ສະພາ​ການ​ຄ້າ​ຈີນປະຈຳ​ລາວມອບ​ເງິນຊ່ວຍ​​ເຫລືອ​ຜູ້​ປະສົບໄພຈາກເຫດ​ໄຟ​ໄໝ້ສູນການຄ້າ​ສາກົນ​ຊັ່ງ​ຈຽງ

- advert banner 728 90 728x90 - ສະພາ​ການ​ຄ້າ​ຈີນປະຈຳ​ລາວມອບ​ເງິນຊ່ວຍ​​ເຫລືອ​ຜູ້​ປະສົບໄພຈາກເຫດ​ໄຟ​ໄໝ້ສູນການຄ້າ​ສາກົນ​ຊັ່ງ​ຈຽງ

ໃນວັນ​ທີ 15 ສິງຫານີ້, ທ່ານ ຟ້າ​ນ ກວ່າ​ງຢີ ​ເລຂາທິການ​ສະພາ​ການ​ຄ້າແຫ່ງ ສປ​ຈີນ ປະຈຳ​ລາວ, ​ໄດ້​ນຳເງິນຈຳນວນ 300 ກວ່າ​ລ້ານ​ກີບທີ່ໄດ້ຈາກ ລະດົມນໍາພາກສ່ວນນັກ​ທຸລະ​ກິດ​ຈີນ ​ແລະ ສະພາ​ການ​ຄ້າ​ຈີນປະຈຳ​ລາວ ໄປມອບ​ໃຫ້​ຜູ້​ປະສົບ​ໄພຈາກເຫດການ​ໄຟ​ໄໝ້ສູນການຄ້າສາກົນ​ຊັ່ງ​ຈຽງຢູ່ນະຄອນຫລວງວຽງຈັນ​ໃນ​ຄັ້ງ​ວັນ​ທີ 14 ກໍລະກົດຜ່ານ​ມາ.

- lattana 1 - ສະພາ​ການ​ຄ້າ​ຈີນປະຈຳ​ລາວມອບ​ເງິນຊ່ວຍ​​ເຫລືອ​ຜູ້​ປະສົບໄພຈາກເຫດ​ໄຟ​ໄໝ້ສູນການຄ້າ​ສາກົນ​ຊັ່ງ​ຈຽງ

ທ່ານ ຟ້າ​ນ ກວ່າ​ງຢີ ກ່າວ​ວ່າ: ​ເງິ​ນຈຳນວນ​ດັ່ງກ່າວ​ແມ່ນ​ສະພາ​ການ​ຄ້າ​ຈີນ ປະຈຳ​ລາວ​ໄດ້​ຮວບ​ຮວມຈາກ​ການ​ຊ່ວຍ​ເຫລືອຂອງ​ບັນດາ​ນັກທຸລະກິດຈີນຢູ່​ລາວ ​ແລະ ພະນັກງານ​ຈາກ​ສະພາ​ການ​ຄ້າ​ຈີນ​ປະຈຳ​ລາວ ​ເພື່ອຊ່ວຍ​ແບ່ງ​ເບົາຄວາມເສຍຫາຍຂອງ​ຜູ້​ປະສົບ​ເຫດ​ໄຟ​ໄໝ້ດັ່ງກ່າວໃນເບື້ອງຕົ້ນ, ຊຶ່ງມີ​ຈຳນວນ 175 ຮ້ານ ​ແລະ ​ສະພາ​ການ​ຄ້າ​ຈີນປະຈຳ​ລາວຍັງ​ຈະສືບຕໍ່​ລະດົມ​ຈາກບັນດາຫົວໜ່ວຍທຸລະກິດຈາກຈີນເພື່ອໃຫ້ການ​ຊ່ວຍ​ເຫລືອ​ເພີ່ມ​ຕື່ມ​ອີກ​.

ແລະ​ເມື່ອ​ບໍ່ດົນ​ມານີ້, ​ເຈົ້າໜ້າທີ່​​ ໄດ້​ເປີດ​ເຜີຍຄັ້ງລ້າສຸດໃຫ້ຮູ້ວ່າ: ການ​ສືບສວນ-ສອບ​ສວນຫາ​ສາ​ເຫດ​ໄຟ​ໄໝ້ສູນການຄ້າສາກົນ​ຊັ່ງຈຽງແມ່ນ​ຄວາມ​ຄືບໜ້າກວ່າ 80%, ພາຍຫລັງ​ໄດ້​ລົງ​ເກັບ​ກຳ​ຂໍ້​ມູນຫລັກຖານທາງນິຕິວິທະຍາ, ເກັບກຳຂໍ້ມູນຈາກກ້ອງວົງຈອນປິດຢູ່ຈຸດເກີດເຫດ ແລະ ການສືບສວນ-ສອບສວນບຸກຄົນທີ່ຢູ່ໃນເຫດການ, ຊຶ່ງຄາດວ່າຈະແມ່ນໄຟຟ້າລັດວົງຈອນ ແລະ ປັດຈຸບັນ​ໄດ້​ສະຫລຸບ​ສຳນວນ​ຄະດີ​ໃຫ້​ກົມ​ຕຳຫລວດສືບສວນ-ສອບ​ສວນກະຊວງ​ປ້ອງ​ກັນ​ຄວາມ​ສະຫງົບ​ເພື່ອ​ກຽມຖະ​ແຫລ​ງຂ່າວ​ໃຫ້​ມວນ​ຊົນໄດ້​ຮັບ​ຊາບ​ສາ​ເຫດການ​ເກີດ​ໄຟ​ໄໝ້ທີ່ແທ້ຈິງໃນໄວໆນີ້.