ລະວັງ! ຝົນຈະຕົກເພີ່ມຂຶ້ນ

- advert banner 728 90 728x90 - ລະວັງ! ຝົນຈະຕົກເພີ່ມຂຶ້ນ

ກົມອຸຕຸນິຍົມ ແລະ ອຸທົກກະສາດ ໃຫ້ຮູ້ວ່າ: ນັບແຕ່ວັນທີ 17-20 ສິງຫານີ້, ຮ່ອງຄວາມກົດດັນອາກາດຕ່ຳຈະພັດຜ່ານເຂດພາກເໜືອ ແລະ ພາກກາງຂອງລາວ ແລະ ສົມທົບກັບລົມມໍລະສຸມຕາເວັນຕົກສ່ຽງໃຕ້ຈະມີກຳລັງແຮງເພີ່ມຂຶ້ນມາພັດປົກຄຸມ, ຊຶ່ງຈະເຮັດໃຫ້ມີຝົນຕົກເພີ່ມຂຶ້ນໃນລະດັບຄ່ອຍຫາປານກາງໃນແຕ່ລະພາກ ແລະ ຕົກໜັກຢູ່ບາງທ້ອງຖິ່ນ.

- lattana 1 - ລະວັງ! ຝົນຈະຕົກເພີ່ມຂຶ້ນ

ພາກເໜືອດ້ານຕາເວັນອອກ: ຈະມີຝົນຕົກເພີ່ມຂຶ້ນໃນລະດັບຄ່ອຍຫາປານກາງຢູ່ເກືອບທົ່ວໄປ ແລະ ຕົກໜັກຢູ່ບາງທ້ອງຖິ່ນ ອຸນຫະພູມຕ່ຳສຸດ 20-22 ອົງສາ ແລະ ສູງສຸດ 30-32 ອົງສາ. ພາກເໜືອດ້ານຕາເວັນຕົກ: ຈະມີຝົນຕົກເພີ່ມຂຶ້ນໃນລະດັບຄ່ອຍຫາປານກາງຢູ່ເກືອບທົ່ວໄປ ແລະ ຕົກໜັກຢູ່ບາງທ້ອງຖິ່ນແຂວງຫລວງນໍ້າທາ ແລະ ອຸດົມໄຊ ອຸນຫະພູມຕ່ຳສຸດ 24-26 ອົງສາ ແລະ ສູງສຸດ 33-35 ອົງສາ.

ພາກກາງ: ຈະມີຝົນຕົກຫລາຍໃນລະດັບຄ່ອຍຢູ່ເກືອບທົ່ວໄປ ແລະ ຕົກປານກາງຢູ່ບາງທ້ອງຖິ່ນແຂວງບໍລິຄຳໄຊ, ຄຳມ່ວນ ແລະ ສະຫວັນນະເຂດ ອຸນຫະພູມຕ່ຳສຸດ 24-26 ອົງສາ ແລະ ສູງສຸດ 33-35 ອົງສາ.

ພາກໃຕ້: ຈະມີຝົນຕົກຫລາຍໃນລະດັບຄ່ອຍຫາປານກາງຢູ່ເກືອບທົ່ວໄປ ອຸນຫະພູມຕ່ຳສຸດ 24-26 ອົງສາ ແລະ ສູງສຸດ 33-35 ອົງສາ.

ສຳລັບນະຄອນຫລວງວຽງຈັນ: ຈະມີຝົນຕົກເພີ່ມຂຶ້ນໃນລະດັບຄ່ອຍຢູ່ເກືອບທົ່ວໄປ ແລະ ຕົກປານກາງຢູ່ບາງບໍລິເວນ ອນຸຫະພູມຕ່ຳສຸດ 24-26 ອົງສາ ແລະ ສູງສຸດ 33-35 ອົງສາ.

ສ່ວນລະດັບນ້ຳຂອງ ແລະ ແມ່ນ້ຳສາຂາຈະມີການເໜັງຕີງພຽງເລັກນ້ອຍ, ຊຶ່ງໂດຍສ່ວນໃຫຍ່ຢູ່ເຂດຫລວງພະບາງລົງຫານະຄອນຫລວງວຽງຈັນຈະຫລຸດລົງ ແລະ ສະເພາະແຂວງບໍລິຄຳໄຊລົງໄປຮອດຈຳປາສັກລະດັບນ້ຳຂອງຈະຫລຸດລົງຈົນກວ່າຮອດວັນທີ 20 ສິງຫາ.