6 ສິ່ງທີ່ບອກວ່າທ່ານນອນບໍ່ພໍ

- advert banner 728 90 728x90 -  6 ສິ່ງທີ່ບອກວ່າທ່ານນອນບໍ່ພໍ
  1. ເຊົາກິນນັ້ນກິນນີ້ບໍ່ໄດ້ : ກິນເທົ່າໃດກໍໄດ້ ແລະ ບໍ່ຮູ້ສຶກອີ່ມຈັກເທື່ອ ນີ້ບໍ່ແມ່ນຄວາມສາມາດພິເສດ ຄວາມຫິວສາມາດບົ່ງບອກໄດ້ວ່າທ່ານຄວນນອນຫລາຍຂຶ້ນ ໂດຍການສຶກສາເມື່ອມໍ່ໆນີ້ພົບວ່າ : ຄົນທີ່ນອນໜ້ອຍຈະຍິ່ງເປັນຄົນຫິວງ່າຍຂຶ້ນ ເນື່ອງຈາກການອົດນອນຈະເຮັດໃຫ້ຮ່າງກາຍເຮົາຫລັ່ງຮໍໂມນ ເກຣລິນ ຫລື ຮໍໂມນ ຄວາມຫິວອອກມາ ແລະ ຈະໄປຫລຸດລະດັບຂອງເລບຕິນ (ຮໍໂມນທີ່ເຮັດໃຫ້ທ່ານຮູ້ສຶກອີ່ມ) ແທນທີ່ຈະຈັບອາຫານເຂົ້າປາກ ກໍລອງປ່ຽນໄປຈັບໝອນແລ້ວນອນຈະດີກ່ວາ.
  2. ນຳ້ໜັກຂຶ້ນ : ຜົນພວງຈາກຂໍ້ທີ 1 ເມື່ອກິນຫລາຍທ່ານກໍຍິ່ງນຳ້ໜັກຂຶ້ນ ເຖິງວ່າທ່ານຈະວາງແຜນໄວ້ວ່າຈະກິນຍຳສະຫລັດເປັນຄາບແລງກໍຕາມ, ແຕ່ຄວາມອ່ອນເພຍກໍເຮັດໃຫ້ທ່ານຫິວອາຫານຫວານໆຢູ່ດີ ຖ້າຮູ້ສຶກວ່ານອນໜ້ອຍ ໃຫ້ໄປນອນ ຢ່າງໜ້ອຍກໍດີກ່ວາຕ້ອງໄປເມື່ອຍຢູ່ສູນອອກກຳລັງກາຍ.
  3. ຜິດກັບແຟນງ່າຍຂຶ້ນ : ການນອນໜ້ອຍເຮັດໃຫ້ທ່ານມີອາລົມປ່ຽນແປງຫລາຍ, ໃຈຮ້າຍງ່າຍ. ຕາມການສຶກສາໃນປິຜ່ານມາພົບວ່າ : ຄູ່ຮັກທີ່ນອນບໍ່ພໍຈະມີການຜິດຖຽງກັນຈິງຈັງຫລາຍກ່ວາ ຖ້າຄິດວ່າຈະຜິດກັບແຟນ ແນະນຳໃຫ້ປິ່ນຫລັງແລ້ວລົ້ມໂຕລົງນອນ ຮັບຮອງສະຕິມາ ປັນຍາເກີດ ບໍ່ຜິດກັນ ແລະ ບໍ່ມີບັນຫາຊີວິດຄູ່ແນ່ນອນ.
  4. ຫລົງໆລືມໆ : ທ່ານເລີ່ມລືມສິ່ງທີ່ກຳລັງຈະເຮັດໃນໄວໆນີ້ ເຊັ່ນ : ຄິດໄວ້ວ່າຈະໂທຫາແມ່, ແຕ່ເມື່ອຈັບໂທລະສັບຂຶ້ນມາ ທ່ານກໍລືມແລ້ວວ່າຈະຕ້ອງເຮັດຫຍັງ ຫລື ແມ່ນແຕ່ວັນສຳຄັນທ່ານກໍເລີ່ມຈື່ບໍ່ໄດ້ແລ້ວ ໂດຍການອົດນອນນອກຈາກຈະເຮັດໃຫ້ທ່ານຈື່ເລື່ອງນ້ອຍໆບໍ່ໄດ້ແລ້ວ ໃນການສຶກສາຍັງພົບວ່າ ການນອນໜ້ອຍຍັງເຮັດໃຫ້ທ່ານຈື່ຫຍັງຜິດໆນຳອີກ.
  5. ປ່ວຍຕະຫລອດ : ຖ້າທ່ານເຈັບໄຂ້ໄດ້ປ່ວຍຫລາຍກ່ວາທ່ີຄິດ ຢ່າໂທດວ່າຮ່າງກາຍເຖົ້າ ຫລື ບໍ່ດີ ແຕ່ຈົ່ງໂທດທີ່ໂຕເອງບໍ່ຍອມນອນໃຫ້ພໍຈະດີກ່ວາ ເພາະຜົນວິໄຈພົບວ່າຄົນທີ່ນອນໜ້ອຍກ່ວາ 7 ຊົ່ວໂມງ ສ່ວນຫລາຍຈະມີອາການປ່ວຍໄດ້ງ່າຍ ເພາະການນອນຈະເຮັດໃຫ້ຮ່າງກາຍມີຄວາມສາມາດໃນການຕໍ່ສູ້ກັບການຕິດເຊື້ອພະຍາດໄດ້ດີກ່ວາ ຖ້າຢາກຈະໃຫ້ພູມຕ້ານທານດີ ກໍຄວນນອນໃຫ້ພໍ.
  6. ຫລິ້ນຜົມ, ສັ່ນຂາ : ທ່ານມັກຫລິ້ນຜົມໂຕເອງ, ສັ່ນຂາໂຕເອງ ຄວາມຈິງແລ້ວການເຮັດແບບນີ້ອາດຈະເປັນເລື່ອງດີ ເພາະ ຊ່ວຍໃຫ້ທ່ານຕື່ນໂຕ ແຕ່ມັນກໍເປັນສາເຫດຂອງການນອນບໍ່ພໍ ທີ່ທ່ານຕ້ອງເຮັດແບບນັ້ນກໍເພື່ອໃຫ້ຮ່າງກາຍຕື່ນໂຕຕະຫລອດເວລາ. ສະນັ້ນ, ນອນໃຫ້ຫລາຍຂຶ້ນດີກ່ວາ.
- lattana 1 -  6 ສິ່ງທີ່ບອກວ່າທ່ານນອນບໍ່ພໍ