ເສດຖະກິດກາຕາຍັງແຂງແຮງ ເຖິງວ່າຖືກ 4 ປະເທດຂວ້ຳບາດ

- advert banner 728 90 728x90 - ເສດຖະກິດກາຕາຍັງແຂງແຮງ ເຖິງວ່າຖືກ 4 ປະເທດຂວ້ຳບາດ

- 1502867872704 960x0 - ເສດຖະກິດກາຕາຍັງແຂງແຮງ ເຖິງວ່າຖືກ 4 ປະເທດຂວ້ຳບາດ

- lattana 1 - ເສດຖະກິດກາຕາຍັງແຂງແຮງ ເຖິງວ່າຖືກ 4 ປະເທດຂວ້ຳບາດ

ນັກວິ​ເຄາະ​ຊີ້​ວ່າ: ​ເສດຖະກິດ​ກາ​ຕາ​ຍັງ​ແຂງ​ແຮງ, ​ເຖິງ​ວ່າ​ຖືກ 4 ປະ​ເທດ​ອາຣັບຂວ້ຳບາດ​ມາ​ແຕ່​ວັນ​ທີ 5 ມິຖຸນາ ​ໂດຍ​ກ່າວ​ຫາ​ສະໜັບສະໜູນ​ກໍ່​ການ​ຮ້າຍ ​ແລະ ສະໜິດສະໜົມ​ກັບ​ອີຣານ.

 

+ ອາຣັບເລັ່ງກາຕາຍອມປະຕິບັດຕາມ 6 ຂໍ້ເພື່ອປາບປາມກໍ່ການຮ້າຍ

+ ຫລາຍປະເທດຕາເວັນອອກກາງຕັດການພົວພັນກັບກາຕາ

 

ທ່ານ​ ​ໂມ​ຮາ​ເໝັດ ອຳມາ ປະທານ​ສະມາຄົມ​ນັກທຸລະກິດ​ກາ​ຕາ ກ່າວ​ວ່າ: ​ໃນ​ໄລຍະ​ກາງ​ເຖິງ​ໄລຍະ​ຍາວ​ຄົນ​ທີ່ຢູ່​ໃນ​ກາ​ຕາ​ອາດ​ຮູ້ສຶກ​​ໄດ້​ເຖິງ​ຜົນ​ກະທົບ​ຈາກ​ການ​ຂວ້ຳບາດ​ທາງ​ເສດຖະກິດ, ການ​ປິດ​ເສັ້ນທາງ​ຕິດ​ຕໍ່​ທັງ​ທາງບົກ, ທາງນ້ຳ ​ແລະ ທາງ​ອາກາດ, ​ແຕ່​ປັດຈຸບັນ​ນີ້ ທຸກ​ຄົນ​ຍັງ​ບໍ່​ຮູ້ສຶກ​ຫຍັງ​ຫລາຍ. ສ່ວນ​ທ່ານ ຣາຊິດ ບິນ ອາລີ ອຳ​ມັນ​ຊູຣີ ປະທານ​ຕະຫລາດ​ຫລັກ​ຊັບ​ກາ​ຕາ ​ເຫັນ​ວ່າ: ​ໄລຍະ​​ໂຫດຮ້າຍ​ທີ່​ສຸດ​ໄດ້​ຜ່ານ​ພົ້ນ​ໄປ​ແລ້ວ, ພາຍຫລັງ​ຕະຫລາດ​ຫລຸດ​ລົງ 7% ​ໃນ​ວັນ​ທີ​ອາຣັບບີ ຊາ​ອຸ​ດິດ, ສະຫະ​ນະຄອນ​ ອາ​ເມຣັດ ອາຣັບ, ບາ​ເຣນ ​ແລະ ​ເອຢິບ ປະກາດ​ຕັດ​ການ​ພົວພັນ​ທາງ​ການ​ທູດ​ກັບກາ​ຕາ​ໃນ​ວັນ​ທີ 5 ມິຖຸນາ ​ແລະ ຫລຸດ​ລົງ​ເກືອບ​ 10% ​ໃນ​ໄລຍະ 3 ວັນ​ທຳ​ອິດ.

- 14968891691496891075l - ເສດຖະກິດກາຕາຍັງແຂງແຮງ ເຖິງວ່າຖືກ 4 ປະເທດຂວ້ຳບາດ

​ເຖິງ​ຢ່າງ​ໃດ​ກໍ​ດີ, ຖ້າ​ວິ​ກິດ​ຍັງ​ຍືດ​ເຍື້ອ ນັກວິ​ເຄາະ​ຄາດ​ວ່າ​ຈະ​ກະທົບ​ຕໍ່​ຄວາມ​ເຊື່ອ​ໝັ້ນຂອງ​ນັກ​ລົງທຶນ, ຈຳນວນ​ເງິນ​ຝາກ​ຂອງ​ທະນາຄານ​ຢູ່​ກາ​ຕາ​ໃນ​ເດືອນ​ກ່ອນ​ຫລຸດ​ລົງຢູ່​ລະດັບ​ຕໍ່າ​ສຸດ​ໃນ​ຮອບ​ເກືອບ​ສອງ​ປີ. ຂະນະ​ທີ່​ທຶນ​ສຳຮອງ​ຂອງ​ທະນາຄານ​ກາງ​ເຫລືອ​ໜ້ອຍ​ທີ່​ສຸດ​ນັບ​ແຕ່​ເດືອນ​ພຶດສະພາ 2012 ​ແລະ ຫລຸດ​ລົງ 30% ຈາກ​ເດືອນ​ມິຖຸນາ​ປີ​ກ່ອນ. ບໍລິສັດ​ຈັດ​ອັນ​ດັບ​ພາກັນ​ຫລຸດ​ອັນ​ດັບ​ກາ​ຕາ​ລົງ, ສ່ວນ​ອັອກຊອດ​ອິ​ໂຄ​ໂນ​ມິກຫລຸດ​ທ່າ​ອ່ຽງການ​ເຕີບ​ໃຫຍ່​ຂອງ​ເສດຖະກິດ​ກາ​ຕາ​ປີ​ນີ້​ຈາກ 3,4% ​ເຫລືອ 1,4%, ​ແຕ່​ເຊື່ອ​ວ່າກາ​ຕາ​ຈະ​ສາມາດ​ຕ້ານທານ​ການ​ຂວ້ຳບາດ​ທາງ​ເສດຖະກິດ​ໄດ້​ອີກ​ຫລາຍ​ປີ ​ເພາະ​ກອງ​ທຶນ​ຄວາມ​ໝັ້ນຄົງ​ແຫ່ງ​ຊາດ​ທີ່​ມີ​ມູນ​ຄ່າ​ເຖິງ 330.000 ລ້ານ​ໂດ​ລາ​ສະຫະລັດ ​ໄປ​ລົງທຶນ​ຊັບ​ສິນ​ໃນ​ຕ່າງປະ​ເທດ​ໄວ້​ເປັນ​ຈຳນວນ​ຫລາຍ.