ຕຳຫລວດຟີລິບປິນວິສາມັນ ຜູ້ຄ້າຢາວັນດຽວ 32 ຄົນ

- advert banner 728 90 728x90 - ຕຳຫລວດຟີລິບປິນວິສາມັນ ຜູ້ຄ້າຢາວັນດຽວ 32 ຄົນ

- 97401940 d5988213 3d81 4d7d b5c5 ca49caa4e875 - ຕຳຫລວດຟີລິບປິນວິສາມັນ ຜູ້ຄ້າຢາວັນດຽວ 32 ຄົນ

- lattana 1 - ຕຳຫລວດຟີລິບປິນວິສາມັນ ຜູ້ຄ້າຢາວັນດຽວ 32 ຄົນ

​ເຈົ້າໜ້າ​ທີ່​ຕຳຫລວດ ​ເຊິ່ງອອກ​ປະຕິບັດ​ການ​ກວາດ​ລ້າງ​ຂະ​ບວນການ​ຢາ​ເສບ​ຕິດ​ໃນ​ເມືອງ​ບູລາ​ກັນ​ຂອງ​ຟີ​ລິບ​ປິນ ​ໄດ້​ລົງມື​ວິສາມັນ​ຄາດ​ຕະກຳ​ຜູ້​ຕ້ອງ​ສົງ​ໄສ​ທີ່​ຈັບ​ອາວຸດ​ຕໍ່ສູ້​​ເຖິງ 32 ຄົນ​ພາຍ​ໃນ​ວັນ​ດຽວ ​ແລະ ຍັງ​ຈັບ​ກຸມ​ຜູ້​ຕ້ອງ​ສົງ​ໄສ​ທີ່​ເຫລືອ​ໄດ້​ອີກ​ຮ້ອຍ​ກວ່າ​ຄົນ ພ້ອມ​ຂອງ​ກາງ​ເປັນ​ຢາ​​ເສບ​ຕິດ​ຈຳນວນ​ຫລາຍ.

ປະຕິບັດ​ການ​ດັ່ງກ່າວ​​ໃຊ້​ເວລາ​ທັງ​ໝົດ 24 ຊົ່ວ​ໂມງ ຈາກ​ທ່ຽງ​ຄືນ​ຂອງ​ວັນ​ທີ 14 ສິງຫາ​ຫາ​ທ່ຽງ​ຄືນ​ຂອງ​ວັນ​ຕໍ່​ມາ ​ໂດຍ​ເຊື່ອ​ວ່າ​ຈຳນວນ​ຜູ້​ຕ້ອງ​ສົງ​ໄສ​ທີ່​ຖືກ​ວິສາມັນ​ຄາດ​ຕະກຳ​ໃນ​ຄັ້ງນີ້​ສູງ​ທີ່​ສຸດ​ສຳລັບ​ປະຕິບັດ​ການ​ທີ່​ໃຊ້​ເວລາ 1 ວັນ ນັບ​ແຕ່​ປະທານາທິບໍດີ ​ໂຣດຣິ​ໂກ ດູ​ເຕີ​ເຕ ​ໄດ້​ປະກາດ​ສົງຄາມ​ກັບ​ຢາ​ເສບ​ຕິດ​ໃນ​ປີກາຍເປັນຕົ້ນມາ.

 

+ ທ່ານ ດູເຕີເຕ ເດີນໜ້າສົງຄາມ ຢາເສບຕິດ-ເລັ່ງຮື້ຟື້ນໂທດປະຫານ

+ ບົດຮຽນການປາບປາມຢາເສບຕິດ: ຈາກ ໂກລົມບີ ເຖິງ ຟີລິບປິນ

 

ຈຳນວນ​ຜູ້​ເສຍ​ຊີວິດ​ຈາກ​ການ​ກວາ​ດລ້າງ​ຂະ​ບວນການ​ຢາ​ເສບ​ຕິດ​ທີ່​ຍັງ​ເພີ່ມ​ຂຶ້ນ​ເລື້ອຍໆ ​ເປັນ​ສັນຍານ​ວ່າ​ຜູ້ນຳ​ຟີ​ລິບ​ປິນຈະ​ຍັງ​ບໍ່​ຍົກ​ເລີກ​ສົງຄາມ​ປາບ​ປາມ​ຢາ​ເສບ​ຕິດ​ງ່າຍໆ, ​ເຖິງ​ວ່າ​ຈະ​ມີ​ສຽງ​ວິຈານ​ຕຳ​ນິຢ່າງ​ຮຸນ​ແຮງ​ຈາກ​ບັນດາ​ປະ​ເທດ​ເຖິງ​ການ​ບໍ່​ເຄົາລົບ​ຂັ້ນຕອນ​ຂອງ​ຂະ​ບວນການ​ຍຸຕິ​ທຳ ​ແລະ ການລະ​ເມີດ​ສິດທິ​ມະນຸດ​ກໍ​ຕາມ.

​ໃນ​ເດືອ​ນຜ່ານ​ມາ, ປະທານາທິບໍດີ ດູ​ເຕີ​ເຕ ​ໄດ້​ປະກາດ​ເຕືອນ​ບັນດາ​ຜູ້​ຄ້າ ​ແລະ ຜູ້​ໃຊ້​ຢາ​ເສບ​ຕິດ​ວ່າ: ຈະ​ນຳ​ເອົາ​ຄົນ​ກຸ່ມ​ນີ້​ໄປ​ສູ່​ປະຕູ​ນາລົກ, ​ແຕ່​ກຸ່ມ​ພິທັກ​ສິດທິ​ມະນຸດ​ຂັດ​ແຍ່ງ​ວ່າ: ການ​ວິສາມັນ​ຄາດ​ຕະກຳ​ຜູ້​ຕ້ອງ​ສົງ​ໄສ​ພົວພັນ​ຄະດີ​ຢາ​ເສບ​ຕິດ​ນັ້ນ ສ່ວນ​ຫລາຍ​ມີ​ການວາງ​ແຜນ​ໄວ້​ລ່ວງ​ໜ້າ ​ໂດຍ​ຕຳຫລວດ​ໄດ້ຮັບ​ຜົນ​ປະ​ໂຫຍ​ດ, ສ່ວນ​ຂໍ້​ອ້າງ​ທີ່​ວ່າ​ຄົນ​ຮ້າຍ​ຈັບ​ອາວຸດ​ຕໍ່ສູ້​ຈຶ່ງ​ເຮັດ​ໃຫ້​ເຈົ້າໜ້າ​ທີ່​ຕ້ອງ​ລົງມື​ຍິງ​ສັງຫານ​ນັ້ນພິສູດ​ໄດ້​ຍາກ.

- 97401941 791de2a2 8035 4532 8cf7 b737423442d4 - ຕຳຫລວດຟີລິບປິນວິສາມັນ ຜູ້ຄ້າຢາວັນດຽວ 32 ຄົນ

​ໃນ​ເດືອນ​ມັງກອນ​ຂອງ​ປີ​ນີ້, ປະທານາທິບໍດີ ດູ​ເຕີ​ເຕ ​ໄດ້​ສັ່ງ​ລະງັບ​ສົງຄາມ​ປາບ​ປາມ​ຢາ​ເສບ​ຕິດ​ໄວ້​ຊົ່ວຄາວ ​ເພື່ອ​ຈັດ​ລະບຽບ​ອົງການ​ຕຳຫລວດ​ໃຫ້​ໂປ່​ງ​ໃສ​ປາສະຈາກ​ຜົນ​ປະ​ໂຫຍ​ດດ້ານ​ຢາ​ເສບ​ຕິດ​ທີ່​ເປັນ​ຂໍ້​ກ່າ​ວຫາ ​ແລ້ວ​ຈຶ່ງ​ເລີ່​ມດຳ​ເນີນ​ສົງຄາມ​ປາບ​ປາມ​ຢາ​ເສບ​ຕິດ​ໃໝ່​ອີກ ​ໃນ​ເດືອນ​ມີນາ​ຜ່ານ​ມາ ປະຊາຊົນ​ຈຳນວນ​ຫລາຍ​ສະໜັບສະໜູນ​ສົງຄາມ​ປາບ​ປາມ​ຢາ​ເສບ​ຕິດ​ໃນ​ຄັ້ງນີ້ ​ໂດຍ​ເຫັນ​ວ່າ​ຊ່ວຍ​ຫລຸດ​ອາດຊະຍາ​ກຳ​ຕ່າງໆ​ໃນ​ທ້ອງ​ຖິ່ນ ​ແລະ ຕາມ​ຖະໜົນ​ໄດ້.