ວິທະຍາສາດຢັ້ງຢືນແລ້ວວ່າການທ່ອງທ່ຽວເຮັດໃຫ້ອາຍຸຍືນ

- advert banner 728 90 728x90 - ວິທະຍາສາດຢັ້ງຢືນແລ້ວວ່າການທ່ອງທ່ຽວເຮັດໃຫ້ອາຍຸຍືນ
  1. ພຽງແຕ່ວາງແຜນທ່ອງທ່ຽວກໍຊ່ວຍເພີ່ມຄວາມສຸກໄດ້ : ຜົນວິໄຈຈາກມະຫາວິທະຍາໄລ Surrey ໃນສະຫະລັດອາເມລິກາ ໄດ້ສຶກສາໃນປີຜ່ານມາ ແລະ ພົບວ່າ : ຄົນຈະມີຄວາມສຸກຫລາຍເມື່ອຮູ້ວ່າຈະໄດ້ທ່ອງທ່ຽວ ເຮົາຈະມີການກຽມໂຕ ແລະ ຮູ້ສຶກມີຄວາມສຸກເມື່ອຄິດເຖິງສິ່ງທີ່ກຳລັງຈະເກີດ ສະນັ້ນໃນຂະນະທີ່ຍັງບໍ່ໄດ້ກ້າວອອກໄປທ່ຽວ ທ່ານກໍມີຄວາມສຸກແລ້ວ.
  2. ການທ່ອງທ່ຽວຊ່ວຍໃຫ້ທ່ານຈັດການກັບຄວາມເຄັ່ງຄຽດ ແລະ ເລື່ອງລົບໆ : ບາງເທື່ອເຮົາກໍພຽງແຕ່ຢາກຫລຸດພົ້ນຈາກສິ່ງທີ່ເປັນຢູ່ໃນປະຈຸບັນ ຄວາມຈິງແລ້ວຄົນທ່ອງທ່ຽວບາງຄົນບໍ່ໄດ້ຢາກພົບບ່ອນໃໝ່ໆດອກ ເຂົາອາດຈະຕ້ອງການຫລຸດພົ້ນຈາກສິ່ງທີ່ສຸດໜ້າເບື່ອ. ຕາມຂໍ້ມູນໃນປີຜ່ານມາຈາກການສຳຫລວດຄວາມເຄັ່ງຄຽດຂອງຄົນອາເມລິກາຂອງ American Psychological Association ພົບວ່າ : ການທ່ອງທ່ຽວຊ່ວຍຫລຸດຄວາມເຄ່ັງຄຽດໄດ້ແທ້ ແລະ ຫລຸດຄວາມຮູ້ສຶກບໍ່ດີໄດ້ນຳ ຖ້າໃຜເລີ່ມຮູ້ສຶກເຄັ່ງຄຽດຈາກການເຮັດວຽກ, ຄວາມຮັກ, ຄອບຄົວ ຈະຫລົບໜີໄປທ່ຽວກ່ອນແລ້ວຄ່ອຍມາຮັບມືກໍໄດ້.
  3. ການທ່ອງທ່ຽວຫລຸດຄວາມຫົດຫູ່ໄດ້ : ຍ້ອນຄວາມເຄັ່ງຄຽດຈາກການເຮັດວຽກ, ການທໍລະມານຈາກຄົນຮັກ ຫລື ເລື່ອງທີ່ຮ້າຍໆທີ່ເຂົ້າມາໃນຊີວິດເກີນຈະຮັບໄຫວ ຕາມຜົນການສຶກສາຂອງ Marshfield Clinic ໃນ Wisconsin ພົບວ່າ : ແມ່ຍິງທີ່ທ່ອງທ່ຽວໜ້ອຍກ່ວາ 1 ເທື່ອໃນ 2 ປີ ຈະມີຄວາມເຄັ່ງຄຽດຈາກການຫົດຫູ່ຫລາຍກ່ວາແມ່ຍິງທີ່ທ່ອງທ່ຽວ 2 ເທື່ອຕໍ່ປີ ເພາະເຮົາ ໄດ້ພົບເລື່ອງລາວໃໝ່ໆ, ກິ່ນໃໝ່ໆ, ສຽງໃໝ່, ພາບໃໝ່.
  4. ເຂົ້າໃຈຊີວິດຫລາຍຂຶ້ນ : ບາງຢ່າງເມື່ອເຮົາລົງທຶນໄປແລ້ວ ອາດຈະໄດ້ພຽງແຕ່ສິ່ງຂອງກັບມາ, ເວລາຜ່ານໄປກໍເປ່ເພເສຍຫາຍໄດ້ ແຕ່ຫາກທ່ານຕັກຕວງ ໂດຍການເອົາມັນໄປໃຊ້ກັບການທ່ອງທ່ຽວ ປະສົບການຂອງທ່ານກໍຈະເພີ່ມຂຶ້ນ ແລະ ບໍ່ວ່າຈະດົນປານໃດຄວາມຊົງຈຳໃນການທ່ອງທ່ຽວກໍຍັງຢູ່ກັບທ່ານໄປຕະຫລອດຊີວິດ ແມ່ນແຕ່ການທ່ອງທ່ຽວໄລຍະເວລາສັ້ນໆກໍເຮັດໃຫ້ທ່ານໄດ້ເຫັນຄວາມຫລາກຫລາຍຂອງວັດທະນະທຳ, ຄວາມເປັນຢູ່, ວິຖີຊີວິດທີ່ແຕກຕ່າງອອກໄປໄດ້. ນອກຈາກນັ້ນ, ຜົນການສຶກສາຈາກ Cornell ຍັງເປີດເຜີຍວ່າ : ການທ່ອງທ່ຽວນັ້ນຈະເຮັດໃຫ້ທ່ານໄດ້ຫລາຍກ່ວາການຊື້ສິ່ງຂອງນຳອີກ.
  5. ຫລຸດຄວາມສ່ຽງຫົວໃຈວາຍໄດ້ນຳ : ພະຍາດຫົວໃຈອີກພະຍາດທີ່ອັນຕະລາຍໃນຊີວິດຄົນເຮົາ ຕາມການສຶກສາທາງວິທະ ຍາສາດພົບວ່າ : ຄົນທີ່ບໍ່ໄດ້ທ່ອງທ່ຽວມາຫລາຍປີ 30% ມີເກນທີ່ຈະເປັນພະຍາດຫົວໃຈໄດ້. ສ່ວນຄົນທີ່ທ່ອງທ່ຽວເປັນປະຈຳມີພຽງ 20% ເທົ່ານັ້ນທີ່ມີສິດຕາຍຈາກພະຍາດຫົວໃຈ ເນື່ອງຈາກຄົນທີ່ທ່ອງທ່ຽວເປັນປະຈຳຈະຕ້ອງໄດ້ຍ່າງເປັນໄລຍະທາງໄກ ຍິ່ງເວລາຍ່າງທ່ອງທ່ຽວກໍຍິ່ງບໍ່ຮູ້ສຶກວ່າເມື່ອຍ ເພາະມີສິ່ງຕື່ນເຕັ້ນລໍຖ້າຢູ່ຂ້າງໜ້າ ໂດຍສະເພາະຄົນທີ່ມັກດຳນຳ້ ພະລັງປອດຕ້ອງດີຫລາຍ ສຸຂະພາບກໍແຂງແຮງເປັນທຳມະດາ ສະນັ້ນ ຕ້ອງຫັນມາຫາເວລາທ່ອງທ່ຽວໃຫ້ຫລາຍຂຶ້ນແລ້ວ.
- lattana 1 - ວິທະຍາສາດຢັ້ງຢືນແລ້ວວ່າການທ່ອງທ່ຽວເຮັດໃຫ້ອາຍຸຍືນ