ລາວເອົາໃຈໃສ່ຕ້ານການລັກລອບຊື້-ຂາຍສັດປ່າ

- advert banner 728 90 728x90 - ລາວເອົາໃຈໃສ່ຕ້ານການລັກລອບຊື້-ຂາຍສັດປ່າ

ເມື່ອບໍ່ດົນມານີ້, ກົມ​ປ່າໄມ້ກະຊວງກະສິກໍາ-ປ່າໄມ້, ກອງ​ຄຸ້ມ​ຄອງ​ສະໜາມບິນ​ວັດ​ໄຕ, ດ່ານ​ພາສີ​ປະຈຳ​ສະໜາມ​ບິນວັດ​ໄຕ, ຕໍາຫລວດກວດຄົນເຂົ້າເມືອງ (​ຕມ) ແລະ ເຈົ້າ​ໜ້າທີ່​ກັກ​ກັນພືດອົງການຈັດຕັ້ງ​ສາກົນ ໄດ້ຮ່ວມກັນເປີດ​ປ້າຍໂຄສະນາ​ຢຸດ​ການຊື້-ຂາຍສັດປ່າໃນ ​ສປປ ລາວຂະໜາດໃຫຍ່ຢູ່ສະໜາມ​ບິນ​ສາກົນ​ວັດ​ໄຕ ແລະ ດ່ານ​ສາກົນຂົວ​ມິດຕະພາບລາວ-ໄທ 1 ເພື່ອ​ເປັນ​ການປະກອບສ່ວນ​ສ້າງ​ຄວາມ​ເຂັ້ມແຂງໃນ​ການ​ບັງຄັບ​ໃຊ້​ກົດໝາຍວ່າ​ດ້ວຍສັດ​ນ້ຳ-ສັດປ່າ (LENS2) ທັງເປັນການ​​ຕ້ານ ແລະ ສະກັດ​ກັ້ນການ​ລັກລອບ​ຄ້າ-ຂາຍ​ສັດປ່າຂ້າມ​ຊາດ ໂດຍ​ປະຕິບັດ 3 ກິດຈະ​ກຳຫລັກຄື: ການສ້າງ​ຍຸດ​ທະ​ສາດ​ມາດຕະ​ຖານກ່ຽວ​ກັບ​ການຈັດຕັ້ງ​ປະຕິ​ບັດເຄືອ​ຂ່າຍ​ບັງຄັບ​ໃຊ້​ກົດໝາຍວ່າ​ດ້ວຍ​ສັດ​ນ້ຳ-ສັດປ່າ ​ສປປ ລາວ, ຊຸກຍູ້​ນຳພາ​ອົງການສືບສວນ-ສອບ​ສວນ​ເພື່ອ​ດຳເນີນ​ການຈັດຕັ້ງປະຕິບັດ​ກົດໝາຍ​ວ່າ​ດ້ວຍ​ສັດນ້ຳ-ສັດປ່າ ແລະ ສົນທິ​ສັນຍາ​ສາກົນ CITES ທີ່​ລັດຖະ​ບານ​ໄດ້​ລົງ​ນາມ​ການ​ຄຸ້ມຄອງ ແລະ ການ​ສ້າງ​ຄວາມ​ອາດ​ສາມາດ​ໃຫ້​ເຈົ້າ​ໜ້າທີ່​ປ່າໄມ້ ແລະ ໜ່ວຍງານ​ເຄືອ​ຂ່າຍ​ບັງຄັບ​ໃຊ້​ກົດໝາຍວ່າ​ດ້ວຍສັດ​ນ້ຳ-ສັດປ່າ​ໃຫ້​ມີຄວາມ​ເຂັ້ມ​ງວດ​ ເພື່ອ​ສະກັດ​ກັ້ນ​ການ​ຄ້າ-ຂາຍສັດປ່າ, ສີ້ນສ່ວນ​ຂອງ​ສັດປ່າ​ທີ່​ຜິດກົດໝາຍ ໂດຍ​ສະເພາະ​ຊະນິດ​ສັດປ່າທີ່​ໃກ້​ຈະສູນພັນໃນລາວ ແລະ ສາກົນ​ລະຫວ່າງ​ຊາດ ເຊັ່ນ: ສັດລ້ຽງ​ລູກ​ດ້ວຍ​ນ້ຳ​ນົມ​ຂະໜາດໃຫຍ່​ປະເພດເສືອ, ຊ້າງ, ທະນີ, ລີງ ແລະ ສັດລ້ຽງ​ລູກ​ດ້ວຍ​ນ້ຳ​ນົມ​ຂະໜາດນ້ອຍ ​ເຊັ່ນ: ​ລິ່ນ, ສັດ​ເລືອ​ຄານປະເພດເຕົ່າ, ງູ​ສິງ, ງູເຫລືອມ, ງູ​ເຫົ່າ, ງູຈົງອາງ ແລະ ພັນ​ພືດ​ປ່າ​ຊະນິດຕ່າງໆທີ່​ໃກ້​ຈະ​ສູນພັນ. ທັງ​ນີ້ກໍເພື່ອເປັນການ​ປູກ​ຈິດ​ສຳນຶກໃຫ້ ທຸກພາກສ່ວນສັງຄົມເຂົ້າຮ່ວມໃນ​ວຽກງານ​ສະກັດ​ກັ້ນ​ການ​ຄ້າ-ຂາຍ​ສັດປ່າ​ທີ່ຜິດ​ກົດໝາຍໃຫ້​ມີ​ປະ​ສິດທິຜົນ​ສູງ.

- lattana 1 - ລາວເອົາໃຈໃສ່ຕ້ານການລັກລອບຊື້-ຂາຍສັດປ່າ