຍັດ ແລະ ລັດບໍລິຫານ ກໍໄດ້ພ້ອມກັນຍົກສູງຄວາມຮັບຜິດຊອບທາງການເມືອງຂອງຕົນ, ຈັດຕັ້ງຜັນຂະຫຍາຍເນື້ອໃນມະຕິ X ຂອງພັກ, ກໍຄືແຜນພັດທະນາເສດຖະກິດ-ສັງຄົມ 5 ປີຄັ້ງທີ VIII ຂອງລັດມາເປັນແຜນການປະຈໍາປີອັນລະອຽດໃນວຽກງານຂອງພາກສ່ວນຕົນ, ໂດຍສະເພາະແມ່ນການຈັດຕັ້ງປະຕັ້ງປະຕິບັດແຜນພັດທະນາເສດຖະກິດ-ສັງຄົມ, ແຜນງົບປະມານແຫ່ງລັດປະຈໍາປີ 2017 ຊຶ່ງເປັນປີທີສອງໃນການຈັດຕັ້ງປະຕິບັດແຜນ 5 ປີ ແມ່ນໄດ້ຮັບຜົນສໍາເລັດໃນຫລາຍດ້ານ, ຊຶ່ງໄດ້ເຮັດໃຫ້ປະເທດຊາດສືບຕໍ່ມີການພັດທະນາ, ມີສະຖຽນລະພາບທາງດ້ານເສດຖະກິດມະຫາພາກ ແລະ ມີຄວາມສະຫງົບທາງດ້ານການເມືອງ, ແຕ່ຄຽງຄູ່ກັນນັ້ນ, ຍັງສັງເກດເຫັນວ່າການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ກໍຄືແຜນງົບປະມານແຫ່ງລັດປີ 2017, ການຄຸ້ມຄອງບັນດາໂຄງການພັດທະນາຂອງລັດກໍຄືຂອງພາກເອກະຊົນທັງພາຍໃນ ແລະ ຕ່າງປະເທດຍັງມີບາງບັນທີ່ຈະຕ້ອງໄດ້ເອົາໃຈໃສ່ຊີ້ນໍາ ເພື່ອເຮັດໃຫ້ບັນດາຄາດໝາຍໃຫຍ່ທີ່ກໍານົດໄວ້ໃນແຜນພັດທະນາເສດຖະກິດ-ສັງຄົມ ແລະ ແຜນງົບປະມານແຫ່ງລັດປີ 2017 ໃຫ້ບັນລຸຕາມແຜນການທີ່ວາງໄວ້, ພ້ອມທັງປັບປຸງ ແລະ ແກ້ໄຂບາງບັນຫາທີ່ເກີດຂຶ້ນໃນສັງຄົມຊຶ່ງກະທົບເຖິງຜົນປະໂຫຍດຂອງປະຊາຊົນສ່ວນຫລວງຫລາຍໃຫ້ມີການຫັນປ່ຽນດີຂຶ້ນເປັນກ້າວໆ.