5 ອົງປະກອບທີ່ຈະຊ່ວຍໃຫ້ທ່ານປະສົບຄວາມສຳເລັດໄດ້

- advert banner 728 90 728x90 - 5 ອົງປະກອບທີ່ຈະຊ່ວຍໃຫ້ທ່ານປະສົບຄວາມສຳເລັດໄດ້

ທ່ານເຄີຍສົງໄສຫລືບໍ່ວ່າມີຫຍັງແດ່ທີ່ຊ່ວຍໃຫ້ປະສົບຄວາມສຳເລັດໄດ້ ໂດຍທີ່ຄວາມສຳເລັດນັ້ນເປັນສິ່ງທີ່ຍາກຈະຄ້ວາມາເປັນຂອງເຮົາໄດ້, ແຕ່ນັ້ນເປັນທຳມະດາທີ່ທຸກຄົນກໍຢາກຈະສົມຫວັງໃນເລື່ອງໜ້າທີ່ວຽກງານຫລາຍກ່ວາ ແລະ ມື້ນີ້ພວກເຮົາກໍມີ 5 ອົງປະກອບທີ່ສາມາດຊ່ວຍໃຫ້ຄົນເຮົາປະສົບຄວາມສຳເລັດໄດ້ມາແນະນຳທ່ານ.

- lattana 1 - 5 ອົງປະກອບທີ່ຈະຊ່ວຍໃຫ້ທ່ານປະສົບຄວາມສຳເລັດໄດ້
  1. ໄດ້ຮັບການສະໜັບສະໜູນຢ່າງດີຈາກຄອບຄົວ : ພະລັງຮັກ ແລະ ຄວາມເອົາໃຈໃສ່ຂອງພໍ່ແມ່ ພີ່ນ້ອງ ຊ່ວຍສົ່ງເສີມໃຫ້ໃຜຕໍ່ໃຜໄດ້ດີກັນມາຫລາຍແລ້ວ ເຊິ່ງເມື່ອຮາກຖານຄອບຄົວດີ ກໍຖືວ່າທ່ານປະສົບຄວາມສຳເລັດໄປເຄິ່ງໜຶ່ງແລ້ວ.
  2. ບໍ່ທໍ້ຖອຍເຖິງວ່າຈະຖືກວິພາກວິຈານ : ຈື່ໄວ້ວ່າຄົນເກັ່ງລະດັບໂລກບໍ່ໄດ້ເກີດມາເພື່ອເຮັດສິ່ງທີ່ຖືກຕ້ອງໄປໝົດ ທຸກຄົນລ້ວນແຕ່ເຄີຍໄດ້ຮັບສຽງວິພາກວິຈານທີ່ດີ ແລະ ບໍ່ດີມາແລ້ວທັງໝົດ, ແຕ່ກໍຂໍໃຫ້ເປັນຄຳວິພາກວິຈານນັ້ນມາຈາກຄວາມຈິງໃຈ ເຊື່ອວ່າທຸກຄົນສາມາດຍອມຮັບການຕຳໜິໄດ້ ທັງຍັງຈະນຳເອົາຄຳວິຈານດັ່ງກ່າວມາປັບໂຕແກ້ໄຂມັນ ຂໍພຽງຢ່າທໍ້ຖອຍກ່ອນ ຮັບຮອງຄວາມສຳເລັດຢູ່ບໍ່ໄກຈາກທ່່ານແລ້ວ.
  3. ຮູ້ພະລັງທີ່ມີຢູ່ໃນໂຕ ແລະ ໃຊ້ພະລັງນັ້ນໄປໃນທາງສ້າງສັນ : ເຖິງວ່າທ່ານຈະມີພະລັງງານຢູ່ໃນໂຕເຫລືອເຟືອ, ແຕ່ພັດໃຊ້ພະລັງງານທີ່ມີຢູ່ໄປກັບສິ່ງທີ່ບໍ່ເກີດປະໂຫຍດຫລາຍ ເປັນແນວນີ້ຈະປະສົບຄວາມສຳເລັດໄດ້ແນວໃດ. ດັ່ງນັ້ນຈົ່ງໃຊ້ພະລັງງານໃຫ້ຖືກບ່ອນຖືກທາງຈຶ່ງຈະເປັນສິ່ງທີ່ດີສຸດ.
  4. ບໍ່ລັງເລທີ່ຈະເລືອກຄົນຮັກທີ່ເກັ່ງເທົ່າໆກັນເພື່ອຊ່ວຍກັນສ້າງຖານະ : ຄົນທີ່ປະສົບຄວາມສຳເລັດຫລາຍຄົນແລ້ວ ບາງເທື່ອບໍ່ໄດ້ເກັ່ງ ຫລື ເຮັດຫຍັງດີໄປໝົດດ້ວຍຕົນເອງ, ແຕ່ເຂົາຕາດີໃນການແນມຫາຄົນຮັກທີ່ສາມາດມາຊ່ວຍທຳມາຫາກິນເພື່ອສ້າງອະ ນາຄົດທີ່ດີຮ່ວມກັນ. ສະນົ້ນ ຈົ່ງຢ່າຢ້ານວ່າຄົນຮັກຂອງທ່ານຈະເກັ່ງ ແລະ ເດັ່ນກ່ວາ, ແຕ່ທັງສອງຄວນຊຸກຍູ້ຊ້ວານຊູເຊິ່ງກັນ ແລະ ກັນ ເພື່ອສ້າງອະນາຄົດທີ່ສົດໃສໄປພ້ອມໆກັນຈຶ່ງຈະຖືກ.
  5. ກະຕືລືລົ້ນ ແລະ ຮູ້ຈັກຮຽນຮູ້ສິ່ງໃໝ່ໆຢູ່ສະເໝີ : ດັ່ງນັ້ນ ແມ່ນຫຍັງທ່ີເຮັດໃຫ້ທ່ານໄດ້ຮັບປະສົບການໃໝ່ໆ ຫລື ຄວາມຮູ້ໃໝ່ໆ ຄວນຟ້າວຕັກຕວງສິ່ງເຫລົ່ານີ້ມາປະດັບສະໝອງຂອງທ່ານໄວ້ ຢ່າເຮັດໂຕນຳບໍ່ທັນກະແສສິ່ງທີ່ເກີດຂຶ້້ນອ້ອມຂ້າງ ຖ້າບໍ່ດັ່ງນັ້ນທ່ານຈະກ້າວໄປສູ່ເປົ້າໝາຍໄດ້ແນວໃດ ການຮຽນຮູ້ສິ່ງໃໝ່ໆຢູ່ສະເໝີຈະຊ່ວຍໃຫ້ທ່ານບໍ່ເປັນຄົນຫລ້າຫລັງ ທັງຍັງເຮັດວຽກຫຍັງກໍມັກຈະກ້າວໜ້າກ່ວາຄົນອື່ນ.

ພວກເຮົາຫວັງວ່າທີ່ເວົ້າມານີ້ຈະເປັນປັດໄຈຊ່ວຍໃຫ້ທ່ານກ້າວໄປຂ້າງໜ້າເພື່ອຄວາມສຳເລັດໄດ້ຢ່າງໝັ້ນຄົງ.