ຟີລິບປິນລະດົມກອງທັບຊ່ວຍກຳຈັດ ສັດປີກສະກັດໄຂ້ຫວັດສັດປີກ

- advert banner 728 90 728x90 - ຟີລິບປິນລະດົມກອງທັບຊ່ວຍກຳຈັດ ສັດປີກສະກັດໄຂ້ຫວັດສັດປີກ

- 1502871179831 960x0 - ຟີລິບປິນລະດົມກອງທັບຊ່ວຍກຳຈັດ ສັດປີກສະກັດໄຂ້ຫວັດສັດປີກ

- lattana 1 - ຟີລິບປິນລະດົມກອງທັບຊ່ວຍກຳຈັດ ສັດປີກສະກັດໄຂ້ຫວັດສັດປີກ

ລັດຖະມົນຕີ​ກະສິກຳ​ຟີ​ລິບ​ປິນຖະ​ແຫລ​ງ​ໃນ​ວັນ​ທີ 16 ສິງຫາ​ວ່າ: ທາງ​ການ​ຈະ​ລະດົມ​ກຳລັງ​ທະຫານ​ຫລາຍ​ຮ້ອຍ​ຄົນ ​ເພື່ອ​ເລັ່ງຂ້າ​ກຳຈັດ​ສັດ​ປີກ 600.000 ​ໂຕ ຕາມ​ແຜນ​ຄວາມ​ພະຍາຍາມ​ຄວບ​ຄຸມ​ໄຂ້ຫວັດ​ສັດ​ປີກ​ລະບາດ​ເປັນຄັ້ງທຳ​ອິດ​ໃນ​ຟີ​ລິບ​ປິນ.

 

+ ອາຟຣິກາໃຕ້ຢືນຢັນພົບໄຂ້ຫວັດສັດປີກ H5N8 ຢູ່ຟາມນົກກະຈອກເທດ

+ ສ.ເກົາຫລີ ສັ່ງຢຸດການຂົນສົ່ງສັດປີກຊົ່ວຄາວ ຂະນະພະຍາຍາມຄວບຄຸມໄຂ້ຫວັດສັດປີກ

 

​ເຖິງ​ຢ່າງ​ໃດ​ກໍ​ຕາມ ມາ​ຮອດ​ປັດຈຸບັນ​ຍັງ​ບໍ່​ມີ​ລາຍ​ງານ​ຄົນ​ຕິດ​ເຊື້ອ​ໄວຣັດ​ໄຂ້ຫວັດ​ສັດ​ປີກ ພາຍຫລັງ​ກວດ​ພົບ​ການລະບາດ​ຢູ່​ຟາ​ມ​ແຫ່ງ​ໜຶ່ງ​ໃນ​ແຂວງ​ປຳປັງ​ກາ ຫ່າງ​ໄປ 75 ກິ​ໂລ​ແມັດທາງ​ເໜືອ​ຂອງ​ນະຄອນຫລວງ​ມະນິລາ. ຈາກ​ນັ້ນ​ໄດ້​ລະບາດ​ໄປ​ໃນ​ຟາ​ມອີກ 36 ​ແຫ່ງ ​ແລະ ສັດ​ປີກຕາຍ​ໄປ​ເກືອບ 40.000 ​ໂຕ. ທ່ານ ​ເອັມມາ​ນູ​ເອລ ປີ​ນໍ ລັດຖະມົນຕີ​ກະຊວງ​ກະສິກຳ ຖະ​ແຫລ​ງຂ່າວ​ວ່າ: ທ່ານ​ໄດ້​ຂໍ​ໃຫ້​ກອງທັບ​ຟີ​ລິບ​ປິນຊ່ວຍ​ເຫລືອ ​ເພື່ອ​ກຳຈັດ​ສັດ​ປີກ​ໃນ​ຟາ​ມຕ່າງໆ ​ເນື່ອງ​ຈາກ​ເຈົ້າໜ້າ​ທີ່​ບໍ່​ພຽງພໍ​ໃນ​ການ​ຮັບ​ມື​ກັບ​ໄຂ້ຫວັດ​ສັດ​ປີກ​ລະບາດ ​ໂດຍ​ລັດຖະບານ​ມີ​ເຈົ້າໜ້າ​ທີ່​ໃນ​ທ້ອງ​ຖິ່ນ​ປະມານ 200 ຄົນ, ​ແຕ່​ມີ​ສັດ​ປີກ​ໜ້ອຍ​ກວ່າ 20.000 ​ໂຕ​ທີ່​ຖືກ​ຂ້າ​ຖິ້ມນັບ​ແຕ່​ພົບ​ພະຍາດ​ລະບາດ. ຖະ​ແຫລ​ງການ​ເຈົ້າໜ້າ​ທີ່​ກອງທັບ​ລະບຸ​ວ່າ: ທະຫານ​ຢ່າງ​ໜ້ອຍ 300 ຄົນ​ໄດ້​ຮັບ​ມອບ​ໝາຍ​ໃຫ້​ມາ​ແຂວງ​ປຳປັງ​ກາ​ ​ເພື່ອຊ່ວຍ​ສົມທົບ​ໃນ​ການ​ຂ້າ​ກຳຈັດ​ໄກ່, ນົກ​ກະທາ ​ແລະ ​ເປັດ. ​ໂຄສົກ​ກະຊວງ​ສາທາລະນະ​ສຸກ​ຖະ​ແຫລ​ງວ່າ: ​ກຳມະກອນ​ໃນ​ຟາ​ມທ້ອງ​ຖິ່ນ​ທີ່​ບໍ່​ສະບາຍ 2 ຄົນ ​ໄດ້​ຮັບ​ການກວດ​ແລ້ວ ​ແລະ ບໍ່​ພົບ​ວ່າ​ຕິດ​ເຊື້ອ​ໄວຣັດ​ໄຂ້ຫວັດ​ສັດ​ປີກ. ກະຊວງ​ສາທາລະນະ​ສຸກ​ຍັງ​ບໍ່​ລະບຸ​ວ່າ​ໄຂ້ຫວັດ​ສັດ​ປີກ​ທີ່​ລະບາດ​ຢູ່​ຟີ​ລິບ​ປິນ​ເປັນ​ສາຍ​ພັນ​ໃດ.