ອາເມລິກາລາຕິນປະສານສຽງຄັດຄ້ານ ອາເມລິກາໃຊ້ທະຫານກັບເວເນຊູເອລາ

- advert banner 728 90 728x90 - ອາເມລິກາລາຕິນປະສານສຽງຄັດຄ້ານ ອາເມລິກາໃຊ້ທະຫານກັບເວເນຊູເອລາ

- fi4zune9 - ອາເມລິກາລາຕິນປະສານສຽງຄັດຄ້ານ ອາເມລິກາໃຊ້ທະຫານກັບເວເນຊູເອລາ

- lattana 1 - ອາເມລິກາລາຕິນປະສານສຽງຄັດຄ້ານ ອາເມລິກາໃຊ້ທະຫານກັບເວເນຊູເອລາ

ອາກຊັງຕິນເປັນປະເທດຫລ້າສຸດໃນອາເມລິກາໃຕ້ ທີ່ສະແດງຈຸດຢືນຢ່າງຈະແຈ້ງວ່າ ບໍ່ເຫັນພ້ອມ ຖ້າອາເມລິກາຈະໃຊ້ວິທີ ແຊກແຊງທາງທະຫານຢູ່ເວເນຊູເອລາ.

 

+ UN ລະບຸລັດຖະບານເວເນຊູເອລາໃຊ້ກຳລັງ ເກີນຄວນໃນການລະງັບເຫດປະທ້ວງ

+ ອາເມລິກາຂວ້ຳບາດ ປະທານາທິບໍດີເວເນຊູເອລາ

+ ເວເນຊູເອລາບໍ່ສົນຄຳຂູ່ຂອງ ທ່ານ ທຣຳ ເດີນໜ້າຈັດເລືອກຕັ້ງ ສະພາຮ່າງລັດຖະທຳມະນູນ

 

ສຳນັກຂ່າວຕ່າງປະເທດລາຍງານຈາກນະຄອນຫລວງບົວໂນສໄອເຣສ ປະເທດອາກຊັງຕິນ ໃນວັນທີ 16 ສິງຫານີ້ວ່າ: ປະທານາ ທິບໍດີ ເມົາຣິຊິໂອ ມາຄຣີ ຜູ້ນຳອາກຊັງຕິນ ກ່າວພາຍຫລັງສຳເລັດການຫາລືຮ່ວມກັບທ່ານ ໄມ ເພນ ຮອງປະທານາທິບໍດີອາເມລິ ກາ ຢູ່ນະຄອນຫລວງບົວໂນສໄອເຣສ ໃນວັນທີ 15 ສິງຫາວ່າ: ການໃຊ້ມາດຕະການທາງທະຫານບໍ່ແມ່ນທາງອອກໃນການແກ້ໄຂວິ ກິດການການເມືອງຢູ່ເວເນຊູເອລາ, ແຕ່ຕ້ອງເປັນການເຈລະຈາຕາມວິທີການທູດເທົ່ານັ້ນ. ຂະນະທີ່ຮອງຜູ້ນຳອາເມລິກາກ່າວຍົກ ຍ້ອງອາກຊັງຕິນໃຫ້ເປັນຕົ້ນແບບຂອງການປະຕິຮູບການເມືອງ ແລະ ເສດຖະກິດ ແລະ ກ່າວເຖິງກະແສຄັດຄ້ານການໃຊ້ຄວາມ ຮຸນແຮງຕໍ່ເວເນຊູເອລາທີ່ເພີ່ມຂຶ້ນວ່າ: ລັດຖະບານວໍຊິງຕັນຍັງພິຈາລະນາທາງເລືອກຫລາຍທາງ, ແຕ່ຍັງເຊື່ອໝັ້ນວ່າມາດຕະ ການດີທີ່ສຸດ ຄືການກົດດັນທາງການເມືອງ ແລະ ເສດຖະກິດ ແລະ ທ້າຍທີ່ສຸດແລ້ວ ບັນຫາຢູ່ເວເນຊູເອລາຈະໄດ້ຮັບການແກ້ໄຂ ຢ່າງສັນຕິ.

- smcrwjd9 - ອາເມລິກາລາຕິນປະສານສຽງຄັດຄ້ານ ອາເມລິກາໃຊ້ທະຫານກັບເວເນຊູເອລາ

ເຖິງວ່າກຸ່ມປະເທດໃນອາເມລິກາລາຕິນສ່ວນຫລາຍບໍ່ຍອມຮັບກໍລະນີທີ່ເວເນຊູເອລາຈັດການເລືອກຕັ້ງສະພາປະຊາຊົນ ໃນ ວັນທີ 30 ກໍລະກົດຜ່ານມາ ແລະ ສະຖາປະນາໃຫ້ເປັນອົງການການເມືອງທີ່ມີອຳນາດເໜືອສະພານິຕິບັນຍັດແຫ່ງຊາດ ເຊິ່ງເປັນ ສະຖາບັນການເມືອງພາຍໃຕ້ລັດຖະທຳມະນູນ ແລະ ຕ້ອງການໃຫ້ປະທານາທິບໍດີ ນິໂຄລັສ ມາດູໂຣ ລາອອກຈາກຕຳແໜ່ງເພື່ອ ຮັບຜິດຊອບຕໍ່ຄວາມຫລົ້ມເຫລວໃນການບໍລິຫານປະເທດທີ່ແຜ່ລາມເປັນການຊຸມນຸມປະທ້ວງຂັບໄລ່ນັບແຕ່ເດືອນເມສາຜ່ານມາ ແລະ ສົ່ງຜົນໃຫ້ມີຜູ້ເສຍຊີວິດແລ້ວຫລາຍກວ່າ 120 ຄົນ, ແຕ່ປະເທດໃກ້ຄຽງຂອງເວເນຊູເອລາ ນຳໂດຍໂກລົມບີ, ບຣາຊິນ ແລະ ອາກຊັງຕິນ ລວມພະລັງກັນຄັດຄ້ານຕໍ່ກໍລະນີທີ່ປະທານາທິບໍດີ ໂດນັນ ທຣຳ ກ່າວໃນອາທິດຜ່ານມາວ່າ: ການໃຊ້ມາດຕະການທາງ ທະຫານເປັນໜຶ່ງໃນແນວທາງທີ່ອາເມລິກາກຳລັງພິຈາລະນາ ເພື່ອແກ້ໄຂສະຖານະການຢູ່ເວເນຊູເອລາ ທີ່ລັດຖະບານວໍຊິງຕັນບໍ່ ອາດເມີນເສີຍໄດ້ຕະຫລອດໄປ.

- xkvw4wdc - ອາເມລິກາລາຕິນປະສານສຽງຄັດຄ້ານ ອາເມລິກາໃຊ້ທະຫານກັບເວເນຊູເອລາ