ຕໍາຫລວດເມືອງສີໂຄດຕະບອງຈັບຄົນຮ້າຍ​ຊິງຊັບຕົວອັນຕະລາຍມາດໍາເນີນຄະດີ

- advert banner 728 90 728x90 -  ຕໍາຫລວດເມືອງສີໂຄດຕະບອງຈັບຄົນຮ້າຍ​ຊິງຊັບຕົວອັນຕະລາຍມາດໍາເນີນຄະດີ

ເຈົ້າໜ້າທີ່ ປກສ ເມືອງສີໂຄດຕະບອງນະຄອນຫລວງວຽງຈັນ ໃຫ້ຮູ້ວ່າ: ເມື່ອບໍ່ດົນມານີ້, ກໍາລັງເຈົ້າໜ້າທີ່ຂອງຕົນສາມາດຈັບທ້າວ ຍົດ ອາຍຸ 20 ປີຢູ່​ບ້ານ​ນາ​ທົ່ມ​ເມືອງ​ໄຊ​ທານີ ແລະ ​ທ້າວ ແສງ​ລອນ ອາຍຸ 19 ປີຢູ່​ບ້ານ​ໜອງ​ໜ້ຽວ ​ເມືອງ​ສີ​ໂຄ​ດຕະບອງນະຄອນຫລວງ​ວຽງ​ຈັນມາ​ດຳ​ເນີນ​ຄະດີ, ພາຍຫລັງພວກເຂົາໄດ້ຮ່ວມກັນກໍ່ເຫດຊິງຊັບພົນລະເມືອງຫລາຍຄັ້ງໃນຕົວເມືອງ ແລະ ຄັ້ງລ່າສຸດເກີດຂຶ້ນເມື່ອຕົ້ນເດືອນສິງຫານີ້, ໂດຍທັງສອງໄດ້ດຶງກະເປົາຂອງພົນລະເມືອງໃນເສັ້ນທາງເຂດບ້ານຂຸນຕາທົ່ງເມືອງສີໂຄດຕະບອງ ແລະ ໄດ້ຊັບສີນໄປຫລາຍກວ່າ 10 ລ້ານກີບ, ແຕ່ກ້ອງວົງຈອນປິດໃກ້ຈຸດເກີດເຫດສາມາດຈັບພາບໄວ້ໄດ້ ຈຶ່ງເປັນຫລັກຖານໃຫ້ເຈົ້າໜ້າທີ່ສາມາດນໍາຈັບຕົວມາດໍາເນີນຄະດີໄດ້ພາຍຫລັງ 3 ວັນຕໍ່ມາ.

- lattana 1 -  ຕໍາຫລວດເມືອງສີໂຄດຕະບອງຈັບຄົນຮ້າຍ​ຊິງຊັບຕົວອັນຕະລາຍມາດໍາເນີນຄະດີ

ຜ່ານການສືບສວນ-ສອບສວນຂອງເຈົ້າໜ້າທີ່ພວກກ່ຽວຮັບສາລະພາບວ່າ: ມື້ກໍ່​ເຫດ​ແມ່ນ​ກັບ​ມາ​ແຕ່​ໄປ​ຫລິ້ນ​ເຮືອນ​ໝູ່ ແລະ ພໍ​ຂີ່ລົດມາ​ຮອດເຂດ​ບ້ານ​ຂຸນ​ຕາ​​ເຫັນ​ຍິງສູງອາຍຸກໍາລັງ​ລ້ຽວລົດຈັກ​ເຂົ້າຮ່ອມ​ ແລະ ​ເຫັນ​ກະ​ເປົາ​ຫ້ອຍ​ຢູ່​ເຂົາ​ລົດ​ຈຶ່ງ​ໄດ້​ຂີ່​ລົດ​ເຂົ້າ​ໄປ​ດຶງ​ເອົາ​ກະ​ເປົາແລ້ວຫລົບໜີ​, ໂດຍ​ໃນ​ກະ​ເປົາ​ມີ​ເງິນ 6,5 ລ້ານກີບ ແລະ 4.670 ບາດ (ສະກຸນເງິນໄທ) ໂດຍ​ໄດ້​ແບ່ງປັນ​ກັນ ແລະ ຕໍ່ມາກໍຖືກເຈົ້າໜ້າທີ່ຈັບຕົວມາດໍາເນີນຄະດີ ແລະ ພ້ອມທັງໄດ້ສາລະພາບຕື່ມອີກວ່າ: ເມື່ອ​ເດືອນ​ກໍລະກົດຜ່ານມາ, ​ໄດ້ຮ່ວມກັນ​ຊີງ​ຊັບ​ປະຊາຊົນ​ຢູ່​​ເຂດ​ບ້ານ​ນາ​ທົ່ມ​ເມືອງ​ໄຊ​ທານີ ແລະ ​ໄດ້​ເງິນ 1 ລ້ານ​ກວ່າ​ກີບ.