ມວນຊົນ​ຮ່ວມ​ບໍລິຈາກ​ເລືອດ​ເນື່ອງໃນໂອກາດ​ວັນ​ສ້າງ​ຕັ້ງ​ສູນ​ກາງ​ແນວ​ລາວ​ສ້າງ​ຊາດຄົບຮອບ 67 ປີ

- advert banner 728 90 728x90 - ມວນຊົນ​ຮ່ວມ​ບໍລິຈາກ​ເລືອດ​ເນື່ອງໃນໂອກາດ​ວັນ​ສ້າງ​ຕັ້ງ​ສູນ​ກາງ​ແນວ​ລາວ​ສ້າງ​ຊາດຄົບຮອບ 67 ປີ

ວັນ​ທີ 15 ສິງຫາ​ນີ້, ສູນ​ກາງ​ແນວ​ລາວ​ສ້າງ​ຊາດ​ຮ່ວມ​ກັບກະຊວງ​ຖະ​ແຫລ​ງຂ່າວ, ວັດທະນະທຳ ​ແລະ ທ່ອງ​ທ່ຽວ, ຄະນະ​ບໍລິຫານ​ງານ​ສູນ​ກາງ​ຊາວ​ໜຸ່ມ​ປະຊາຊົນ​ປະຕິວັດ​ລາວ ແລະ ອົງການ​ກາ​ແດງ​ລາວ ​ໄດ້ຈັດ​ຂະ​ບວນການ​ບໍລິຈາກ​ເລືອດ​ຊ່ວຍ​ສັງຄົມເນື່ອງ​ໃນ​ໂອກາດ​ວັນ​ສ້າງ​ສູນແນວ​ລາວ​ສ້າງຊາດຄົບຮອບ 67 ປີ (13 ສິງຫາ 1950-13 ສິງຫາ 2017) ພາຍ​ໃຕ້​ຄຳ​ຂວັນ: “ບໍລິຈາກ​ເລືອດ​ແມ່ນ​ຮັກ​ຊາດ ​ແລະ ພັດທະນາ” ​ຂຶ້ນ​ທີ່​ສູນ​ຝຶກ​ອົບຮົມ​ແນວ​ລາວ​ສ້າງ​ຊາດນະຄອນຫລວງ​ວຽງ​ຈັນ, ໂດຍມີ​ທ່ານ ​ໄຊ​ສົມ​ພອນ ພົມວິຫານ ປະທານ​ສູນ​ກາງ​ແນວ​ລາວ​ສ້າງ​ຊາດ, ​ທ່ານ ຄຳ​ຮຸ່ງ ​ເຮືອງ​ວົງ​ສີ ປະທານ​ອົງການ​ກາ​ແດງ​ລາວ, ມີ​ບັນດາ​ການ​ນຳ​ພັກ-ລັດ, ອົງການ​ຈັດ​ຕັ້ງ​ມະຫາຊົນ​​ ​ແລະ ພາກສ່ວນ​ກ່ຽວຂ້ອງ, ພ້ອມດ້ວຍມວນຊົນຊາວນະຄອນຫລວງວຽງຈັນເຂົ້າ​ຮ່ວມ​ບໍລິຈາກ​ເລືອດ​ເປັນ​ຈຳນວນຫລາຍ.

- lattana 1 - ມວນຊົນ​ຮ່ວມ​ບໍລິຈາກ​ເລືອດ​ເນື່ອງໃນໂອກາດ​ວັນ​ສ້າງ​ຕັ້ງ​ສູນ​ກາງ​ແນວ​ລາວ​ສ້າງ​ຊາດຄົບຮອບ 67 ປີ

ທ່ານປະທານ​ອົງການ​ກາ​ແດງ​ລາວ ກ່າວ​ວ່າ: ເພື່ອສະ​ເຫລີ​ມສະຫລອງ​ວັນ​ສ້າງ​ຕັ້ງ​ສູນ​ກາງ​ແນວ​ລາວ​ສ້າງ​ຊາດຄົບຮອບ 67 ປີ, ສູນ​ກາງແນວ​ລາວ​ສ້າງ​ຊາດ ​ແລະ ພາກ​ສ່ວນ​ກ່ຽວຂ້ອງ​​ເຫັນ​ໄດ້​ເຖິງ​ຄວາມ​ສຳຄັນ​ຂອງ​ການ​ບໍລິຈາກ​ເລືອດ​, ຈຶ່ງ​ໄດ້​ຈັດ​ຕັ້ງ​ຂະ​ບວນການ​ດັ່ງກ່າວ​ຂຶ້ນ​ເພື່ອ​ຊ່ວຍ​ເຫລືອ​ສັງຄົມ, ຊຶ່ງ​ລັດຖະບານ​ໄດ້​ຮັບຮອງ​​ເອົາ​ການ​ບໍລິຈາກ​ເລືອດ-ສົ່ງ​ເລືອດ​ເປັນ​ນະ​ໂຍບາຍ​ຂອງ​ລັດຖະບານນັບ​ແຕ່​ປີ 1995 ​ເປັນ​ຕົ້ນ​ມາ, ​ຈາກ​ນັ້ນການ​ບໍລິຈາກ​ເລື​ອດ​ແບບ​ສະໝັກ​ໃຈ ​ໂດຍ​ບໍ່​ຮຽກຮ້ອງ​ຜົນ​ຕອບ​ແທນ​ໄດ້​ຖືກ​ຍອມຮັບ​ຈາກ​ສັງຄົມ​ລາວ ​ແລະ ຜູ້​ເຂົ້າ​ຮ່ວມ​ບໍລິຈາກ​ເລືອດ​ໃນ​ແຕ່ລະ​ປີ​ແມ່ນ​ມີຈໍານວນ​ເພີ່ມຫລາຍ​ຂຶ້ນ, ​ເຖິງ​ຢ່າງ​ໃດ​ກໍດີ, ​ປັດຈຸບັນຍັງ​ມີ​ຄວາມ​ຕ້ອງການ​ເລືອດ​ນັບ​ມື້​​ເພີ່ມ​ຂຶ້ນ, ຊຶ່ງ​ມີ​ບາງ​ໄລຍະ​ຢູ່​ສູນ​ເລືອດກໍ​ມີ​ເລືອດ​ຈຳກັດ ແລະ ບໍ່​ສາມາດ​ຕອບ​ສະໜອງ​ໃຫ້​ຄົນ​​ເຈັບໄດ້ຢ່າງທົ່ວເຖິງ ​ເປັນ​ຕົ້ນ​ແມ່ນ​ໄລຍະ​ເກີດມີ​ໄພພິບັດ, ​​ອຸປະ​ຕິ​ເຫດ​ໃຫຍ່ ​ແລະ ອື່ນໆ.

ໃນໂອກາດນີ້, ສູນກາງແນວລາວສ້າງຊາດໃຫ້ຮູ້ວ່າ: ກ່ອນໜ້ານີ້, ຄືວັນ​ທີ 13 ສິງຫາ 1950 ກອງ​ປະຊຸມ​ໃຫຍ່​ຜູ້​ແທນ​ແນວ​ລາວ​ຕໍ່ຕ້ານ​ໄດ້​ໄຂ​ຂຶ້ນ​ຢູ່​ແຂວງ​ຕວຽນ​ກວາງ ​ສສ.ຫວຽດນາມ ແລະ ໄດ້​ປະກາດ​ສ້າງ​ຕັ້ງ​ແນວ​ລາວ​ອິດສະຫລະ ຂຶ້ນ​ຢ່າງ​ເປັນ​ທາງ​ການ ແລະ ​ໃນ​ປີ 1956 ​ໄດ້​ປ່ຽນ​ຊື່​ມາ​ເປັນ​ແນວ​ລາວ​ຮັກ​ຊາດ ​ແລະ ຕົກ​ມາ​​ປີ 1979 ​ໄດ້​ປ່ຽນ​ຊື່​ມາ​ເປັນ​ແນວ​ລາວ​ສ້າງ​ຊາດຈົນ​ຮອດ​ປັດຈຸບັນ, ຊຶ່ງ​ໃນ​ແຕ່ລະ​ປີ​ໄດ້ຈັດໃຫ້ມີການສະ​ເຫລີ​ມສະຫລອງ​ວັນສໍາຄັນ​ດັ່ງກ່າວ​ ​ເພື່ອເປັນການຫວນ​ຄືນ​ມູນ​ເຊື້ອ​​ອັນ​ສະຫງ່າ​ອົງອາດ ​ແລະ ຜົນງານ​ອັນ​ພົ້ນ​ເດັ່ນ​ຂອງສູນກາງແນວລາວສ້າງຊາດທີ່ຍາດມາໄດ້ໃນແຕ່ລະໄລຍະ.